Այս անգամ Գյումրին ունի հնարավորություն։ Հնարավորություն նոր խոսք ասելու Հայաստանի քաղաքական կյանքում և այդ հնարավորությունը ոչ նախկիններն են, ոչ էլ ներկաները։ Այդ հնարավորությունը Եվրոդաշինքն է՝ Լևոն Բարսեղյանի թեկնածությամբ։ Հարկավոր է հասկանալ, որ Լևոն Բարսեղյանին քվեարկելով՝ գյումրեցին քվեարկում է նաև Հայաստանի քաղաքական ապագայի համար, քվերակելով Բարսեղյանին, Գյումրին հաստատում է, որ Հայաստանի ապագան դեպի քաղաքակիրթ Եվրոպան է, որի դիտորդներն էլ այսօր մշտադիտարկում են սահմանն ու թույլ չեն տալիս, որ Ադրբեջանը իր ցանկացած սուտը իրականության վերածի։
Մեր Ուղին
Ընտրությունների օրերի մոտենալուն զուգահեռ՝ Գյումրիում ընտրապայքարն ավելի է թեժանում։ Ընդ որում այդ թեժացումը ոչ թե քաղաքական-գաղափարական մակարդակում է, այլ, ինչպես ցավոք բնորոշ է Հայաստանին, իրար վրա ցեխ շպրտելու, կոմպրոմատներ ցույց տալու, միմյանց նախկին կյանքից ինչ որ կեղտեր ցուցադրելու միտումով։
Գյումրին այս օրերին կարծես ողջ հայաստանյան քաղաքական դաշտի փոքրացված տարբերակն է։ Այստեղ ներկայացված են բոլորը՝ ներկաները, նախկինները, անգամ հստակ ռուսամետները։ Թվում է, թե գոնե համայնքային ընտրություններով «Մեծ եղբայրը» պիտի հետաքրքրված չլիներ, բայց, ինչպես հայտնում է «Հանուն Հանրապետություն» կւոսակցության նախագահ Արման Բաբաջանյանը, ռուսական «Եդինա Ռոսիա»(Միացյալ Ռուսաստան) կուսակցությունը ոչ միայն ուշադիր հետևում է այդ ընտրություններին նախորդող քարոզարշավին, այլև իր աջակցությունն է հայտնում թեկնածուներից մեկի օգտին՝ ցույց տալով, որ Ռուսաստանը դեռևս շարունակում է Հայաստանը համարել «իրենը» և այն էլ այն մակարդակով, որ անգամ համայնքային ընտրություններում է փորձում եղանակ փոխել։ Դա դեռ ոչինչ, ցավալին այն է, որ որոշ հայեր ևս համարում են, որ Հայաստանը Ռուսաստանին է պատկանում։ Դա այդքան ցավ չէր առաջացնի, եթե մենք զգայինք, որ ռուսները իրոք եղբայրություն են անում, պաշտպանում ու հարգում են մեզ, մենք էլ կարող էինք որոշ դեպքերում չտեսնելու տալ ռուսական անառողջ հետաքրքրությունը Հայաստանի ու նրա գործերի հետ կապված։ Բայց թեկնածուներից մեկին է աջակցում այն Ռուսաստանը, որի լուռ համաձայնությամբ Ադրբեջանը հայաթափեց Հայաստանը, այն Ռուսաստանը, որ ինքն է ուրիշի հողը մտել ու ավերում է, այն Ռուսաստանը, որի կողմից Ադրբեջանին մլրդ-որ դոլարների զենք է վաճառվել։ Ահա թե ով է աջակցում թեկնածուներից մեկին, ով նույնիսկ չի էլ թաքցնում իր պատվիրատուին։ Նրանց որ լսում ես, թվում է, թե խոսքը ոչ թե Հայաստանի, այլ Ռուսաստանի որևէ քաղաքներից մեկի համայնքային ընտրությունների մասին է։
