Ներկայիս սերունդը ավելի է տրամադրված այն ազատ ընտրությանը, որը ինչ որ առումով այդքան լայն չի դրսևորվել ավելի ավագ սերնդի մոտ։ Իսկ ինչ վերաբերում է ավագանու ընտրություններում մասնակից այն ուժերի, որոնք ավելի քրեական մոտեցումներ ունեն և ավելի բնորոշ են ոչ թե ընտրություններին մասնակցությամբ, այլ փակ սենյակներում ընտրողի քվեն հսկելով, Մանասյանը համոզմունք հայտնեց, որ խորհրդային կայսրությունից ժառանգված այդ մոտեցումները գնալով պակասում են ու ի վերջո պիտի դադարեն։
Նվարդ Մանասյան
1inTV-ը զրուցել է հասարակական գործիչ Նվարդ Մանասյանի հետ։ Զրույցի ընթացքում քննարկվել են Գյումրու ավագանու արտահերթ ընտրություններին մասնակցած թեկնածուների մոտեցումները և դրանից բխող որոշ երևույթներ։
Նվարդ Մանասյանն առաջին հերթին շնորհավորեց գյումրեցիներին՝ Եվրադաշինքի առաջադրած թեկնածու Լևոն Բարսեղյանին ընտրելու հնարավորությունն ունենալու համար։ Շատ կարևոր է ունենալ թեկնածու, առողջ այլընտրանք, ով իրոք տեղյակ է խնդիրներից ու պատրաստ է համակարգային մոտեցում ցուցաբերել։ Ի տարբերություն Երևանի, Գյումրին ունի այդ առողջ այլընտրանքի հնարավորությունը և գյումրեցիների ընտրությունը հիմա շատ կարևոր է, հատկապես այն առումով, որ Գյումրին իր առանձնահատուկ մշակութային կոլորիտը պահպանում է ու շատ նախընտրելի կլինի ունենալ քաղաքով իրապես մտահոգ ավագանի։
Հասարակական գործիչը նշեց, որ Գյումրու ընտրությունները կարող են հակակկշիռ լինել երևանյան անտարբերությանը։ Երևանում մարդիկ պիտի գնային ընտրությունների, թեկուզ և մերժեին բոլորին, բայց գնային և ընտրեին։
Նվարդ Մանասյանը Գյումրիում ծավալվող քարոզչությունը բնորոշեց հիմնականում երկշերտ՝ ասելով, որ դրանք նման են ծովի ալիքներին, ընդ որում կան ալիքներ, որոնք գնալով հանգում են և կան ալիքներ, որոնք աճում են։ Ներկայիս սերունդը ավելի է տրամադրված այն ազատ ընտրությանը, որը ինչ որ առումով այդքան լայն չի դրսևորվել ավելի ավագ սերնդի մոտ։ Իսկ ինչ վերաբերում է ավագանու ընտրություններում մասնակից այն ուժերի, որոնք ավելի քրեական մոտեցումներ ունեն և ավելի բնորոշ են ոչ թե ընտրություններին մասնակցությամբ, այլ փակ սենյակներում ընտրողի քվեն հսկելով, Մանասյանը համոզմունք հայտնեց, որ խորհրդային կայսրությունից ժառանգված այդ մոտեցումները գնալով պակասում են ու ի վերջո պիտի դադարեն։
Նվարդ Մանասյանը նաև անդրադարձ կատարեց թեկնածունի խոսույթում անընդհատ հնչող «տղայական» մոտեցումներին, երբ թեկնածուները ոչ թե ծրագրային-գաղափարական խոսք ունեն, այլ ավելի շատ առաջ են քաշում սեռով պայմանավորված «առանձնահատկություններ»։ Հայաստանում կանանց մասնակցությունը քաղաքական գործընթացներին բավական քիչ է ու վիրավորական է հնչում այն մտոեցումը, որ կինը պիտի ապրի այն հետևանքներով, որը նրա համար ինչ որ փակ սենյակում կորոշեն հնացած պատկերացումներով տղամարդիկ։ Իսկ երբ դա արդեն հասնում է քաղաքային ավագանու ընտրությանը, որը պիտի համակարգային հարցերի լուծմամբ զբաղվի, այդտեղ առանձնանում են խնդիրներ, որոնք սեռ չունեն, ինչպես օրինակ հաշմանդամությունը, ինչպես նաև պատերազմից հետո ձեռք բերված հաշմանդամությունը։ Այսինքն առկա են բազում խնդիրներ, որոնց նկատմամբ մոտեցումը ոչ թե այդ հին պատկերացումները պիտի լինեն, այլ գաղափարի հիման վրա կառուցված մոտեցումները, այսինքն այն, ինչ առաջարկում է Եվրադաշինքը՝ Ի դեմս Լևոն Բարսեղյանի։ Հատկանշական է, որ Հայաստանի համար պատմական համարվող «դեպի Եվրոպա ընթացքը» ըստ էության հանրահռչակվել է հենց Գյումրիում ու այսօր Գյումրին նաև հնարավորություն ունի քաղաքացիական նախաձեռնությանը օգնել նաև քաղաքականապես՝ քվեարկելով Եվրադաշինքի թեկնածու Լևոն Բարսեղյանի օգտին։
Տեսանյութն ամբողջությամբ՝