ՀՅԴ ռեֆորմներ (մաս 4 և վերջ)

Ինտեգրա­ցիա

Կայծ Մինասյան

Ինտեգրա­ցում նշա­նա­կում է վերա­դարձ Քրիստա­փորյան արժեքնե­րին․
• Դա «Մենք»-ը միա­վո­րող պատգա­մի ընդունումն ու բացառման մեթո­դի վերա­ցումն է,
• Դա կենտրո­նա­մե­տա­կան գաղա­փա­րա­բա­նության հաղթա­հա­րումն է, որն ինտեգրա­ցիա­յի անվան տակ իրա­կա­նում մտքե­րը, հեռանկարներն ու ազա­տությունն էր խեղդում:

Հետև­ա­բար ինտեգրա­ցիա նշա­նա­կում է հարգանք ՀՅԴ‑ի զգա­յունության ու գաղա­փարնե­րի նկատմամբ:
• Դա մտքե­րի հոսանքի ինստի­տուցիո­նա­լա­ցումը չէ, որպես սոցիա­լիստա­կան կուսակցություն, այլ գլո­բա­լի­բա­լի­զացված դաշնակցա­կա­նության ամբողջությունը:
• Դա ԱՄՆ-ում ՀՅԴ‑ի երկու կենտկոմնե­րի միա­վո­րումն է մեկ միասնա­կան կոմի­տեում: Արևմտյան ու արև­ելյան ափե­րը կարող են միա­վորվել մեկ ազգա­յին ճյուղում: Ի վերջո Միացյալ Նահանգնե­րը կառա­վարվում են դաշնա­յին սկզբունքով ու նահանգա­յին կառա­վա­րություննե­րով, ավե­լի քան 300 մլն բնակչով: Ինչո՞ւ ՀՅԴ‑ն իր մի քանի հազար անդամնե­րով չի կառա­վարվում Վաշինգտո­նում մեկ կոմի­տեի կողմից և ապա տեղա­կան մարզա­յին դաշնա­յին կառույցնե­րով:

Ոչ թե անկա­րո­ղության, այլ հաշվարկված լինե­լուց է, որ ԱՄՆ‑ի ՀՅԴ‑ն առանձնա­ցել է թուլա­ցած դաշնակցության միջա­վայրից: Հիմա ժամա­նակն է արժա­նին մատուցե­լու Միացյալ Նահանգնե­րի դաշնակցա­կաննե­րին: Վերջա­պես այս երեք բաղադրիչնե­րը՝ պրոֆե­սիո­նա­լիզմը, իշխա­նության տարանջա­տումն ու ինտեգրա­ցիան նոր շունչ կտան ՀՅԴ-ին:

Այս բարե­փո­խումնե­րը չեն ազդի Դաշնակցության հիմքե­րի վրա, ընդհա­կա­ռա­կը, դրանք կվե­րա­կանգնեն այդ հիմքե­րը, միա­ժա­մա­նակ հարգե­լով Քրիստա­փորյան ոգին՝

• Համա­տե­ղության սկզբունք
• Ազդե­ցություն
• Համե­րաշխություն

Դաշնայնությունը, ապա­կենտրո­նա­ցումն ու կոլեկտիվ կառուցվածքը (Համաշխարհա­յին Բյուրո, Համա­գումար, Կենտրո­նա­կան Կոմի­տե) Դաշնակցա­կան հեղա­փո­խա­կան ոգին են: