Իրերն Իրենց Անունով Է Պետք Կոչել

Հայկա­կան կողմը պետք է փորձի փոխել Լեռնա­յին Ղարա­բա­ղում ցեղասպա­նության իներցիան և օգտա­գործել բոլոր դիվա­նա­գի­տա­կան ​​կառույցներն ու ռեսուրսնե­րը՝ այդ հարցը հրա­տապ կերպով ՄԱԿ‑ի Անվտանգության խորհրդի օրա­կարգ մտցնե­լու համար։ Թեև, կրկնում եմ, արդյունքն անբա­վա­րար է լինե­լու հայկա­կան կողմե­րի համար։

Կարեն Օհանջանյան

Արցա­խի ժողո­վուրդը գտնվում է ռուս-ադրբե­ջա­նա­կան համա­կենտրո­նացման ճամբա­րում, իսկ ԼՂ իշխա­նությունը քաջություն չունի իրե­րը կոչել իրենց անունով

«Առա­ջին լրատվական»-ի հարցե­րին պատասխա­նել է «Հելսինկյաննախա­ձեռնություն-92» Լեռնա­յին Ղարա­բա­ղիկոմի­տեի համա­կարգող, խաղա­ղության և մարդուիրա­վունքնե­րի միջազգա­յին մրցա­նակնե­րիդափնե­կիր Կարեն Օհանջանյա­նը։

Պարոն Օհանջանյան, Արցա­խի խորհրդա­րա­նը Հայաստա­նին կոչ է անում դիմել ՄԱԿ‑ի Անվտանգության խորհուրդ ռուս խաղա­ղա­պահնե­րի համար միջազգա­յին մանդատ ստա­նա­լու համար: Ձեր կարծի­քով ինչո՞ւ է հիմա նման կոչ հնչեցվում, և արդյոք նման հարցադրման ճիշտ հասցեա­տե­րը Ռուսաստա­նը չէ, որ նաև ՄԱԿ‑ի ԱԽ անդամ է: 

Պարբե­րա­բար նման առա­ջարկներ արվել են Արցա­խի քաղա­քա­կան շրջա­նակնե­րում, սակայն դա երբեք երկրի խորհրդա­րա­նի մակարդա­կով հայտա­րա­րության տեսքով չի հնչել։ Կան նրբե­րանգներ, որ նման կոչը կարե­լի է անտե­սել: Հաշվի առնե­լով Ուկրաի­նա­յում Արևմուտքի և Ռուսաստա­նի շահե­րի բախումը և Ռուսաստա­նի‘ ՄԱԿ‑ի ԱԽ մշտա­կան ​​անդամ լինե­լու հանգա­մանքը, կարե­լի է ենթադրել, որ ՄԱԿ‑ի Անվտանգության խորհուրդը, եթե անգամ Հայաստա­նի իշխա­նություննե­րը դիմեն, դրա­կան որո­շում չի կայացնի այս հարցով։ Ինձ զարմացնում է այն փաստը, որ Արցա­խի ժողո­վուրդը, փաստա­ցի գտնվե­լով համա­կենտրո­նացման ճամբա­րում, ամե­նա­սարսա­փե­լին ֆաշիստա­կան ​​Գերմա­նիա­յի ժամա­նակնե­րից ի վեր, Ադրբե­ջա­նի և Ռուսաստա­նի ֆաշիստա­կան ​​ռեժիմնե­րի մեղքով, ընդ որում, ՌԴ‑ն պատասխա­նա­տու է Արցա­խի քաղա­քա­ցի­նե­րի անվտանգության համար, Ղարա­բա­ղի իշխա­նություննե­րը քաջություն չունեն իրե­րը կոչել իրենց անուննե­րով, դիմել միջազգա­յին կառույցնե­րի՝ կոչ անե­լով վերացնել գրե­թե 3 հազար քառա­կուսի կիլո­մետր տարածքի վրա առկա իրա­վի­ճա­կը, որտեղ Ադրբե­ջա­նը և Ռուսաստա­նը մարդկանց վրա փորձարկում են ազդե­ցության ամե­նաանմարդկա­յին ձևե­րը և վերա­ծում արցա­խա­հա­յությա­նը ապա­մարդկա­յին էակնե­րի՝ առանց կամքի և առանց սկզբունքնե­րի, որոնք կատա­րում են այն մարդկանց կամքը, որոնք իրենց վրա այդ փորձարկումներն են կատա­րում:

