Հիշելով Զելենսկու հետ զրույցը՝ Թրամփն ասել է, որ «զարմացած և հիասթափված է, շատ հիասթափված», որ Ռուսաստանը ռմբակոծել է Ուկրաինան՝ այն բանից հետո, երբ Վլադիմիր Պուտինը հանդիպել է Սթիվ Ուիթքոֆի հետ։ «Ես շատ հիասթափված էի, երբ Ռուսաստանը հրթիռներ արձակեց», – ասել է նա։
The Guardian
The Guardian-ը գրում է, որ Դոնալդ Թրամփը հայտարարել է, որ Վլադիմիր Զելենսկին պատրաստ է հրաժարվել Ղրիմից, չնայած նախորդ հայտարարություններին։
ԱՄՆ նախագահը նշել է, որ Վատիկանում անձնական հանդիպումը բարելավել է հարաբերությունները Ուկրաինայի նախագահի հետ և հրաժարվել է մեկնաբանել՝ վստահում է արդյոք Վլադիմիր Պուտինին։
Կիրակի օրը, Վատիկանում Զելենսկու հետ հանդիպումից հետո, Թրամփը Նյու Ջերսիի օդանավակայանում լրագրողների հարցին՝ արդյո՞ք կարծում է, որ Զելենսկին պատրաստ է հրաժարվել տարածքներից, պատասխանել է․ «Օ՜հ, ես կարծում եմ՝ այո»։
Չնայած Ղրիմի վերաբերյալ իր մեկնաբանություններին՝ ԱՄՆ նախագահը դրականորեն է արտահայտվել Ուկրաինայի նախագահի հասցեին՝ նշելով, որ նա «ցանկանում է լավ բան անել իր երկրի համար» և «քրտնաջան աշխատում է»։
Հիշելով Զելենսկու հետ զրույցը՝ Թրամփն ասել է, որ«զարմացած և հիասթափված է, շատ հիասթափված», որ Ռուսաստանը ռմբակոծել է Ուկրաինան՝ այն բանից հետո, երբ Վլադիմիր Պուտինը հանդիպել է Սթիվ Ուիթքոֆի հետ։ «Ես շատհիասթափված էի, երբ Ռուսաստանը հրթիռներարձակեց», – ասել է նա։
Զելենսկին «ասաց ինձ, որ իրեն ավելի շատ զենք է պետք, բայց նա այդ մասին արդեն երեք տարի է՝ խոսում է», – նշել է Թրամփը։
Երբ նրան հարցրել են՝ ինչ է ցանկանում Պուտինից, ԱՄՆ նախագահը պատասխանել է․ «Դե, ուզում եմ, որ նա դադարեցնի կրակը։ Նստի ու ստորագրի համաձայնագիրը։ Կարծում եմ՝ մենք ընդհանուր եզրակացության ենք հասել, և ես ուզում եմ, որ նա ստորագրի այն ու վերջ տա դրան»։
«Դուք վստահու՞մ եք նախագահ Պուտինին», – հարցրել են Թրամփին։ «Երկու շաբաթից կասեմ», – պատասխանել է նա։
Երբ նրանից հստակեցում են խնդրել՝ ինչ է ակնկալում այդ երկու շաբաթում, Թրամփը շրջանցել է պատասխանը։ «Երկու շաբաթում կամ ավելի շուտ», – ասել է նա անորոշ կերպով, – «բայց գիտեք, նրանք շատ մարդ են կորցնում։ Ամեն շաբաթ 3-4 հազար մարդ է մահանում»։
Թրամփն ասել է նաև, որ իր հարաբերությունները Զելենսկու հետ բարելավվել են Վատիկանում անձնական հանդիպումից հետո․ «Լսեք, դրանք երբեք էլ վատ չեն եղել։ Մենք փոքր վեճ ունեցանք, որովհետև ես չհամաձայնեցի մի բանի հետ, ինչ նա ասաց, իսկ տեսախցիկները նկարում էին, և ինձ դա չէր անհանգստացնում»։
«Լսեք, նա շատ բարդ իրավիճակում է, չափազանց բարդ։ Նա պայքարում է շատ ավելի հզոր հակառակորդի դեմ, շատ ավելի հզորի», – հավելել է Թրամփը։
▪️ «Ես նկատեցի, որ նա ավելի հանգիստ է», – ասել է Թրամփը՝ համեմատելով Վատիկանում հանդիպած Զելենսկուն այն Զելենսկու հետ, ում հանդիպել էր փետրվարին՝ Օվալաձև գրասենյակում։ «Կարծում եմ՝ նա հասկանում է իրավիճակը և ցանկանում է գործարք կնքել»։