Մաս Ա
Խոսել «չփչացող» զենքի մասին՝ լռելով այդ զենքերի արդյունավետության և ժամանակակից մարտադաշտում անպետքության մասին, նույնքան անմիտ է, որքան քարերն ու մահակները որպես արդյունավետ զենք գնահատելը։
Արման Բաբաջանյան
Այն նույն Ռուսաստանը, որի զենքի քարոզչությամբ էր նախօրեին զբաղված Քոչարյանը, այսօր Ուկրաինայում կորցրել է ավելի քան 950,000 զինծառայող, 10,700 տանկ, 22,000 զրահատեխնիկա, 27,000 հրետանային համակարգ։ Սա կործանվող, նվաստացած, պարտվող բանակի արդյունքն է՝ այն բանակի, որի տապալված զինտեխնիկան Քոչարյանը մինչ օրս հայ ժողովրդին փորձում է ներկայացնել որպես հուսալի հենարան։
Սա այն Ռուսաստանն է, որի ձեռքին հանձնվեց Հայաստանը Հոկտեմբերի 27‑ի միջոցով՝ սպանելով ազատության, զարգացման և ազգային ինքնության համար կռվող մեր իրական առաջնորդներին։ Սա այն Ռուսաստանն է, որի ենթակայության դիմաց հարյուրավոր քաղաքացիներ ազատազրկվեցին, երկրում արգելվեց ազատ խոսքը, թալանվեց տնտեսությունը, պարտքի դիմաց գույքով «վճարվեց» տնտեսական հզորությունները, պետության միակ ռեզերվը՝ ոսկին ջրի գնով «խուրդվեց», իսկ երկիրը դարձավ վասալ։
Քոչարյանի պնդումները ռուսական սպառազինության, «չփչացող» 60-ականների զենքերի և ռազմական բալանսի մասին ոչ միայն խեղաթյուրված են, այլև բացահայտ խաբեություն՝ սեփական ձախողումները կոծկելու անհուսալի փորձ։
Խոսել «չփչացող» զենքի մասին՝ լռելով այդ զենքերի արդյունավետության և ժամանակակից մարտադաշտում անպետքության մասին, նույնքան անմիտ է, որքան քարերն ու մահակները որպես արդյունավետ զենք գնահատելը։
20 տարի առաջ, դեռևս 2005 թվականից, Ադրբեջանի ռազմական բյուջեն երեքից ավելի անգամ գերազանցեց Հայաստանի բյուջեն։ Այդ խախտված ռազմական բալանսը տեղի ունեցավ հենց Քոչարյանի իշխանության օրոք, այն ժամանակ, երբ ինքը իր ընտանիքով ծաղկում էր՝ Տանզանիայի հանքերում և հունական կղզիներու, իսկ բանակը մնում էր անտերության մատնված, առանց ռազմավարական զարգացման որևէ ծրագրի։
Այս մարդը հիմա փորձում է հանրությանը համոզել, թե երկու տարում հնարավոր էր շտկել այն, ինչ 20 տարվա մեջ ինքն ու Սերժը դիտավորյալ քանդեցին:
Քոչարյանի դավաճանությունը միայն անցյալը չէ։ Այն այսօր էլ սպառնում է մեր պետությանը։ Քանի դեռ այս սրիկայի պաշտոնավարմանը չի տրվել քաղաքական, իրավական և բարոյական գնահատական, քանի դեռ այս ոսոխը չի դատապարտվել, քանի դեռ ներքին թշամին չի գլխատվել, մենք մշտապես մնալու ենք արտաքին սպառնալիքի տակ։
Պետք է վերջնականապես ու անվերապահորեն հեռացնել այն բոլոր ուժերին, որոնք քանդել են մեր բանակը, երկիրը և ապագան։ Մենք պարտավոր ենք վերակառուցել մեր պետությունը՝ հիմնված արժանապատվության, հզորացման և ազգային ինքնիշխանության սկզբունքների վրա։
Հայաստանը պետք է դառնա հզոր, անկախ և արժանապատիվ պետություն։ Եվ դա անելու ենք՝ ի հեճուկս Հայաստանի, մեր պետականության բոլոր հակառկորդների։
Աղբյուրը՝ Facebook.com
Ռ․ Քոչարյանի հանդիպման տեսանյութը՝