Սա մարդկության դեմ ուղղված հանցա­գործություն է, որն անհա­պաղ պահանջում է միջազգա­յին հանրության միջամտությունը և ԼՂՀ միջազգա­յին ճանաչման գործընթա­ցի մեկնարկը, որը պահանջում են միջազգա­յին իրա­վունքի դրույթնե­րը։ Բացի այդ, ինչու Արցա­խի իշխա­նություննե­րը մինչ օրս բարձրա­ձայն չեն մեղադրում Հայաստա­նի իշխա­նություննե­րին Արցա­խի առջև ծառա­ցած բոլոր խոչընդոտնե­րը վերացնե­լու անգործության մեջ։ Հայաստանն ու նրա ղեկա­վա­րը, ով ստո­րագրել է 2020 թվա­կա­նի նոյեմբե­րի 9‑ի հայտա­րա­րությունը և փաստո­րեն դավա­ճա­նել է հայոց երա­զանքին և ավե­րել Արցա­խի Հանրա­պե­տության հիմնա­կան պետա­կան ​​հիմքե­րը, ուղղա­կի պատասխա­նա­տու են Ադրբե­ջա­նի և Ռուսաստա­նի ցեղասպան քաղա­քա­կա­նության համար Լեռնա­յին Ղարա­բա­ղի հայե­րի նկատմամբ։ Արցա­խի իշխա­նություննե­րը պետք է Հայաստա­նի ղեկա­վա­րությունից, Նիկոլ Փաշինյա­նից պահանջեն հետ կանչել իր ստո­րագրությունը 2020 թվա­կա­նի նոյեմբե­րի 9‑ի դավա­ճա­նա­կան հայտա­րա­րության տակից և դադա­րեցնել արցա­խա­հա­յության անունից Լեռնա­յին Ղարա­բա­ղի հիմնախնդրի կարգա­վորման բանակցություննե­րը, առա­վել ևս՝ հայտա­րա­րե­լու, որ ԼՂ‑ն Ադրբե­ջա­նի անբա­ժա­նե­լի մասն է։

Ո՞վ է նման իրա­վունք տվել Հայաստա­նի վարչա­պե­տին ու նրա թիմին։ Մենք այս իրա­վունքը նրան չենք պատվի­րա­կել։ Ինչպե՞ս կընկա­լի Հայաստա­նի ժողո­վուրդը, եթե Արցա­խի ​​իշխա­նություննե­րը հայտա­րա­րեն, որ համա­ձայն են Ադրբե­ջա­նի հետ, որ Հայաստան պետություն չկա, դա արհեստա­կան ​​կազմա­վո­րում է, որը ստեղծված է Ադրբե­ջա­նին պատկա­նող օկուպացված հողե­րում։ Համոզված եմ, որ ողջ բնակչությունը թշնա­մա­բար կընդունի նման հայտա­րա­րությունը։ Փառք Աստծո, որ դեռ բավա­կան խելամտություն ունենք նման հիմար ու դավա­ճան հայտա­րա­րություն չանե­լու համար։ Բայց Հայաստա­նի իշխա­նություննե­րը գնա­ցին այս դավա­ճա­նությա­նը, և սա անվի­ճե­լի ու ամո­թա­լի փաստ է։

Արցա­խի խորհրդա­րա­նի հայտա­րա­րությունը զուրկ է բազմա­կողմա­նիությունից և ադեկվատ չի ընկալվե­լու միջազգա­յին հանրության կողմից: Պետք է ուղե­ղով մտա­ծել, և դուք իրա­վա­ցի եք՝ այս հայտա­րա­րությունը պետք է ուղղվեր Ռուսաստա­նի Դաշնությա­նը, որը Ադրբե­ջա­նից եկող բոլոր հակա­մարդկա­յին նախա­ձեռնություննե­րի և գործո­ղություննե­րի ակտիվ մասնա­կի­ցը և աջա­կիցն է։

Ընդհանրա­պես ի՞նչ կտա Հայաստա­նի կողմից նման հարցով ՄԱԿ-ին դիմե­լը, արդյոք նման դիմումը հեռանկար ունի:

Ամեն դեպքում, հայկա­կան կողմը պետք է փորձի փոխել Լեռնա­յին Ղարա­բա­ղում ցեղասպա­նության իներցիան և օգտա­գործել բոլոր դիվա­նա­գի­տա­կան ​​կառույցներն ու ռեսուրսնե­րը՝ այդ հարցը հրա­տապ կերպով ՄԱԿ‑ի Անվտանգության խորհրդի օրա­կարգ մտցնե­լու համար։ Թեև, կրկնում եմ, արդյունքն անբա­վա­րար է լինե­լու հայկա­կան կողմե­րի համար։ Բացի այդ, որպես դիվա­նա­գի­տա­կան ​​գործունեությամբ զբաղվող, առանց դիվա­նա­գի­տա­կան ​​կոչման, բայց բոլոր հայե­րի մեջ այս ոլորտում ամե­նա­շատ փորձ ունե­ցող անձ, կարող եմ ասել, որ Հայաստա­նի և Արցա­խի դիվա­նա­գի­տա­կան ​​կորպուսը պարզա­պես շատ վատ է աշխա­տում։ Այդ կորպուսը 90 տոկո­սով բաղկա­ցած է կադրա­յին ծույլ մարդկանցից, որոնք չունեն ոչ մի նախա­ձեռնո­ղա­կա­նություն՝ ի շահ իր ժողովրդի: Հայաստա­նի իշխա­նություննե­րը պետք է արմա­տա­պես վերա­կա­ռուցեն արտա­քին գործե­րի նախա­րա­րությունը և կոշտ պայմաններ դնեն նրա առջև՝ Հայաստա­նի և Արցա­խի ​​շահե­րը պաշտպա­նությանն ուղղված ազգա­յին առա­ջադրանքնե­րը կատա­րե­լու համար։

Արդյոք Արցա­խի քաղա­քա­կան վերնա­խա­վը տեղյա՞կ չէ, որ հենց Ռուսաստա­նի պատճա­ռով տապալվեց ՄԱԿ‑ի Անվտանգության խորհրդում Լաչի­նի միջանցքը բացե­լու մասին հայտա­րա­րությունը:

Ասեմ ավե­լին, երբ կամրջի վրա տեղադրվում էր այդ չարա­բաստիկ անցա­կե­տը, ռուս խաղա­ղա­պահնե­րի հրա­մա­նա­տա­րությունը Ռուսաստա­նի գերա­գույն իշխա­նությա­նը հայտնեց, որ ադրբե­ջա­նա­կան հատուկ ջոկա­տա­յիննե­րը շարժվում են այս ուղղությամբ՝ անցա­կե­տը տեղադրե­լու համար, և ռուս խաղա­ղա­պահնե­րին հրա­հանգ է տրվել չմի­ջամտել Ադրբե­ջա­նին այդ կետը ստեղծե­լու համար։ Սա Ռուսաստա­նի ղեկա­վա­րության ռազմա­կան հանցա­գործությունն է, և Ռուսաստանն Ադրբե­ջա­նի հետ անմի­ջա­կա­նո­րեն պատասխա­նա­տու է «Արցախ» կոչվող փորձա­րա­րա­կան համա­կենտրո­նացման ճամբա­րում արցախցի­նե­րի ցեղասպա­նության շարունակման համար։ Եվրո­պա­ցի սպա­ռողնե­րին մատա­կա­րարվող ռուսա­կան գազի մինչև 40 տոկո­սը մղվում է հաղորդակցության այս երակնե­րի միջո­ցով։ Այսպի­սով, չնա­յած համակրանքներն Արցա­խի կողմն են (աշխարհա­ռազմա­վա­րա­կան առումով՝ հետա­գա սադրանքնե­րի և Ռուսաստա­նի ներկա­յության ուժե­ղացման նպա­տա­կով Հարա­վա­յին Կովկա­սի տարա­ծաշրջա­նում), այնուա­մե­նայնիվ, հենց այս գազի վաճառքից ստացված ֆինանսնե­րը Ռուսաստա­նին հնա­րա­վո­րություն են տալիս իր հանցա­վոր պատե­րազմը մղել Ուկրաի­նա­յի և ողջ առա­ջա­դեմ մարդկության դեմ։

Պարոն Օհանջանյան, ո՞ւմ շահն է սպա­սարկում Արցա­խի խորհրդա­րա­նը, երբ ՌԴ‑ն արդեն մեկ անգամ խոչընդո­տել է, որ աշխարհը լեգի­տիմ դարձնի խաղա­ղա­պահնե­րի մանդա­տը կամ առնվազն նրանց Արցա­խում գտնվե­լը: 

Կարծում եմ՝ պատգա­մա­վորնե­րը վստահ են, որ նման հայտա­րա­րություննե­րով ակնարկում են նաև Ռուսաստա­նի մեղքը։ Ես հաստատ գիտեմ, որ Արցա­խի խորհրդա­րա­նը փորձում է ակտիվ լինել և ցույց տալ, որ պաշտպա­նում է ժողովրդի շահե­րը։ Սակայն Արցա­խի ներկա­յիս խորհրդա­րա­նը և քաղա­քա­կան վերնա­խա­վը համարձա­կություն չունեն ասե­լու, որ այսօրվա Ռուսաստա­նը շարունա­կում է իր նախորդնե­րի հանցա­վոր քաղա­քա­կա­նությունը Նիկո­լայ Երկրորդի ժամա­նակնե­րից ի վեր ողջ հայ ժողովրդի և մասնա­վո­րա­պես Լեռնա­յին Ղարա­բա­ղի հայե­րի դեմ՝ ընդդեմ Ղարա­բա­ղի, որը միշտ եղել և կմնա ողջ Հայաստա­նի սիրտն ու հոգին։ Առանց Ղարա­բա­ղի Հայաստան չի լինի: Ղարա­բա­ղը ժամա­նա­կա­կից Հայաստա­նի լեգի­տի­մության հիմքն է:

Հարցազրույցը՝ 1in.am կայքից։