Պետությունը Պարտա­վոր Է Իր Քաղա­քա­ցուն Այլ Պետության Ճնշումնե­րից Պաշտպա­նել

Հայաստա­նի քաղա­քա­ցուն հարկադրում են «ընտրություն կատա­րել» հօգուտ Վորկուտա­յում կամ Տյումե­նում աշխա­տանքի կամ Մոսկվա­յի շուկա­նե­րից մեկում բեռնա­կիր լինե­լու «իրա­վունքի»։

Մուղնի

Վլա­դի­միր Պուտի­նը հրա­մա­նա­գիր է ստո­րագրել եւ սահմա­նել, որ ՌԴ պետդումա­յի ընտրություննե­րի քվեարկությունը տեղի է ունե­նալլու սեպտեմբե­րի 18-ից մինչեւ 20‑ը։ 

Ուկրաի­նա­յի դեմ պատե­րազմից հետո ՌԴ քանի՞ քաղա­քա­ցի է երկրից հեռա­ցել, այդ մարդիկ սեպտեմբե­րի 18–20‑ը ներառյալ՝ Ռուսաստան մուտք գործե­լու, քվեարկությա­նը մասնակցե­լու իրա­վունք ունե­նա­լու՞ են։ Կամ Ռուսաստա­նը Հայաստա­նում, Վրաստա­նում, Ադրբե­ջա­նում, ԱՊՀ այլ կամ եվրո­պա­կան երկրնե­րում, Իսրա­յե­լում ընտրա­կան տեղամասե՞ր է բացե­լու, որպեսզի իր քաղա­քա­ցի­նե­րի սահմա­նադրա­կան իրա­վունքը չխախտվի։ Ոչ մի «ինոա­գենտ» ՌԴ պետդումա­յի ընտրություննե­րին չի մասնակցե­լու։ 

Շատե­րի նկատմամբ շուտով գործի կդրվի գույքի կալանքի մասին օրերս Պուտի­նի ստո­րագրած օրենքը։ 

Բայց դա Հայաստա­նի «եռագլուխ» ընդդի­մությա­նը եւ նրա «շոշա­փուկնե­րի» չի հուզում։ Նրանց ընկա­լումնե­րում, ինչպես Վիսոցկին էր ասում՝ «Ընձուղտը մեծ է, նա ամեն ինչ տեսնում է»։ Այսինքն, Ռուսաստա­նը գերտե­րություն է, այնտեղ ժողովրդա­վա­րության կարիք չկա, ամեն ինչ տեսնում եւ որո­շում է «ցարը»։

Արտա­ռո­ցը այն է, որ թե «եռագլուխ», թե «շոշա­փուկա­յին» ընդդի­մության կարկա­ռուն դեմքե­րի զավակնե­րը կրթություն են ստա­նում ԱՄՆ-ում կամ Եվրո­պա­յում, իրենք բուժման համար մեկնում են Միացյալ Նահանգներ եւ եվրո­պա­կան երկրներ, հանգիստ են վայե­լում եվրո­պա­կան առողջա­րաննե­րում, որդի­նե­րի եւ դուստրե­րի համար առանձնա­տուն են գնում դարձալ ԱՄՆ-ում կամ Եվրո­պա­յում, բայց Հայաստա­նի քաղա­քա­ցուն հարկադրում են «ընտրություն կատա­րել» հօգուտ Վորկուտա­յում կամ Տյումե­նում աշխա­տանքի կամ Մոսկվա­յի շուկա­նե­րից մեկում բեռնա­կիր լինե­լու «իրա­վունքի»։

Եւ միա­ձայն աղա­ղա­կում են, որ Հայաստա­նի քաղա­քա­ցին պարտա­վոր չէ ընտրություննե­րից առաջ գոնե վեց ամիս բնակվել հայրե­նի­քում։ «Բա եթե ուսա­նող է կամ պայմա­նագրա­յին աշխատո՞ղ»,- հարցնում են։ Քանի՞ հայ երի­տա­սարդ է ՌԴ բուհե­րում ուսում ստա­նում, ՀՀ քանի՞ քաղա­քա­ցի է Ռուսաստա­նում պայմա­նագրա­յին հիմունքնե­րով աշխա­տում։ Այդ մարդիկ կարող են համա­պա­տասխան տեղե­կանք ներկա­յացնել եւ քվեարկության իրա­վունք ունե­նալ։ 

Խնդի­րը «ընտրա­տուրիզմն» է, տասնյակ հազա­րա­վոր մարդկանց մեկօրյա «հայրե­նա­սի­րությունը», որ կարող է հայրե­նի­քի կործանման պատճառ դառնալ։ Պետությունը պարտա­վոր է կանխել այդ սպառնա­լի­քը, իր քաղա­քա­ցուն պաշտպա­նել այլ պետության ճնշումնե­րից։

Մուղնի

Վերոնշյալ գրա­ռումը՝ Մեր Ուղին‑ի խմբագրա­կան կազմը ստա­ցել է էլեկտրո­նա­յին հաղորդագրությամբ.