Տիրա­դավն Աստծուն Ուրա­ցողներն Են, Ոչ Թե Կաթո­ղի­կո­սի Հրա­ժա­րա­կա­նը Պահանջողնե­րը

Իրենք հավա­տա­րիմ են Աստծուն և եկե­ղե­ցու ավանդությա­նը և որևէ դավա­ճա­նության մասին խոսք լինել չի կարող։ Իրենք երբեք չեն կտրվել Մայր Աթո­ռից և շարունա­կե­լու են այնտեղ գնալ աղո­թե­լու։ Ներկա­յիս կառա­վարման մոդե­լը ձևա­վո­րում է վախի մթնո­լորտ, ոչ թե եղբայրա­սի­րություն։ 

Վազգեն Միրզա­խանյան

Armtimes‑ը զրուցել է Բալթյան երկրնե­րի հայոց թեմի առաջնորդ տեր Վազգեն արքե­պիսկո­պոս Միրզա­խանյա­նի հետ: Վազգեն արքե­պիսկո­պոս Միրզա­խանյա­նը քննա­դա­տում է Գարե­գին Երկրորդ կաթո­ղի­կո­սի գործունեությունը՝ պնդե­լով, որ նա հեռա­ցել է եկե­ղե­ցու բուն առա­քե­լությունից և ծառա­յում է օտար շահե­րին։ Սրբա­զա­նը մանրա­մասնում է Մայր Աթո­ռում տեղի ունե­ցած միջա­դե­պե­րը, որտեղ հավաքված ժողո­վուրդը պահանջել է վեհա­փա­ռի հրա­ժա­րա­կա­նը։

Տեր Վազգեն արքե­պիսկո­պոս Միրզա­խանյա­նը, Բալթյան երկրնե­րի հայոց թեմի առաջնորդը, անդրա­դառնա­լով Մայր Աթոռ Սուրբ Էջմիածնում տեղի ունե­ցած հավա­քին, ասաց, որ իրենց նպա­տա­կը եղել է ժողովրդին հրա­վի­րել Մայր Աթոռ՝ փոխանցե­լու Ամե­նայն Հայոց կաթո­ղի­կո­սին ուղղված նամա­կը, խոսքով դիմե­լու ժողովրդին, միա­սին աղո­թե­լու և խաղա­ղությամբ հավա­քը ավարտե­լու համար։ Նա նշեց, որ այդ ծրա­գի­րը միտումնա­վոր խաթարվել է, քանի որ հատուկ ուժեր ու կազմա­կերպված խմբեր են ներգրավվել, ինչի հետև­անքով իրա­վի­ճա­կը բաժանվել է «մերոնց» և «ձերոնց»։ Ըստ նրա՝ սա Մայր Աթո­ռի հինա­վանդույթնե­րին հակա­սող մոտե­ցում էր։ Հավա­քին ներկա ամբողջ ժողո­վուրդը Հայ Առա­քե­լա­կան Սուրբ եկե­ղե­ցու անդամներ են և չեն կարող բաժանվել հակա­դիր ճամբարնե­րի։ Նրա դիտարկմամբ՝ այդ բաժա­նումը արվել է կանխամտածված։ Նա ասաց, որ, այնուա­մե­նայնիվ, իրենց առա­քե­լությունը իրա­կա­նացվել է․ նամա­կը փոխանցվել է, ժողովրդին դիմել են, թեև Մայր Տաճա­րում ընթա­ցող արա­րո­ղության և բարձրա­խոսնե­րի պատճա­ռով իրենց խոսքը լիարժեք չի հնչել։ Նա հավե­լեց, որ հնչե­լեն սադրիչ արտա­հայտություններ, սակայն դրանք չի համա­րում ուղղված իրենց, այլ ընդհա­նուր սադրանքներ։

Տեր Վազգեն արքե­պիսկո­պո­սը նշեց, որ ամե­նա­կարև­ո­րը ժողովրդի ներկա­յությունն ու իր խոսքը բարձրա­ձայնելն էր։ Նրա խոսքով՝ հավաքված ժողո­վուրդը եկել էր Ամե­նայն Հայոց կաթո­ղի­կո­սին փոխանցե­լու այն ուղերձը, որ ժամա­նակն է հանգստի կոչվե­լու։

Անդրա­դառնա­լով նամա­կի բովանդա­կությա­նը՝ սրբա­զա­նը նշեց, որ այն կարող էին փոխանցել նաև անմի­ջա­կա­նո­րեն, սակայն ցանկա­ցել են, որ ժողո­վուրդը հավաքվի իր տան՝ Մայր Աթոռ Սուրբ Էջմիածնի տարածքում և այդ գործընթա­ցը լինի հանրա­յին։ Նա դիտարկեց, որ որոշ քաղա­քա­կան ուժեր փորձել են հավա­քը վերա­ծել քաղա­քա­կան միտինգի և ներկա­յա­նալ որպես եկե­ղե­ցու պաշտպաններ, մինչդեռ այնտեղ եկե­ղե­ցու դեմ որևէ մարդ չի եղել։ Տեր Վազգեն Միրզա­խանյա­նը կարծիք հայտնեց, որ Ամե­նայն Հայոց կաթո­ղի­կո­սը երկար ժամա­նակ է՝ ականջա­լուր չի լինում ոչ իր եպիսկո­պոսնե­րին, ոչ հոգև­ո­րա­կա­նությա­նը, և հարց բարձրացրեց՝ արդյոք երբևէ ականջա­լուր է եղել ժողովրդի խոսքին։ Նրա համոզմամբ՝ ժողո­վուրդը փաստա­ցի դադա­րել է ճանա­չել նրան որպես իր կաթո­ղի­կոս, քանի որ շատ հավա­տացյալներ այլևս չեն հաճա­խում Մայր Տաճար՝ չցանկա­նա­լով հաղորդակցվել գործող կաթո­ղի­կո­սի հետ։

