Ռուսա­կան Օկուպա­ցիա՝ Իսրա­յե­լա­կան Ոճով

Սա կլի­նի այնպես, ինչպես Իսրա­յե­լը օկուպացնում է Արևմտյան ափը, — ասել է աղբյուրը՝ Թրամփի և Պուտի­նի Ալյասկա­յում կայա­նա­լիք գագաթնա­ժո­ղո­վից առաջ։ «Կլի­նի նահանգա­պետ, տնտե­սությունը կուղղվի դեպի Ռուսաստան, ոչ թե Ուկրաի­նա, բայց ձևա­կա­նո­րեն դա միևնույն է Ուկրաի­նան կլի­նի, որովհետև… Ուկրաի­նան երբեք չի հրա­ժարվի իր ինքնիշխա­նությունից, սակայն փաստա­ցի դա կլի­նի օկուպացված տարածք, իսկ մոդե­լը՝ Պաղեստի­նը։

The Times

ԱՄՆ‑ն և Ռուսաստա­նը «առա­ջարկում են Ուկրաի­նա­յի օկուպա­ցիա՝ Արևմտյան ափի օրի­նա­կով»

Հաղորդվում է, որ Թրամփի հատուկ բանագնաց Սթիվ Ուիթքոֆը աջակցում է այս գաղա­փա­րին, որը կարող է հրա­պա­րակվել նախքան նախա­գա­հի ու Պուտի­նի Ալյասկա­յում այս ուրբաթ հանդիպման մեկնարկը։ Այս սցե­նա­րի համա­ձայն՝ Ռուսաստա­նը կստա­նա ռազմա­կան և տնտե­սա­կան վերահսկո­ղություն Ուկրաի­նա­յի օկուպացված հատվա­ծի նկատմամբ՝ ստեղծե­լով սեփա­կան կառա­վարման մարմին, նմա­նեցված Իսրա­յե­լի փաստա­ցի կառա­վարմա­նը՝ պաղեստինյան տարածքնե­րի նկատմամբ, որոնք նա զավթեց Հորդա­նա­նից 1967 թ.։

ԱՄՆ Ազգա­յին անվտանգության խորհրդին մոտ կանգնած աղբյուրի փոխանցմամբ՝ գաղա­փա­րը առաջ է քաշվել մի քանի շաբաթ առաջ՝ Սթիվ Ուիթքոֆի և նրա ռուս զրուցա­կիցնե­րի քննարկումնե­րի ընթացքում։ Կարծիք կա, որ Ուիթքոֆը, որին Թրամփը հանձնա­րա­րել է նաև Մերձա­վոր Արև­ելքում խաղա­ղություն հաստա­տե­լու առա­քե­լություն, աջակցում է այս գաղա­փա­րին։

Ամե­րի­կա­ցի­նե­րը համոզված են, որ այս մոտե­ցումը շրջանցում է Ուկրաի­նա­յի Սահմա­նադրության այն դրույթնե­րը, որոնք արգե­լում են տարածքի փոխանցումը առանց «համաուկրաի­նա­կան» հանրաքվեի անցկացնե­լու։ Նախա­գահ Զելենսկին հրա­ժարվում է քննարկել տարածքնե­րի փոխանցումը, սակայն օկուպա­ցիա­յի այս մոդե­լը կարող է դառնալ հաշտության պայմա­նա­վորվա­ծության մեխա­նիզմ՝ երե­քուկես տարվա պատե­րազմից հետո։ Այս մոդե­լի համա­ձայն՝ Ուկրաի­նա­յի սահմաննե­րը չեն փոխվի, ինչպես Արևմտյան ափի սահմաննե­րը չեն փոխվել 58 տարի, բայց տարածքը կմնա Իսրա­յե­լի վերահսկո­ղության ներքո։

«Սա կլի­նի այնպես, ինչպես Իսրա­յե­լը օկուպացնում է Արևմտյան ափը», — ասել է աղբյուրը՝ Թրամփի և Պուտի­նի Ալյասկա­յում կայա­նա­լիք գագաթնա­ժո­ղո­վից առաջ։ «Կլի­նի նահանգա­պետ, տնտե­սությունը կուղղվի դեպի Ռուսաստան, ոչ թե Ուկրաի­նա, բայց ձևա­կա­նո­րեն դա միևնույն է Ուկրաի­նան կլի­նի, որովհետև… Ուկրաի­նան երբեք չի հրա­ժարվի իր ինքնիշխա­նությունից, սակայն փաստա­ցի դա կլի­նի օկուպացված տարածք, իսկ մոդե­լը՝ Պաղեստի­նը», — հաստա­տել է The Times‑ի զրուցա­կի­ցը։

Որոշ ամե­րի­կա­ցի բանակցողներ կարծում են, որ նման ելքը Ուկրաի­նա­յի օկուպացված տարածքնե­րի համար պարզա­պես արտա­ցո­լում է պատե­րազմի իրա­կա­նությունը և այն փաստը, որ մնա­ցած երկրնե­րը հրա­ժարվում են ուղղա­կիո­րեն մասնակցել Ռուսաստա­նի դեմ ռազմա­կան գործո­ղություննե­րին։ Նրանց կարծի­քով, մնում է միայն հստա­կեցնել ռուսա­կան օկուպա­ցիա­յի սահմաննե­րը, որոնք Պուտի­նը փորձում է առա­վե­լա­գույնի հասցնել՝ մինչև Ալյասկա­յում Թրամփի հետ բանակցություննե­րը։

Իսրա­յե­լի զորքե­րը Արևմտյան ափը՝ տարածքը Իսրա­յե­լի և Հորդա­նան գետի միջև, զավթե­ցին Հորդա­նա­նի ուժե­րից 1967 թ. Վեցօրյա պատե­րազմի ժամա­նակ՝ միլիո­նա­վոր պաղեստինցի­նե­րի բերե­լով իսրա­յե­լա­կան վերահսկո­ղության ներքո։ Այսօր Իսրա­յե­լը պահպա­նում է ընդհա­նուր վերահսկո­ղությունը այս տարածքի նկատմամբ, թեև 1990-ականնե­րից սկսած՝ «Պաղեստինյան ինքնա­վա­րություն» կոչվող կառա­վա­րությունը ղեկա­վա­րում է նրա մեծա­մասնությունը կազմող քաղաքներն ու գյուղե­րը։ Պաղեստինցի­նե­րը անցնում են իսրա­յե­լա­կան ռազմա­կան անցա­կե­տե­րով և պարե­կա­յին հսկո­ղությամբ, ինչպես նաև պարտա­վոր են Իսրա­յե­լից թույլտվություն ստա­նալ՝ Արևմտյան ափից Գազա և Արև­ելյան Երուսա­ղեմ այլ պաղեստինյան տարածքներ մեկնե­լու համար։

Աղբյուրը‘