Լեգի­տիմ Եվ Թափանցիկ Ընտրություններ

Հասա­րա­կությունը բավա­կա­նա­չափ կրթված և տեղե­կացված է՝ տարբե­րե­լու իրա­կան փաստե­րը քարոզչությունից։

Ռուբեն Ռուբինյան

Պետրոս Ղազարյա­նը զրուցել է ԱԺ նախա­գա­հի տեղա­կալ‘ Ռուբեն Ռուբինյա­նի հետ։ Զրույցի ընթացքում Ռուբինյա­նը մեկնա­բա­նում է հետընտրա­կան իրա­վի­ճա­կը՝ պնդե­լով, որ տեղի են ունե­ցել բացա­ռա­պես ազատ և արդար ընտրություններ, որոնց արդյունքնե­րը արտա­ցո­լում են ժողովրդի իրա­կան կամքը: Նա կտրուկ հերքում է ընդդի­մության մեղադրանքնե­րը զանգվա­ծա­յին կեղծիքնե­րի վերա­բերյալ՝ դրանք որա­կե­լով որպես հնա­րո­վի փաստեր և քաղա­քա­կան շահարկումներ, որոնք նպա­տակ ունեն մոլո­րեցնել հանրությա­նը: Խոսե­լով ապա­գա անե­լիքնե­րի մասին՝ Ռուբինյա­նը շեշտում է քաղա­քա­կան դաշտի առողջացման անհրա­ժեշտությունը և ընդգծում, որ իշխա­նությունը պատրաստ է ստանձնել պատասխա­նատվությունը՝ ապա­հո­վե­լու երկրի կայունությունն ու օրենքի գերա­կա­յությունը: Նա  հաստա­տում է գործող իշխա­նության լեգի­տի­մությունը և նշում է, որ ժողովրդա­վա­րա­կան գործընթացնե­րը Հայաստա­նում անդառնա­լի են՝ անկախ ընդդի­մա­դիր ուժե­րի դիմադրությունից։

Ռուբեն Ռուբինյա­նը, անդրա­դառնա­լով ընդդի­մության կողմից հնչեցվող ընտրա­կեղծիքնե­րի մեղադրանքնե­րին, ասաց, որ դրանք սուտ են և փաստե­րով չեն հիմնա­վորվում։ Նա նշեց, որ ընտրություննե­րի ժամա­նակ հնա­րա­վոր են լինում փոքր տեխնի­կա­կան անճշտություններ, ինչի համար էլ նախ հրա­պա­րակվում են նախնա­կան, ապա՝ վերջնա­կան արդյունքնե­րը։ Ռուբինյա­նի դիտարկմամբ՝ ներկա­յացված որոշ արձա­նագրություննե­րում առկա սխալնե­րը չեն վկա­յում կեղծիքնե­րի մասին, իսկ դրանց ուղղման արդյունքում նույնիսկ իրենց քաղա­քա­կան ուժն է ավե­լի շատ ձայներ ստա­ցել, քան ընդդի­մությունը։

Ազգա­յին ժողո­վի նախա­գա­հի տեղա­կա­լը շեշտեց, որ ամե­նա­կարև­ո­րը ոչ թե քաղա­քա­կան ուժե­րի, այլ ժողովրդի գնա­հա­տա­կանն է ընտրություննե­րի նկատմամբ։ Նրա կարծի­քով՝ քաղա­քա­ցի­նե­րը գիտեն, թե ինչպես են քվեարկել, և հասկա­նում են, որ ընտրություններն ազատ, արդար ու թափանցիկ են եղել։ Ռուբինյա­նը նաև ընդգծեց, որ միջազգա­յին դիտորդնե­րի գնա­հա­տա­կաններն էլ հաստա­տում են այդ հանգա­մանքը։

Նա պնդեց, որ ընդդի­մության հետ փաստարկված բանա­վեճ վարե­լը դժվար է, քանի որ, ըստ նրա, ընդդի­մա­դիր ուժե­րը ոչ թե իրա­կան փաստեր են ներկա­յացնում, այլ հորի­նում են դրանք։ Ռուբինյա­նի խոսքով՝ նախընտրա­կան շրջա­նում շրջա­նառված բազմա­թիվ հայտա­րա­րություններ, այդ թվում՝ ադրբե­ջանցի­նե­րի զանգվա­ծա­յին ներհոսքի վերա­բերյալ կանխա­տե­սումնե­րը, իրա­կա­նության հետ որևէ կապ չեն ունե­ցել։

Խոսե­լով ընտրա­կա­շառքի վերա­բերյալ քրեա­կան գործե­րից՝ Ռուբինյա­նը նշեց, որ ձերբա­կալված անձինք պատա­հա­կան մարդիկ չեն եղել, այլ այն անձինք, որոնք, ըստ իրա­վա­պահնե­րի, ներգրավված են եղել ընտրա­կա­շառքի բաժանման գործընթա­ցում։ Նա ասաց, որ հրա­պա­րակված ձայնագրություննե­րում հստակ քննարկվում է գումարնե­րի բաժա­նումը և ընտրողնե­րի վրա ազդե­ցություն գործադրե­լու փորձե­րը։

Անդրա­դառնա­լով այն հարցին, թե քաղա­քա­կան առումով իրենց համար ցանկա­լի՞ է, որ «Բարգա­վաճ Հայաստան»-ը անցնի խորհրդա­րան, թե ոչ, Ռուբինյա­նը պատասխա­նեց, որ իրենց համար կարև­որ չէ որևէ ուժի‘ խորհրդա­րան մտնել կամ չմտնե­լը։ Նրա խոսքով՝ կարև­որ է միայն, որ վերջնա­կան արդյունքնե­րը լիո­վին համա­պա­տասխա­նեն ժողովրդի կամքին, և եթե վերա­հաշվարկնե­րից հետո պարզվի, որ որևէ ուժ պետք է ներկա­յացված լինի խորհրդա­րա­նում, ապա այդպես էլ պետք է լինի։