Սրբա­զա­նը անդրա­դարձավ նաև քաղա­քա­կան գործիչնե­րի մասնակցությա­նը՝ նշե­լով, որ յուրա­քանչյուր քաղա­քա­ցի իրա­վունք ունի լինել Մայր Տաճա­րում և աղո­թել, սակայն անթույլատրե­լի է եկե­ղե­ցին վերա­ծել քաղա­քա­կան բախման վայրի։ Նա կոչ արեց քաղա­քա­կան ուժե­րին զերծ մնալ հոգև­ո­րա­կաննե­րի հասցեին վիրա­վո­րա­կան արտա­հայտություննե­րից և ընդգծեց, որ իրենք երբեք չեն խառնվել քաղա­քա­կան գործընթացնե­րին։ Իրենց խնդի­րը ոչ թե քաղա­քա­կան ուժե­րի, այլ գործող Ամե­նայն Հայոց կաթո­ղի­կո­սի հետ է, քանի որ, նրա խոսքով, վերջինս շեղվել է Հայ Առա­քե­լա­կան եկե­ղե­ցին առաջնորդե­լու ուղիղ ճանա­պարհից։ Նա ընդգծեց, որ եկե­ղե­ցին պետք է ծառա­յի ամբողջ ժողովրդին, ոչ թե առանձին քաղա­քա­կան խմբե­րի կամ անհատնե­րի։ Անդրա­դառնա­լով իրեն և այլ եպիսկո­պոսնե­րին Գերա­գույն հոգև­որ խորհրդից հեռացնե­լու հարցին՝ սրբա­զա­նը դա որա­կեց անօ­րի­նա­կան և կանո­նադրությա­նը հակա­սող քայլ։ Նա նշեց, որ ընտրվել է Եկե­ղե­ցա­կան ներկա­յա­ցուցչա­կան ժողո­վի կողմից, որի գումա­րումը տարի­ներ շարունակ չի իրա­կա­նացվել՝ առանց կանո­նադրա­կան հիմնա­վորման։ Նրա համոզմամբ՝ պանդե­միա­յի և պատե­րազմի պատճա­ռա­բա­նություննե­րը կեղծ են։

Սրբա­զա­նը նաև անդրա­դարձավ իր հասցեին հնչող ծանր որա­կումնե­րին՝ ընդգծե­լով, որ դրանք անընդունե­լի են և չեն համա­պա­տասխա­նում իրա­կա­նությա­նը։ Նրա խոսքով՝ իրենք հավա­տա­րիմ են Աստծուն և եկե­ղե­ցու ավանդությա­նը և որևէ դավա­ճա­նության մասին խոսք լինել չի կարող։Իրենք երբեք չեն կտրվել Մայր Աթո­ռից և շարունա­կե­լու են այնտեղ գնալ աղո­թե­լու։ Նա կոչ արեց հոգև­ո­րա­կաննե­րին հաղթա­հա­րել վախը և բարձրա­ձայնել իրենց արդար խոսքը՝ ընդգծե­լով, որ ներկա­յիս կառա­վարման մոդե­լը ձևա­վո­րում է վախի մթնո­լորտ, ոչ թե եղբայրա­սի­րություն։

Անդրա­դառնա­լով այն խոսակցություննե­րին, թե հնա­րա­վոր է կաթո­ղի­կո­սությունը տեղա­փոխվի արտերկիր, սրբա­զա­նը նշեց, որ չի ցանկա­նում հավա­տալ այդ սցե­նա­րին և վստահ է, որ թե՛ պետա­կան մարմիննե­րը, թե՛ հոգև­որ դասը թույլ չեն տա նման զարգա­ցում։

Եզրա­փա­կե­լով՝ Տեր Վազգեն արքե­պիսկո­պոս Միրզա­խանյա­նը նշեց, որ այս գործընթա­ցը հասել է անդառնա­լի կետի, և լավա­գույն լուծումը կլի­նի, եթե Ամե­նայն հայոց կաթո­ղի­կո­սը ականջա­լուր լինի և պատվով հանգստի կոչվի։ Նրա խոսքով՝ այլընտրանքը միայն խորացնե­լու է ճգնա­ժա­մը, իսկ եկե­ղե­ցին պետք է նորո­վի, բայց իր ավանդություննե­րին հավա­տա­րիմ, քայլի ժամա­նա­կի ու ժողովրդի հետ։

Հարցազրույցի համար՝