Կուսակցություննե­րը‘ Հանուն Ժողովրդի

Քաղա­քա­կան կուսակցութիւննե­րը վճռո­րոշ դեր կը խաղան քաղա­քա­կան համա­կարգին մէջ՝ ներկա­յացնե­լով ժողո­վուրդին շահե­րը: Ժողո­վուրդին կարիքնե­րուն եւ մտա­հո­գութիւննե­րուն առաջնա­հերթութիւն տալով եւ, հետեւա­բար, վաստա­կե­լով անոր վստա­հութիւնը, կ՛ապահովուի կառա­վա­րութեան թափանցիկ հաշուե­տուութիւնը զինք ընտրողնե­րուն հանդէպ:

ԴՈԿՏ.  ՅԱՐՈՒԹ ՄԿՐՏԻՉԵԱՆ

Ինչո՞ւ Հայաստա­նի Կուսակցութիւննե­րը Պէտք է Ըլլան «Ժողո­վուրդին Հետ, Ժողո­վուրդին Համար»

Ժողովրդա­վա­րա­կան երկիրնե­րու մէջ քաղա­քա­կան կուսակցութիւննե­րու համար ժողո­վուրդին հետ համա­հունչ ըլլաը եւ անոր սպա­սարկե­լու յանձնա­ռութիւն ունե­նա­լը հիմնա­կան սկզբունքներ են։ Հայաստանն ալ՝ իբրեւ ժողովրդա­վար երկիր, անոր մէջ գործող որեւէ քաղա­քա­կան կուսակցութեան համար այդ սկզբունքնե­րը պէտք է առաջնա­հերթութիւն ըլլան, իսկ իշխա­նութեան հասնի­լը պէտք է ըլլայ միջոց եւ ոչ թէ վերա­ծուի նպա­տա­կի։ Այս հասկա­ցո­ղութիւնը կու գայ ժողովրդին ծառա­յե­լու, անոր կարիքնե­րը հոգա­լու եւ իրաւունքնե­րը պաշտպա­նե­լու պարտաւո­րութե­նէն: Այլ խօսքով՝ անոնք պէտք է գործեն «ժողո­վուրդին հետ, ժողո­վուրդին համար» սկզբունքէն մեկնած։

Մեծ դժուա­րութեամբ դէպի իսկա­կան ժողովրդա­վա­րութիւն ընթա­ցող Հայաստա­նի համար, քաղա­քա­կան կուսակցութիւննե­րու «ժողո­վուրդին հետ, ժողո­վուրդին համար» ըլլա­լու հրա­մա­յա­կա­նը մեծ նշա­նա­կութիւն ունի։ Այս սկզբունքը կը ներա­ռէ ժողովրդա­վա­րա­կան կառա­վարման բարո­յա­կան հիմքը, որուն վրայ հիմնուած է ազգին եւ երկրին քաղա­քա­կան դաշտը:

Արդ, գերա­դա­սե­լով ժողո­վուրդին ծառա­յե­լը իշխա­նութեան տիրա­նա­լու հետապնդումէն եւ վարե­լով ժողովրդա­կեդրոն քաղա­քա­կա­նութիւն՝ Հայաստա­նի քաղա­քա­կան կուսակցութիւննե­րը կը ստանձնեն դէպի աւե­լի բարգաւաճ եւ հզօր ապա­գայ տանող Հայաստան մը ձեւաւո­րե­լու գործընթա­ցին մէջ հիմնա­կան դերա­կա­տա­րութիւն:

Թուենք քանի մը պատճառներ՝ հասկնա­լու համար կուսակցութիւննե­րու դերա­կա­տա­րութեան կարեւո­րութիւնը.

