Ինչպես տեսնում ենք, «Պետական արարողակարգի մասին» գործող օրենքը օտարերկրյա պետության ղեկավար Հայաստան աշխատանքային եւ պաշտոնական ու պետական այցի համար Ցեղասպանության զոհերի հուշահամալիր եւ Մայր աթոռ նրա այցելություն չի նախատեսում։
Վահրամ Աթանեսյան
2018 թ․ մարտի 30-ին նախագահ Սերժ Սարգսյանը ստորագրել է «Պետական արարողակարգի մասին» ՀՀ օրենքը, եւ այն մտել է ուժի մեջ։ Օրենքի հոդված 11‑ը սահմանում է, որ «օտարերկրյա պետության ղեկավարի այցի դեպքում նախատեսվում են զրույց Հանրապետության նախագահի հետ, բանակցություններ վարչապետի հետ եւ այցելություն Ազգային ժողով», իսկ նույն պաշտոնատար անձի «պաշտոնական կամ պետական այցի ընթացքում նախատեսվում են զրույց Հանրապետության նախագահի հետ, բանակցություններ…Ազգային ժողովում եւ ըստ անհրաժեշտության հանդիպում․․․ վարչապետի հետ»։
Ինչպես տեսնում ենք, «Պետական արարողակարգի մասին» գործող օրենքը օտարերկրյա պետության ղեկավար Հայաստան աշխատանքային եւ պաշտոնական ու պետական այցի համար Ցեղասպանության զոհերի հուշահամալիր եւ Մայր աթոռ նրա այցելություն չի նախատեսում։
Ֆրանսիայի նախագահ Էմանուել Մակրոնի Հայաստան պետական այցի առթիվ փորձագիտական տեսակետ է հնչել, որ եթե նա Մայր աթոռ չայցելի, ապա «կանտեսի հայ ժողովրդին»։ Ընդ որում, բերվում է Ֆրանսիայի նախկին նախագահների Հայաստան այցի նախադեպը․ նրանք այցելել են Մայր աթոռ։
Անշուշտ, Ֆրանսիայի նախագահի Մայր աթոռ այցը ցանկալի է, բայց եթե դա Մակրոնի դեպքում նախատեսված չէ, ապա գործ ունենք ոչ թե Հայաստանի պետական արարողակարգը «խախտելու» կամ «սրբագրելու», ինչպես ներկայացվում է, այլ, հավանաբար, Ֆրանսիայի նախագահի անձնական որոշման հետ։
Պաշտոնական, մանավանդ պետական այցերը նախապատրաստվում են ամիսների ընթացքում, ցանկացած մանրուք հաշվի է առնվում։ Ֆրանսիայի նախագահի համար, անշուշտ, Հայաստանի իշխանությունների եւ Մայր աթոռի տարաձայնությունները եւ հակասությունները գաղտնիք չեն։ Այդուհանդերձ, դժվար է պատկերացնել, որ եթե նա Մայր աթոռ այցելելու ցանկություն հայտներ, ապա Նիկոլ Փաշինյանը արգելք կհանդիսանար։
Վահրամ Աթանեսյան