Հնդկաստա­նը Կդառնա՞ Միջնորդ Կիևի Ու Մոսկվա­յի Միջև

Հնդկաստա­նը, հնա­րա­վոր է, միակ համաշխարհա­յին խաղա­ցողն է, որը կարող է ստանձնել այս դերը կամ, գոնե, միակն է, որը կարող է համո­զիչ կերպով ներկա­յա­նալ որպես չեզոք կողմ՝ թե՛ Մոսկվա­յի, թե՛ Կիևի նկատմամբ։

Politico‑ն գրում է
Ուկրաի­նան խաղա­ղության համա­ձայնագրի կնքման հարցում Պուտի­նի հետ, հույսը դնում է Հնդկաստա­նի վրա. Ինչու Նարենդրա Մոդին լավա­գույն հույսն է Կիևի համար:
Ուկրաի­նան գտել է իր սիրե­լի միջնորդին, ով կօգնի դադա­րեցնել հակա­մարտությունը Ռուսաստա­նի հետ. դա Հնդկաստա­նի վարչա­պետ Նարենդրա Մոդին է։ Դիվա­նա­գի­տա­կան հարա­բե­րություննե­րի զարգա­ցումնե­րի շրջա­նակնե­րում Ուկրաի­նա­յի նախա­գահ Վլա­դի­միր Զելենսկին երկուշաբթի երե­կո­յան Նյու Յորքում հանդի­պել է Մոդիի հետ։ Առաջնորդնե­րը և նրանց շրջա­պա­տը քննարկել են խաղաղ համա­ձայնության հասնե­լու ուղի­նե­րը։ Ուկրաի­նա­յի բարձրաստի­ճան պաշտոնյան անա­նուն մնա­լու պայմա­նով հաստա­տել է, որ Հնդկաստա­նը Կիևի մեծ հույսն է խաղաղ համա­ձայնության հասնե­լու հարցում։
Պաշտոնյա­յի խոսքե­րով, ամա­ռա­յին բանակցություննե­րի ժամա­նակ Մոդին հստակ հասկացրել է, որ, չնա­յած Ուկրաի­նան ստիպված կլի­նի որոշ հարցե­րում գնալ փոխզիջման, որևէ առա­ջարկ, որը վերա­բե­րում է հակա­մարտության դադա­րեցմա­նը, չպետք է ներա­ռի Ուկրաի­նա­յի տարածքնե­րի փոխանցումը Ռուսաստա­նին։ Կիևի աչքում Մոդին կարճ ժամա­նա­կում անցել է երկար ճանա­պարհ։ Երբ հուլի­սին նա այցե­լեց Մոսկվա և ջերմո­րեն գրկա­խառնվեց Ռուսաստա­նի նախա­գահ Վլա­դի­միր Պուտի­նի հետ, Կիևի արձա­գանքը սուր էր։ Զելենսկին այդ գրկա­խառնությունը՝ հենց այն օրը, երբ ռուսա­կան հրթի­ռա­յին հարվա­ծից տասնյակ ուկրաի­նա­ցի­ներ զոհվե­ցին, անվա­նեց «հսկա­յա­կան հիասթա­փություն և մեծ հարված խաղա­ղության ջանքե­րին»։ Բայց դրա­նից հետո Ուկրաի­նան ավե­լի հաճախ է Հնդկաստա­նին, աշխարհի ամե­նա­խիտ բնա­կեցված երկրին, որը երկար ժամա­նակ իր արտա­քին քաղա­քա­կա­նության մեջ քարո­զում էր չեզո­քություն, դիտարկում որպես կատարյալ միջնորդ Կրեմլի հետ հարա­բե­րություննե­րում։
Հնդկաստա­նը, հնա­րա­վոր է, միակ համաշխարհա­յին խաղա­ցողն է, որը կարող է ստանձնել այս դերը կամ, գոնե, միակն է, որը կարող է համո­զիչ կերպով ներկա­յա­նալ որպես չեզոք կողմ՝ թե՛ Մոսկվա­յի, թե՛ Կիևի նկատմամբ։
Շվեյցա­րիան և Ավստրիան աջակցել են ԵՄ‑ի կողմից Ռուսաստա­նի դեմ պատժա­մի­ջոցնե­րի սահմանմա­նը։ Վաշինգտո­նի և Մոսկվա­յի հարա­բե­րություննե­րը խոր սառեցված վիճա­կում են։ Սաուդյան Արա­բիա­յի՝ խաղա­ղության մեջ միջնորդի դերը ստանձնե­լու փորձե­րը ձախողվել են, մինչդեռ Չինաստա­նին մեղադրում են Մոսկվա­յին ռազմա­կան գործո­ղություննե­րում ակտիվ աջակցե­լու համար, իսկ այս ամսվա ընթացքում Զելենսկին կոշտ քննա­դա­տություն է հնչեցրել Բրա­զի­լիա­յի կառա­վա­րության հասցեին՝ Ռուսաստա­նի կողմը բռնե­լու համար։
Աղբյուրը՝
Politico