Չորս Տարի Առաջ

Արմեն Ռուստամյանն ասել է, որ հիմա ժողո­վուրդը հալած յուղի տեղ է ընդունում իշխա­նության կողմից հնչեցված ցանկա­ցած բան, իսկ մոտ ապա­գա­յում դա կարող է վտանգա­վոր լինել այն առումով, որ ՀՀ լեգի­տիմ իշխա­նությա­նը կարող են դրսի ուժե­րը մանրադրամ դարձնել միջազգա­յին խաղե­րում: Արմեն Ռուստամյա­նի կարծի­քով շատ մոտ ապա­գա­յում սպասվում են Արցա­խի կարգա­վի­ճա­կին սպասվող նոր մոտե­ցումներ և առա­ջարկներ, իսկ ՀՀ իշխա­նություննե­րը, քանի որ նրանք կլի­նեն լեգի­տիմ իշխա­նություն, գուցե և ընդունեն դիրքո­րո­շում, որը ընդունե­լի չի լինի բոլո­րի համար:

Մեր Ուղին

Չորս տարի առաջ Lragir.am-ին տված իր հարցազրույցում  ԱԺ ՀՅԴ խմբակցության ղեկա­վար Արմեն Ռուստամյա­նը, ի թիվս այդ օրե­րին տեղի ունե­ցող ներքա­ղա­քա­կան իրա­դարձություննե­րը մեկնաբանելուն(այդ օրե­րին Հայաստա­նում նախա­պատրաստվում էին արտա­հերթ խորհրդա­րա­նա­կան ընտրություննե­րին), խոսել է նաև Արցա­խի և նրա շուրջ ծավալվող իրա­դարձություննե­րի մասին:

Բացի նրա­նից, որ Արմեն Ռուստամյա­նը դժգո­հել է, որ արտա­հերթ խորհրդա­րա­նա­կան ընտրություննե­րը հապշտապ են անցկացվում և Փաշինյա­նի կողմից կիրառվում է վարչա­կան ռեսուրս, նա նաև անդրա­դարձել է  ընտրություններ հավա­նա­կան ելքին և շեշտել, որ դա կարող է հղի լինել որո­շա­կի վտանգնե­րով:

Արմեն Ռուստամյա­նը նախ ասաց, որ ընտրություննե­րը հապշտապ են անցկացվում, որովհետև, իր կարծի­քով, իշխա­նություննե­րը տեսնում են, որ օր-օրի իրենց վարկա­նիշն ընկնում է և հիմա փորձում են ընտրություններն անցկացնել, քանի դեռ մեծա­մասնությունն իրենց կողմն է և ժողո­վուրդը իշխա­նության կողմն է:

Արմեն Ռուստամյա­նի կողմից հնչեցվել է նաև ևս մի ուշագրավ միտք, որ այն օրե­րին գուցե բավա­կա­նա­չափ ուշադրության չի արժա­նա­ցել: Բանն այն է, որ Արմեն Ռուստամյանն ասել է, որ հիմա ժողո­վուրդը հալած յուղի տեղ է ընդունում իշխա­նության կողմից հնչեցված ցանկա­ցած բան, իսկ մոտ ապա­գա­յում դա կարող է վտանգա­վոր լինել այն առումով, որ ՀՀ լեգի­տիմ իշխա­նությա­նը կարող են դրսի ուժե­րը մանրադրամ դարձնել միջազգա­յին խաղե­րում: Արմեն Ռուստամյա­նի կարծի­քով շատ մոտ ապա­գա­յում սպասվում են Արցա­խի կարգա­վի­ճա­կին սպասվող նոր մոտե­ցումներ և առա­ջարկներ, իսկ ՀՀ իշխա­նություննե­րը, քանի որ նրանք կլի­նեն լեգի­տիմ իշխա­նություն, գուցե և ընդունեն դիրքո­րո­շում, որը ընդունե­լի չի լինի բոլո­րի համար:

Այլ կերպ ասած, Արմեն Ռուստամյա­նի կարծի­քով իշխա­նությունը որդեգրե­լու է ոչ հայանպաստ դիքո­րո­շում և այն, որ նրանք օրի­նա­կան ուժ են ունե­նա­լու իրենց ձեռքին, կարող նպաստել հակաարցախյան տրա­մա­բա­նության կայացման:

Գանք 2022թ.

