Թրամփը Պատե­րազմն «Ավե­լի Շո՞ւտ Կավարտի»

Զելենսկին նշել է, որ իրա­վի­ճա­կը ճակա­տում բարդ է, քանի որ ռուսա­կան ուժե­րը առաջխա­ղա­ցումներ են ունե­նում։ Նա հավե­լել է, որ ԱՄՆ օրենսդրությունը թույլ է տալիս հանդի­պել Թրամփի հետ միայն նրա պաշտո­նա­մուտից հետո՝ հունվա­րին։ Թրամփի և Զելենսկու հարա­բե­րություննե­րը վաղուց լարված են։ 2019-ին Թրամփի նկատմամբ իմփիչմենտ էր հարուցվել՝ Զելենսկուն Բայդեննե­րի ընտա­նի­քի դեմ վնա­սա­կար տեղե­կություններ գտնե­լու համար ճնշե­լու մեղադրանքով։

BBC-ն գրում է՝

Ուկրաի­նա­յի նախա­գահ Վլա­դի­միր Զելենսկին հայտա­րա­րել է, որ վստահ է՝ ԱՄՆ‑ի նախա­գահ դառնա­լուց հետո Դոնալդ Թրամփի քաղա­քա­կա­նության շնորհիվ պատե­րազմը Ռուսաստա­նի հետ «ավե­լի շուտ» կավարտվի, քան այլ կերպ հնա­րա­վոր կլի­ներ։

Զելենսկին նշել է, որ Թրամփի՝ ԱՄՆ նախա­գա­հա­կա­նընտրություննե­րում հաղթա­նա­կից հետո ունե­ցել է «կառուցո­ղա­կան զրույց» նրա հետհե­ռա­խո­սա­զանգի ընթացքում։ Նա չի նշել, թե արդյոք Թրամփը պահանջներ ներկա­յացրել է Ռուսաստա­նի հետ հնա­րա­վոր բանակցություննե­րի վերա­բերյալ, սակայն ընդգծել է, որ Թրամփի ասածնե­րից ոչինչ հակա­սություն չի առա­ջացրել Ուկրաի­նա­յի դիրքո­րոշման հետ։

Թրամփը բազմիցս հայտա­րա­րել է, որ իր առաջնա­հերթությունն է պատե­րազմը դադա­րեցնել և վերջ դնել նրան, ինչ նա համա­րում է ԱՄՆ ռեսուրսնե­րի վատնում՝ Ուկրաի­նա­յին ռազմա­կան օգնություն տրա­մադրե­լու ձևով։

«Ակնհայտ է, որ այս վարչա­կազմի քաղա­քա­կա­նություննե­րի շնորհիվ, որոնք հիմա կղե­կա­վա­րեն Սպի­տակ տունը, պատե­րազմը կավարտվի ավե­լի շուտ։ Սա նրանց մոտե­ցումն է, նրանց խոստումը իրենց քաղա­քա­ցի­նե­րին», — ասել է Զելենսկին «Suspilne» ուկրաի­նա­կան լրատվա­կա­նին տված հարցազրույցում։ Նա հավե­լել է, որ Ուկրաի­նան «պետք է ամեն ինչ անի, որպեսզի պատե­րազմն ավարտվի հաջորդ տարի՝ դիվա­նա­գի­տա­կան ճանա­պարհով»։

Զելենսկին նշել է, որ իրա­վի­ճա­կը ճակա­տում բարդ է, քանի որ ռուսա­կան ուժե­րը առաջխա­ղա­ցումներ են ունե­նում։ Նա հավե­լել է, որ ԱՄՆ օրենսդրությունը թույլ է տալիս հանդի­պել Թրամփի հետ միայն նրա պաշտո­նա­մուտից հետո՝ հունվա­րին։ Թրամփի և Զելենսկու հարա­բե­րություննե­րը վաղուց լարված են։ 2019-ին Թրամփի նկատմամբ իմփիչմենտ էր հարուցվել՝ Զելենսկուն Բայդեննե­րի ընտա­նի­քի դեմ վնա­սա­կար տեղե­կություններ գտնե­լու համար ճնշե­լու մեղադրանքով։

Չնա­յած տարա­ձայնություննե­րին, Թրամփը պնդում է, որ իր հարա­բե­րություննե­րը Զելենսկու հետ «շատ լավ» են եղել։ Երբ զույգը հանդի­պեց Նյու Յորքում սեպտեմբե­րին, Թրամփն ասաց, որ «շատ բան է սովո­րել» այդ հանդի­պումից և որ ինքը «շատ արագ կլուծի պատե­րազմը»։

Թրամփը դեռևս չի բացա­հայտել, թե ինչպես է նախա­տե­սում ավարտել պատե­րազմը։

Նրա դեմոկրատ ընդդի­մա­խոսնե­րը մեղադրում են նրան Ռուսաստա­նի նախա­գահ Վլա­դի­միր Պուտի­նի հետ մտերմության մեջ և պնդում, որ նրա մոտե­ցումը պատե­րազմին Ուկրաի­նա­յի համար կործա­նա­րար կլի­նի և սպառնա­լիք կդառնա ողջ Եվրո­պա­յի համար։ Սակայն Գերմա­նիա­յի կանցլեր Օլաֆ Շոլցը, ով Թրամփի հետ զրուցել է նրա հաղթա­նա­կից հետո, հայտա­րա­րել է, որ ընտրված նախա­գահն Ուկրաի­նա­յի պատե­րազմի հարցում ունի «ավե­լի նրբա­ճա­շակ» դիրքո­րո­շում, քան կարծում են շատե­րը։

Շոլցը «Süddeutsche Zeitung» թերթին ասել է, որ իր խոսակցությունը Թրամփի հետ եղել է «գուցե զարմա­նա­լիո­րեն, շատ մանրա­մասն և լավ»։

Այս տարվա սկզբին ԱՄՆ Ներկա­յա­ցուցիչնե­րի պալա­տը հաստա­տել է Ուկրաի­նա­յին Ռուսաստա­նի ներխուժմա­նը դիմա­կա­յե­լու նպա­տա­կով 61 միլիարդ դոլար (49 միլիարդ ֆունտ) ռազմա­կան օգնության փաթեթ։

ԱՄՆ‑ը եղել է Ուկրաի­նա­յի ամե­նա­խո­շոր զենք մատա­կա­րա­րո­ղը․ 2022 թ. փետրվա­րից մինչև 2024 թ. հունի­սի վերջը տրա­մադրվել կամ խոստացվել են զենքեր և տեխնի­կա, որոնք գնա­հատվում են 55.5 միլիարդ դոլար (41.5 միլիարդ ֆունտ) արժո­ղությամբ, ըստ Կիլի համաշխարհա­յին տնտե­սության ինստի­տուտի՝ գերմա­նա­կան հետա­զո­տա­կան կազմա­կերպության։

Աղբյուրը՝ BBC

Թարգմա­նեց՝

Արա­յիկ Մկրտումյա­նը