«Արցա­խի ԿԳԲ-ացումը»

Բաքվից պահանջել են նախկին նախա­գահներ Արկա­դի Ղուկասյա­նի եւ Բակո Սահակյա­նի, նախկին արտգործնա­խա­րար Դավիթ Բաբա­յա­նի, նախկին պետնա­խա­րար Ռուբեն Վարդանյա­նի եւ ՊԲ հրա­մա­նա­տար Կամո Վարդանյա­նի ձերբա­կա­լությունը: Պարզ չէ, թե այդ պահանջը ե՞րբ եւ ու՞մ միջո­ցով է ներկա­յացվել:

Վահրամ Աթա­նեսյան

Մաս 106 

2023թ. սեպտեմբե­րի 28-ին Արցա­խի տեղե­կատվա­կան շտա­բը հաղորդագրություն է տարա­ծել, որ նախա­գահ Սամվել Շահրա­մանյա­նը ստո­րագրել է Լեռնա­յին Ղարա­բա­ղի Հանրա­պե­տությունը լուծա­րե­լու մասին հրա­մա­նա­գիր: Նույն օրը նախկին արտգործնա­խա­րար, արտա­քին քաղա­քա­կա­նության հարցե­րով նախա­գա­հի խորհրդա­կան Դավիթ Բաբա­յա­նը ֆեյսբուքի անհա­տա­կան օգտա­հաշվում գրա­ռում է կատա­րել եւ հանրայնացրել, որ Ադրբե­ջա­նի դատա­խա­զությունը իրեն Շուշի ներկա­յա­նա­լու եւ «իրա­վա­պահ մարմիննե­րին հանձնվե­լու» պահանջ է առա­ջադրել: Բաբա­յա­նը ասել է, որ լինե­լով հայ, քրիստոնյա եւ չցանկա­նա­լով որեւէ մեկի համար խնդիրներ ստեղծել, ընդունել է այդ պահանջը եւ «բարձրա­նում է Շուշի»: 

Բռնա­գաղթից ամիսներ անց իրա­վի­ճա­կին լավա­տեղյակ աղբյուրնե­րը պատմել են, որ Բաբա­յա­նը «ոչ թե բարձրա­ցել է Շուշի, այլ իջել է կառա­վա­րության հյուրա­տուն, որտեղ նրան սպա­սե­լիս է եղել Ադրբե­ջա­նի Պետա­կան անվտանգության ծառա­յության տնօ­րե­նի առա­ջին տեղա­կալ Ջեյհուն Շադլինսկին»: Նա էլ տեղում ձերբա­կա­լել է Բաբա­յա­նին եւ «նույն օրը տեղա­փո­խել Բաքու»: 

Ըստ վստա­հե­լի աղբյուրնե­րի, նույն օրը Հակա­րո­յի անցա­կե­տի շրջա­կայքում Ադրբե­ջա­նի հատուկ ծառա­յություննե­րի աշխա­տա­կիցնե­րը ձերբա­կա­լել են նախկին պետա­կան նախա­րար Ռուբեն Վարդանյա­նին եւ ՊԲ հրա­մա­նա­տա­րի նախկին տեղա­կալ Դավիթ Մանուկյա­նին: Վարդանյա­նը փորձել է Հայաստան անցնել Մանուկյա­նի ավտո­մե­քե­նա­յով: Կա վարկած, որ ադրբե­ջանցի­նե­րը ձերբա­կա­լել, Բաքու են տեղա­փո­խել, ապա ազատ արձա­կել Դավիթ Մանուկյա­նի կնո­ջը:  Հակա­րո­յի անցա­կե­տում է ձերբա­կալվել նաեւ Պաշտպա­նության բանա­կի նախկին հրա­մա­նա­տար Լեւոն Մնա­ցա­կանյա­նը: 

Ադրբե­ջա­նի կողմից ԼՂՀ ռազմա­քա­ղա­քա­կան ղեկա­վա­րությա­նը «պատանդ հանձնե­լու» մասին տեղե­կությունը առա­ջին անգամ անցյալ տարի հանրայնացրել է հետաքննող լրագրող Թաթուլ Հակոբյա­նը: Ըստ նրա տեղե­կություննե­րի, Բաքվից պահանջել են նախկին նախա­գահներ Արկա­դի Ղուկասյա­նի եւ Բակո Սահակյա­նի, նախկին արտգործնա­խա­րար Դավիթ Բաբա­յա­նի, նախկին պետնա­խա­րար Ռուբեն Վարդանյա­նի եւ ՊԲ հրա­մա­նա­տար Կամո Վարդանյա­նի ձերբա­կա­լությունը: Պարզ չէ, թե այդ պահանջը ե՞րբ եւ ու՞մ միջո­ցով է ներկա­յացվել: Ադրբե­ջա­նա­կան կողմի հետ բանակցություննե­րի մասին հակա­սա­կան տեղե­կություններ են տարածված: Իրա­կա­նությա­նը, կարծես, ավե­լի մոտ է այն, որ Արկա­դի Ղուկասյա­նը, Բակո Սահակյա­նը եւ Ազգա­յին ժողո­վի նախա­գահ Դավիթ Իշխանյա­նը ԼՂՀ լուծարման մասին Սամվել Շահրա­մանյա­նի հրա­մա­նագրի մասին տեղե­կություն տարածվե­լուց հետո ապաստա­նել են Ռուսաստա­նի խաղա­ղա­պահ զորախմբի հրա­մա­նա­տա­րա­կան ավա­նում: Նրանք այնտեղ են մնա­ցել մինչեւ հոկտեմբե­րի 3‑ը: 

Մանրա­մասնություննե­րի մեջ խորա­նա­լու հարկ չկա: Միայն այն փաստը, որ աղե­տի օրե­րին Արցա­խի նախկին նախա­գահնե­րից երկուսը գտնվել են ռուսա­կան զորախմբի ավա­նում, իսկ Արա­յիկ Հարությունյա­նը՝ իր մասնա­վոր ձեռնարկությունում, վկա­յում է, որ ադրբե­ջա­նա­կան հարձա­կումը ամե­նից առաջ կոտրել է Արցա­խի ղեկա­վա­րության քաղա­քա­կան կամքը: 

Վահրամ Աթա­նեսյան

Վերջին մասը հաջորդիվ