Ժողովրդա­վար Կառա­վա­րում

Տարի­նե­րու ընթացքին Հայաստան զգա­լի յառա­ջընթաց արձա­նագրած է դէպի ժողովրդա­վա­րութիւն: Ժողովրդա­վա­րութեան առանցքը կառա­վա­րումը ժողո­վուրդին կողմէ ժողովրդին համար սկզբունքն է: Քաղա­քա­կան կուսակցութիւննե­րը վճռո­րոշ դեր կը խաղան քաղա­քա­կան համա­կարգին մէջ՝ ներկա­յացնե­լով ժողո­վուրդին շահե­րը: Ժողո­վուրդին կարիքնե­րուն եւ մտա­հո­գութիւննե­րուն առաջնա­հերթութիւն տալով եւ, հետեւա­բար, վաստա­կե­լով անոր վստա­հութիւնը, կ՛ապահովուի կառա­վա­րութեան թափանցիկ հաշուե­տուութիւնը զինք ընտրողնե­րուն հանդէպ: Այսպի­սով, քաղա­քա­կան այրե­րը պարտաւոր կ՛ըլլան գործե­լու հանրութեան շահե­րուն համար, ստի­պուած՝ կը պահպա­նեն օրէնքի գերա­կա­յութիւնը, պաշտպա­նե­լով ժողո­վուրդին իրաւունքնե­րը եւ ազա­տութիւննե­րը:

Ընկե­րա­յին-տնտե­սա­կան Զարգա­ցում

Հայաստան կը դիմագրաւէ տարբեր ընկե­րա­յին-տնտե­սա­կան մարտահրաւէրներ, ներա­ռեալ՝ աղքա­տութիւնը, անգործութիւնը եւ ընկե­րա­յին անհաւա­սա­րութիւնը: Կուսակցութիւն մը, որ անկեղծօ­րէն հաւա­տա­րիմ է ժողո­վուրդին ծառա­յե­լու իր սկզբունքնե­րուն՝ կը մշա­կէ քաղա­քա­կա­նութիւն եւ նախա­ձեռնութիւններ՝ այդ հարցե­րը լուծե­լու նախանձախնդրութեամբ: Այդ կ՛ենթադրէ ներդրումներ կրթութեան, առողջա­պա­հութեան, ենթա­կա­ռոյցի եւ տնտե­սա­կան այլ ոլորտնե­րու մէջ: Առաջնա­հերթութիւն տալով ժողո­վուրդի բարե­կե­ցութեան‘ կուսակցութիւնը կը նպաստէ ա՛լ աւե­լի արդար եւ բարե­կե­ցիկ հասա­րա­կութեան մը գոյացման։

Ազգա­յին Միասնութիւն Եւ Կայունութիւն

Հայաստա­նի պատմութիւնը կը յատկանշուի քաղա­քա­կան ցնցումնե­րով եւ ներազգա­յին բախումնե­րով: Այս պարունա­կին մէջ, քաղա­քա­կան կուսակցութիւննե­րը վճռո­րոշ դեր կը խաղան ազգա­յին միասնութեան եւ կայունութեան խթանման գործընթա­ցին մէջ: Ժողո­վուրդին շահե­րուն առաջնա­հերթութիւն տուող կուսակցութիւնը կը ձգտի կամրջել դասա­կարգա­յին բաժա­նումնե­րը, խթա­նել երկխօ­սութիւնը եւ նպաստել մթնո­լորտի հաշտեցման: Ընդգծե­լով ազգա­յին արժէքնե­րը եւ ձգտումնե­րը՝ այդպի­սի կուսակցութիւն մը կը նպաստէ դասա­կարգե­րու համախմբումի ամրապնդման եւ հակա­մարտութիւննե­րու ու անկա­յունութեան վտանգի նուա­զեցման։

