«Հիմնա­վո­րեք, Խնդրում Եմ, Պարոն Նախա­գահ»

Այսօրվա հայ մարդը, լսե­լով առա­ջին նախա­գա­հին, միայն մի եզրա­կա­ցության կարող է գալ. նա ասել է, որ Լեռնա­յին Ղարա­բա­ղը պետք է ունե­նա Ադրբե­ջա­նի ենթա­կա­յությունից դուրս կարգա­վի­ճակ, իսկ ԵԱՀԿ անդամ հիսունվեց պետություննե­րը պնդել են, որ՝ ոչ, ԼՂ‑ն Ադրբե­ջա­նի կազմում կունե­նա ինքնա­վա­րության բարձր կարգա­վի­ճակ, դա նրա բնակչության անվտանգության երաշխիքն է՝ գումա­րած միջազգա­յին խաղա­ղա­պահ առա­քե­լությունը: 

Մուղնի

Առա­ջին նախա­գահ Լեւոն Տեր-Պետրոսյա­նը սեպտեմբե­րի 24-ին մի շատ արտա­ռոց միտք է արտա­հայտել. «Թող (Փաշինյա­նը) հրա­պա­րա­կի Ղարա­բա­ղի մասին բոլոր որո­շումնե­րը (միջնորդնե­րի ներկա­յացրած առա­ջարկություննե­րը), եւ վեճը կավարտվի»: 

Ենթադրենք, Փաշինյա­նը վերցրեց եւ հրա­պա­րա­կեց ԼՂ կարգա­վորման բոլոր առա­ջարկություննե­րը, Կազա­նի «աշխա­տանքա­յին փաստա­թուղթը» եւ «Լավրո­վի պլա­նը» կամ «Լավրո­վի նորացված պլա­նը», դրա­նից սկզբունքո­րեն ի՞նչ է փոխվե­լու, եւ ինչու՞ պիտի դրա­նով «վեճն ավարտվի»: 

Նիկոլ Փաշինյա­նին մեղադրում են, որ «2019 թվա­կա­նի հուլիս եւ օգոստոս ամիսնե­րին միջնորդնե­րը նրա սեղա­նին են դրել ԼՂ խաղաղ կարգա­վորման պլան, որը նա մերժել է»: Նույն հաջո­ղությամբ Նիկոլ Փաշինյա­նը կարող է ասել. «ԵԱՀԿ Լիսա­բո­նի գագա­թա­ժո­ղո­վում Լեւոն Տեր-Պետրոսյա­նի սեղա­նին է դրվել ԼՂ խաղաղ կարգա­վորման մի նախա­գիծ, որը նա մերժել է»: ԻՆչու՞: Տեր-Պետրոսյա­նը կարո՞ղ է հիմնա­վո­րել, թե ինչու՞ եւ ի՞նչ հաշվարկով եւ ռեսուրսնե­րով է մերժել մի առա­ջարկություն, որին կողմ էին ԵԱՀԿ անդամ մյուս բոլոր հիսունվեց անդամնե­րը, այդ թվում՝ Ռուսաստա­նը, ԱՄՆ‑ը եւ Ֆրանսիան: Չէ՞ որ Լիսա­բո­նում վետո դնե­լով ԼՂ կարգա­վորման այդ առա­ջարկությա­նը, Լեւոն Տեր-Պետրոսյա­նը հիմնա­վո­րել է, որ Լեռնա­յին Ղարա­բաղն Ադրբե­ջա­նի կազմում ապա­գա չունի, տեղի կունե­նա ցեղասպա­նություն, հայ ժողովրդի բռնա­գաղթ: Այդ ելույթի տեսագրությունը կա: 

Այսօրվա հայ մարդը, լսե­լով առա­ջին նախա­գա­հին, միայն մի եզրա­կա­ցության կարող է գալ. նա ասել է, որ Լեռնա­յին Ղարա­բա­ղը պետք է ունե­նա Ադրբե­ջա­նի ենթա­կա­յությունից դուրս կարգա­վի­ճակ, իսկ ԵԱՀԿ անդամ հիսունվեց պետություննե­րը պնդել են, որ՝ ոչ, ԼՂ‑ն Ադրբե­ջա­նի կազմում կունե­նա ինքնա­վա­րության բարձր կարգա­վի­ճակ, դա նրա բնակչության անվտանգության երաշխիքն է՝ գումա­րած միջազգա­յին խաղա­ղա­պահ առա­քե­լությունը: 

Այդու, Փաշինյա­նը հրա­պա­րա­կի՞ ԵԱՀԿ Լիսա­բո­նի գագա­թա­ժո­ղո­վի առա­ջարկությունը, Գործող նախա­գա­հի հայտա­րա­րությունը: Չէ՞ որ «բոլոր որո­շումնե­րի» շարքում այդ փաստաթղթերն ունեն առանցքա­յին նշա­նա­կություն. քանի որ Ադրբե­ջա­նը մշտա­պես պնդել է, որ ԼՂ կարգա­վի­ճա­կը «սահմանվել է Լիսա­բո­նում եւ ավե­լի բարձր չի կարող լինել, քան համա­ձայնեցված է ԵԱՀԿ անդամ բոլոր պետություննե­րի կողմից, բացա­ռությամբ Հայաստա­նի»: Ահա եւ բանա­վե­ճի թեմա, հարց, որ Նիկոլ Փաշինյանն իրա­վունք ունի ուղղել Լեւոն Տեր-Պետրոսյա­նին. «Հիմնա­վո­րեք, խնդրեմ, պարոն նախա­գահ, ինչու՞ դեմ գնա­ցիք միջազգա­յին հանրությա­նը, միջուկա­յին գերտե­րություններ ԱՄՆ-ին, Ռուսաստա­նին եւ Ֆրանսիա­յին, արդյոք դա արկա­ծախնդրություն չէ՞ր»: Ռուսներն ասում են՝ «երգից ոչ մի բառ չես կարող դուրս թողնել»: Եթե խնդրո առարկա է ԼՂ կարգա­վորման բանակցա­յին ողջ գործընթա­ցը, ապա պետք է անդրա­դառնալ «դրա­մա­յի բոլոր արարնե­րին»: Այլա­պես հանգուցա­լուծման գնա­հա­տա­կա­նը կլի­նի ենթա­կա­յա­կան: 

Մուղնի

Այս գրա­ռումը խմբագրությանն է ուղարկվել էլեկտրո­նա­յին նամա­կով

Մեր Ուղին