Կիևի առաջնահերթությունն է վերականգնել կապերը ԱՄՆ-ի հետ, մինչդեռ երկու եվրոպացի պաշտոնյաներ նշել են, որ Կիևը զինված և հետախուզական աջակցության վերականգնումը դիտարկում է որպես հրադադարի բանակցություններում առաջընթացի նախապայման։
The Financial Times-ը գրում է, որ Ուկրաինան կփորձի համոզել ԱՄՆ-ին վերսկսել օգնությունը բարձր խաղադրույքներով բանակցությունների ընթացքում
Ուկրաինան կփորձի համոզել ԱՄՆ-ին վերականգնել հետախուզական և ռազմական աջակցությունը այս շաբաթ երկկողմ բանակցությունների ընթացքում՝ Դոնալդ Թրամփին ապացուցելով, որ Վլադիմիր Զելենսկին ցանկանում է հնարավորինս շուտ դադարեցնել հակամարտությունը Ռուսաստանի հետ։
Կիևը նախատեսում է առաջարկել մասամբ դադարեցնել կրակը Ռուսաստանի հետ՝ կապված անօդաչու թռչող սարքերի, հեռահար հրթիռների հարվածների և Սև ծովում մարտական գործողությունների հետ, հուսալով, որ բանակցությունների ընթացքը կստիպի Վաշինգտոնին չեղարկել հետախուզական տվյալների փոխանակման և զենքի մատակարարումների սառեցման մասին որոշումը։ Այս մասին հայտնել են պաշտոնյաներ, ովքեր տեղեկացված են Սաուդյան Արաբիայում նախատեսվող բանակցությունների նախապատրաստական աշխատանքների մասին։
Ուկրաինացի մի պաշտոնյա հավելել է, որ կարճաժամկետ հեռանկարում Կիևի առաջնահերթությունն է վերականգնել կապերը ԱՄՆ-ի հետ, մինչդեռ երկու եվրոպացի պաշտոնյաներ նշել են, որ Կիևը զինված և հետախուզական աջակցության վերականգնումը դիտարկում է որպես հրադադարի բանակցություններում առաջընթացի նախապայման։
«Ուկրաինայի և ԱՄՆ-ի իշխանությունների միջև Սաուդյան Արաբիայում անցկացվող ցանկացած բանակցության նպատակն է, մասնավորապես, աջակցությունն ավելուաննելու վերաբերյալ համաձայնության հասնելը», — նախորդ շաբաթվա վերջին հայտարարել է Ուկրաինայի պատգամավոր Ֆեոդոր Վենիսլավսկին, ով ներկայացնում է Զելենսկու կուսակցությունը և հանդիսանում է խորհրդարանի ազգային անվտանգության հանձնաժողովի անդամ։
ԱՄՆ-ի պետքարտուղար Մարկո Ռուբիոն երկուշաբթիից չորեքշաբթի Սաուդյան Արաբիայի Ջիդդա քաղաքում կմասնակցի բանակցություններին, որոնք, ըստ մամուլի քարտուղարի, ուղղված են «նախագահի՝ ռուս-ուկրաինական պատերազմը դադարեցնելու նպատակին»։nԿիրակի օրը Fox News հեռուստաալիքով ելույթի ընթացքում Թրամփը ուղղակիորեն չհիշատակեց երկկողմ բանակցությունները, բայց նշեց, որ վստահ է, որ Կիևի հետ «արժեքավոր» համաձայնագիր կկնքի հանույթի ռեսուրսների վերաբերյալ։ Նա նաև մերժեց մեղադրանքները, թե չափազանց մեղմ է վերաբերվում Մոսկվային։ «Ոչ ոք ավելի կոշտ չի եղել Ռուսաստանի նկատմամբ, քան Դոնալդ Թրամփը», — ասել է նա։
ԱՄՆ-ի ճնշումը Կիևի վրա ստիպել է Զելենսկու վարչակազմին փոխել իր դիրքորոշումը՝ Վաշինգտոնում փետրվարի 28-ին տեղի ունեցած անհաջող հանդիպումից հետո։
«Տակտիկան փոխվել է… Այժմ ամենակարևորը ԱՄՆ-ի հետ հարաբերությունների կարգավորումն է, և եթե նախկինում ծրագրվում էր նախ ստանալ անվտանգության երաշխիքներ, իսկ հետո ձգտել հրադադարի, ապա այժմ պարզ է, որ այդ հերթականությամբ դա տեղի չի ունենա… Թրամփն ասում է, որ Ուկրաինան չի ցանկանում դադարեցնել պատերազմը, ուստի մեր նպատակն է ցույց տալ ԱՄՆ-ին, որ մենք պատրաստ ենք հնարավորինս արագ գործելու և սկսել ուղիղ բանակցություններ Ռուսաստանի հետ», — ասում է Կիևի քաղաքական վերլուծաբան Վլադիմիր Ֆեսենկոն։
Աղբյուրը՝
https://www.ft.com/content/842692b9-ffa3-422d-9343-0d7cd0b2392d
Թարգմանեց՝
Արայիկ Մկրտումյանը