Երկա­րա­ժամկէտ Կայունութիւն

Հայաստա­նի կայուն կառա­վա­րումը կը պահանջէ կեդրո­նա­ցում հայութեան երկա­րա­ժամկէտ շահե­րուն վրայ, այլ ոչ թէ կարճա­ժամկէտ ձեռքբե­րումնե­րու կամ անձնա­կան փառա­սի­րութիւննե­րու վրայ: Քաղա­քա­կան կուսակցութիւն մը, որ իսկա­պէս «ժողո­վուրդին հետ, ժողո­վուրդին համար» է՝ կ՛որդեգրէ եւ կը մշա­կէ ռազմա­վա­րա­կան հեռա­տես քաղա­քա­կա­նութիւն՝ հաւա­սա­րակշռե­լով անմի­ջա­կան կարիքնե­րը եւ ապա­գայ մարտահրաւէրնե­րը եւ առիթնե­րը: Այս ռազմա­վա­րութեան ծիրին մէջ կ՛իյնայ ժողո­վուրդին, մտաւո­րա­կա­նութեան, ռազմա­կան, արդիւնա­բե­րա­կան եւ տարբեր ոլորտնե­րու մէջ աշխա­տող մասնա­գէտնե­րու հետ յարա­բե­րութիւննե­րը՝ բարդ հարցե­րու համա­պարփակ եւ հեռանկա­րա­յին լուծումներ մշա­կե­լու համար, ապա­հո­վե­լով երկրի բարգաւա­ճումը եւ բարե­կե­ցութիւնը՝ ի շահ գալիք սերունդնե­րուն:

Եզրա­փա­կե­լու համար կարե­լի է նշել, որ Հայաստա­նի մէջ քաղա­քա­կան կուսակցութիւննե­րու համար «ժողո­վուրդին հետ, ժողո­վուրդին համար» ըլլա­լու հրա­մա­յա­կա­նը կը ներկա­յացնէ ոչ միայն բարձր իտէալ, այլ գործնա­կան անհրա­ժեշտութիւն՝ խորա­պէս ընդե­լուզուած Հայաստա­նի ժողովրդա­վա­րա­կան եւ ընկե­րա­յին-քաղա­քա­կան կառուցուածքին հետ: Մինչ Հայաստան կը նաւարկէ կառա­վարման, հասա­րա­կութեան զարգացման եւ տարա­ծաշրջա­նա­յին ռազմա­կան, տնտե­սա­կան եւ քաղա­քա­կան բարդութիւննե­րու ալե­կոծ ծովուն մէջ, քաղա­քա­կան կուսակցութիւննե­րու դերը աւե­լի ու աւե­լի առանցքա­յին կը դառնայ երկրի ներկա­յի եւ ապա­գա­յի կայունութեան գործին մէջ: Առաջնա­հերթութիւն տալով հայ ժողո­վուրդի շահե­րուն, ձգտումնե­րուն եւ բարե­կե­ցութեան՝ քաղա­քա­կան կուսակցութիւննե­րը ոչ միայն պէտք է կատա­րեն իրենց ժողովրդա­վա­րա­կան յանձնա­րա­րութիւնը, այլ նպաստեն աւե­լի հզօր Հայաստա­նի մը կերտումին, առողջ եւ համախմբուած հասա­րա­կութեամբ:

Համա­պարփակ կառա­վարման, թափանցի­կութեամբ եւ պատասխա­նա­տու քաղա­քա­կա­նութեան միջո­ցով, այս կուսակցութիւննե­րը կրնան ճամբան հարթել դէպի բարգաւա­ճում, կայունութիւն եւ ազգա­յին միասնութիւն: Աւե­լին, մշա­կե­լով երկա­րա­ժամկէտ ծրա­գիր մը եւ զարգացման կայուն յանձնա­ռութիւն մը՝ անոնք հիմքը կը դնեն ապա­գայ Հայաստա­նի մը, որ կը զարգա­նայ իբրեւ կայուն եւ ժողովրդա­վար երկիր մը: Վերջա­պէս, հաւա­տա­րիմ մնա­լով ժողովրդա­կեդրոն քաղա­քա­կա­նութեան սկզբունքնե­րուն՝ Հայաստա­նի քաղա­քա­կան կուսակցութիւննե­րը կը դառնան այն մեքե­նան, որ դրա­կան փոփո­խութիւններ կրնայ բերել ազգին եւ հայրե­նի­քին՝ ապա­հո­վե­լով աւե­լի պայծառ ապա­գայ մը գալիք սերունդնե­րուն համար:

Հոդվա­ծը՝ asbarez.am կայքից։