Վերլուծե­լով Արմեն Ռուստամյա­նի խոսքե­րը, մի քանի հարցեր են առա­ջա­նում ու մասնա­վո­րա­պես զարմա­նա­լի է այն, որ Արմեն Ռուստամյա­նը վտանգա­վոր է համա­րում իշխա­նության օրի­նա­կան լինե­լը: Ավե­լի կասկա­ծա­միտ մարդիկ կասեն, որ Արմեն Ռուստամյա­նը իշխա­նություննե­րին դավա­ճան է համա­րում և մտա­հոգված է, որ նրանք օրի­նա­կան ուժ կունե­նան իրենց ձեռքում այդ դավա­ճա­նա­կան գործունեությունն իրա­կա­նացնե­լու համար:

Բայց չէ՞ որ այդպես կարե­լի է ասել ցանկա­ցած իշխա­նության մասին: Կարե­լի է ցանկա­ցած իշխա­նության օրի­նա­կա­նության դեմ խոսել՝ պատճա­ռա­բա­նե­լով, որ գուցե վերջիններս ավե­լի թույլ և վատ աշխա­տեն, քան պետք է: Այդ դեպքում Արմեն Ռուստամյանն ի՞նչ վստա­հություն ուներ, որ Ռ. Քոչարյա­նի և Ս. Սարգսյա­նի իշխա­նություննե­րը չէին դավա­ճա­նե­լու: Չէ, որ իշխա­նությա­նը, հնա­րա­վոր չէ նախա­պես մեղադրել, այդ դեպքում ի՞նչն էր վստա­հություն առա­ջացնում նախորդ ռեժիմնե­րի և անվստա­հություն՝ Փաշինյա­նի թիմի նկատմամբ:

Եվ որ ամե­նա­զարմա­նա­լին է, այն է, որ ԱԺ պատգա­մա­վո­րը վտանգա­վոր է համա­րում իշխա­նության օրի­նա­կան լինե­լը: Եթե օրի­նա­կան իշխա­նությունը վտանգա­վոր է, ապա ի՞նչ է ոչ օրի­նա­կան իշխա­նությունը: Մի՞թե օրենսդիր մարմնի անդա­մի կարծի­քով անօ­րի­նա­կանն  ավե­լի լավ է, քան օրի­նա­կա­նը:

Այդ հարցազրույցին անդրա­դարձել էր նաև քաղա­քա­կան վերլուծա­բան Հակոբ Բադալյա­նը, ով նշել էր, որ.  «Ռուստամյա­նին իհարկե Արցա­խի հարցը չէ, որ հետաքրքրում է: Ռուստամյա­նին հետաքրքրում է այն, որ Դաշնակցությունը կանգնած է խորհրդա­րա­նից դուրս մնա­լու գրե­թե անխուսա­փե­լի փաստի առաջ: Ընդ որում, մի շարք առումնե­րով բացա­ռիկ, եւ չնա­յած իր պատմա­կան ճանա­պարհի մի շարք դրվագնե­րում հարցեր առա­ջացրած, այդուհանդերձ նույն այդ ճանա­պարհի բերումով նշա­նա­կա­լի, լուսա­վոր գործիչներ տված այդ կուսակցությունը ներկա­յում այդպի­սի իրա­վի­ճա­կում է հայտնվել լիդերնե­րի մի խմբի գործունեության հետեւանքով, որոնք Դաշնակցությունը ծառա­յության են դրել Հայաստա­նում այն համա­կարգին, որը Արմեն Ռուստամյանն էր մի առի­թով բնո­րո­շել պլուտոկրա­տիա:»

Հակոբ Բադալյա­նի հոդվածն ամբողջությամբ՝ lragir.am կայքից:

Արմեն Ռուստամյա­նի հարցազրույցը՝