«Արցա­խի ԿԳԲ-ացումը»

Հանդի­պումը վերածվել է ծանր վիճա­բա­նության, որի ընթացքում Արկա­դի Ղուկասյա­նը, Բակո Սահակյա­նը եւ Ռուբեն Վարդանյա­նը Արա­յիկ Հարությունյա­նից պահանջել են «անվտանգ հեռա­նալ»:

Վահրամ Աթա­նեսյան

Մաս 96-րդ

Վստա­հե­լի աղբյուրնե­րը վկա­յում են, որ 2023թ. սեպտեմբե­րի լույս 1‑ի գիշե­րը, երբ հայտնի է դարձել, որ Արա­յիկ Հարությունյա­նը պատրաստվում է հրա­ժա­րա­կան ներկա­յացնել, նրան այցե­լել է երկու պատվի­րա­կություն: Նախ նա ընդունել է նախկին նախա­գահներ Արկա­դի Ղուկասյա­նին եւ Բակո Սահակյա­նին: Նրանք Արա­յիկ Հարությունյա­նին ներկա­յացրել են Անվտանգության խորհրդի քարտուղար Սամվել Շահրա­մանյա­նին՝ պետա­կան նախա­րար նշա­նա­կե­լու պահանջ: 

Այնուհե­տեւ Արա­յիկ Հարությունյա­նը ընդունել է այսպես կոչված՝ «Ճգնա­ժա­մա­յին կոմի­տեի» ներկա­յա­ցուցիչնե­րին, որոնք առա­ջարկել են պետա­կան նախա­րա­րի պաշտո­նում նշա­նա­կել Պաշտպա­նության բանա­կի նախկին հրա­մա­նա­տար Սամվել Բաբա­յա­նին եւ իշխա­նությունը լիո­վին փոխանցել նրան:

Որոշ տեղե­կություննե­րով, որոնց հավաստիությունը բարդ է հաստա­տել, բայց նույնքան էլ հերքելն է դժվար, «Ճգնա­ժա­մա­յին կոմի­տեի» առա­ջարկությունը քննարկե­լու նպա­տա­կով Արա­յիկ Հարությունյա­նը նախա­գա­հա­կան նստա­վայրից դուրս հանդի­պել է Արկա­դի Ղուկասյա­նին եւ Բակո Սահակյա­նին: Կարճ ժամա­նակ հետո քննարկումնե­րին միա­ցել է նաեւ նախկին պետնա­խա­րար Ռուբեն Վարդանյա­նը: Հանդի­պումը վերածվել է ծանր վիճա­բա­նության, որի ընթացքում Արկա­դի Ղուկասյա­նը, Բակո Սահակյա­նը եւ Ռուբեն Վարդանյա­նը Արա­յիկ Հարությունյա­նից պահանջել են «անվտանգ հեռա­նալ»:

Ստե­փա­նա­կերտում Սամվել Բաբա­յա­նին իշխա­նությունից ամեն գնով հեռու պահե­լու քաղա­քա­կա­նությունը հանրայնո­րեն ընկա­լե­լի դարձնե­լու համար նրա մասին տարածվում էին լուրեր, որ «կատա­րում է Ալիեւի հրա­հանգնե­րը, կողմ է Աղդա­մի ճանա­պարհի բացմա­նը եւ թուրքե­րի հետ համա­տեղ ապրե­լուն»: Այդ քարոզչությունը պաշտպա­նում էին Ազգա­յին ժողո­վի քաղա­քա­կան ուժե­րի ներկա­յա­ցուցիչնե­րը: Ակնհայտ էր, որ Բաբա­յա­նի հանդեպ համա­տա­րած ժխտո­ղա­կան վերա­բերմունքը հովա­նա­վորվում էր հատուկ ծառա­յություննե­րի եւ նրանց ազդե­ցության գործա­կալնե­րի կողմից:

Ըստ էության, Արա­յիկ Հարությունյա­նին պարտադրվել է կայացնել իշխա­նությունը Սամվել Շահրա­մանյա­նին փոխանցե­լու որո­շում: 

Ստեղծված իրա­վի­ճա­կում Շահրա­մանյա­նի ընտրությունը կարե­լի է համա­րել «պատա­հա­կա­նություն»: Խնդիրն ավե­լի խորքա­յին է եւ հանգում է նրան, որ Ստե­փա­նա­կերտում իշխա­նության պետք է գար հատուկ ծառա­յություննե­րում փորձ ունե­ցող մեկը: Հանրությա­նը դա ներկա­յացվում էր որպես «զինվո­րա­կան փորձա­ռություն ունե­ցող» անձի ընտրություն, որպեսզի տպա­վո­րություն ստեղծվի, թե Արա­յիկ Հարությունյա­նի հրա­ժա­րա­կա­նը ոչ թե Լեռնա­յին Ղարա­բա­ղի պետա­կա­նության վախճան, այլ «վերա­զարթոնք է նշա­նա­վո­րում»:

(Շարունա­կե­լի)