Այս անգամ Գյումրին ունի հնարավորություն։ Հնարավորություն նոր խոսք ասելու Հայաստանի քաղաքական կյանքում և այդ հնարավորությունը ոչ նախկիններն են, ոչ էլ ներկաները։ Այդ հնարավորությունը Եվրադաշինքն է՝ Լևոն Բարսեղյանի թեկնածությամբ։ Հարկավոր է հասկանալ, որ Լևոն Բարսեղյանին քվեարկելով՝ գյումրեցին քվեարկում է նաև Հայաստանի քաղաքական ապագայի համար, քվերակելով Բարսեղյանին, Գյումրին հաստատում է, որ Հայաստանի ապագան դեպի քաղաքակիրթ Եվրոպան է, որի դիտորդներն էլ այսօր մշտադիտարկում են սահմանն ու թույլ չեն տալիս, որ Ադրբեջանը իր ցանկացած սուտը իրականության վերածի։ Պատեազմի ու խաղաղության իրական արժեքը հասկացող գյումրեցին իհակե հասկանում է նաև այն, որ Լևոն Բարսեղյանին առաջարկող Եվրադաշինքն առաջարկում է այն Եվրոպային, ով մինչև օրս ոտքը հետ չի դրել նաև ուկրաինացի ժողովրդի խաղաղությունը պաշտպանելու առումով։
Քվեարկելով Լևոն Բարսեղյանի օգտին, գյումրեցին ողջ Հայաստանին առաջարկում է դուրս գալ այս «ներկա-նախկին» կարուսելից, քանդել կախարդական շղթան, նայել մի ուղղությամբ, երբ մարդիկ սովոր են իրար հետ խոսել և բանակցել, պայմանավորվել, ուր ազատությունը և հավասարթյունը, արդարությունը նվաճվել է ծանր գնով, ուր հրաժարվել են շովինիզմից ու կոպիտ ուժից ու փորձում են պահել «Մարդ Բանական» սկզբունքը, այլ ոչ թե վայրի ջունգլիների օրենքով խեղդում են իրար՝ պաշտելով կոպիտ ուժը։
Բացի դրանից, Եվրոդաշինքի առաջարկած թեկնածուն միակն է, ով մինչ այս երբեք աչքի չի ընկել ճամբարափոխությամբ, հարստությամբ, կոռուպցիայի կամ համանման այլ սկանդալներով։ Միակն է, որ 2018-ից առաջ չէր գոռում «կեցցե Սերժ Սարգսյանը», իսկ 2018-ի ապրիլի երկրորդ կեսին՝ «քայլ արա մերժիր Սերժին»։ Լևոն Բարսեղյանը այսօր ոչ թե բանդայի, այլ քաղաքական խմբի թեկնածու է, մի բան, որը Գյումրիում դեռ չեն տեսել։ Լևոն Բարսեղյանի թեկնածությունը ՀՀ քաղաքական դաշտում հենց այն «երրորդ ուժն է», որը հայաստանցիները փնտրում են 2020թ․ նոյեմբերի 9-ից հետո։ «Եվրոդաշինքը» նորություն ու թարմություն է առաջարկում ոչ միայն Գյումրիին, այլև ողջ Հայաստանին։ Սա հասկանում են ներկաներն էլ նախկիններն էլ։ Ու նաև դրա համար են անելու ամեն ինչ, որ Բարսեղյանը չհաղթի, որովհետև, եթե Գյումրիում հաղթի ողջախոհությունը, ապա այն իր երթն է սկսելու ողջ Հայաստանով։ Ու նաև դա գիտակցելով՝ գյումերեցին պիտի կրկնակի իմաստուն լինի, կրկնակի շրջահայաց՝ ապահովելու Հայաստանի քաղաքական դաշտում ծաղրածուների ավարտն ու գաղափարաբանության հաղթանակի սկիզբը։