Ռուբեն Ռուբինյա­նը մեկնա­բա­նեց նաև Գագիկ Ծառուկյա­նի նկատմամբ հանրա­յին քրեա­կան հետապնդման գործընթա­ցը՝ նշե­լով, որ դա քաղա­քա­կան հետապնդում չէ։ Նրա կարծի­քով՝ եթե իրա­վա­պահ մարմիննե­րը մեղադրանքներ են առա­ջադրում հարկե­րից խուսա­փե­լու կամ այլ իրա­վա­խախտումնե­րի համար, ապա դրանք պետք է դիտարկվեն իրա­վա­կան, այլ ոչ քաղա­քա­կան հարթությունում։ Նա նաև տարա­կուսանք հայտնեց այն փաստի առնչությամբ, որ Ծառուկյա­նը, նախկի­նում հայտա­րա­րե­լով, թե ընտրություննե­րից հետո վերա­դառնա­լու է, ինքն է փորձել հեռա­նալ երկրից։

Ռուբինյա­նը հաստա­տեց, որ իրենց քաղա­քա­կան ուժը խորհրդա­րա­նում ունե­նա­լու է մեծա­մասնություն, թեև ոչ սահմա­նադրա­կան մեծա­մասնություն։ Նա նշեց, որ դա չի խոչընդո­տե­լու կառա­վա­րության և խորհրդա­րա­նի բնա­կա­նոն աշխա­տանքին, քանի որ իշխա­նությունը ձևա­վորվե­լու է և գործե­լու է սովո­րա­կան կարգով։

Ազգա­յին ժողո­վի նախա­գա­հի տեղա­կա­լը հիշեցրեց, որ գործող խորհրդա­րա­նը շարունա­կե­լու է իր լիա­զո­րություննե­րը մինչև նոր գումարման խորհրդա­րա­նի առա­ջին նիստը, և մինչև այդ դեռ նախա­տեսված է հերթա­կան քառօրյա նիստը։

Խոսե­լով ապա­գա խորհրդա­րա­նի աշխա­տանքի և ընդդի­մության հետ հարա­բե­րություննե­րի մասին՝ Ռուբինյա­նը նշեց, որ իրենց համար ևս հաճե­լի չէ ունե­նալ այնպի­սի ընդդի­մություն, ինչպի­սին ներկա­յում կա։ Նա կարծիք հայտնեց, որ քաղա­քա­կան դաշտի առողջացման համար անհրա­ժեշտ է, որպեսզի նախկին իշխա­նություննե­րի հետ կապված ուժե­րը պատասխա­նատվություն կրեն իրենց գործո­ղություննե­րի համար։ Նրա համոզմամբ՝ դա միակ ճանա­պարհն է քաղա­քա­կան համա­կարգի վերա­կանգնման և առողջացման համար։

Ռուբինյա­նը նաև հայտա­րա­րեց, որ եթե ընդդի­մությունը որո­շի չվերցնել մանդատնե­րը և չմասնակցել խորհրդա­րա­նի աշխա­տանքնե­րին, ապա իշխա­նությունը դրա­նից խնդիր չի տեսնում։ Ընդհա­կա­ռա­կը, նա նույնիսկ կոչ արեց ընդդի­մությա­նը չմտնել խորհրդա­րան, եթե այդ ուժե­րը համոզված են իրենց հայտա­րա­րություննե­րի ճշմարտա­ցիության մեջ։ Նրա կարծի­քով՝ խորհրդա­րա­նի լեգի­տի­մությունը դրա­նից չի տուժի։

Խոսե­լով հնա­րա­վոր փողո­ցա­յին պայքա­րի մասին՝ Ռուբինյա­նը նշեց, որ իշխա­նությունը նման հեռանկա­րից չի վախե­նում, քանի որ, ըստ նրա, փողո­ցա­յին շարժումնե­րը հաջո­ղության են հասնում միայն այն դեպքում, երբ ընտրություննե­րի արդյունքնե­րի նկատմամբ հանրության շրջա­նում կա անարդա­րության զգա­ցում։ Նրա համոզմամբ՝ այս ընտրություննե­րից հետո նման զգա­ցում գոյություն չունի։

Անդրա­դառնա­լով Ռուսաստա­նի արձա­գանքին՝ Ռուբինյա­նը նշեց, որ չի ցանկա­նում գնա­հա­տել առանձին հայտա­րա­րություննե­րը, սակայն ընդգծեց, որ Հայաստա­նի իշխա­նություննե­րը նպա­տա­կադրված են պահպա­նել նորմալ հարա­բե­րություններ Ռուսաստա­նի հետ։ Նա վստա­հություն հայտնեց, որ առա­ջա­ցող խնդիրնե­րը հնա­րա­վոր կլի­նի լուծել երկխո­սության միջո­ցով։

Խոսե­լով ապա­գա օրենսդրա­կան նախա­ձեռնություննե­րի մասին՝ Ռուբինյա­նը նշեց, որ իրենց ռազմա­վա­րա­կան տեսլա­կա­նը ներկա­յացված է նախընտրա­կան ծրագրում, սակայն ընտրություննե­րից ընդա­մե­նը մի քանի օր անց դեռ վաղ է խոսել կոնկրետ օրենսդրա­կան նախա­ձեռնություննե­րի մասին։ Նրա խոսքով՝ անհրա­ժեշտ է ժամա­նակ հատկացնել հետա­գա քայլե­րի մանրա­մասն մշակմա­նը։

Ազգա­յին ժողո­վի նախա­գա­հի տեղա­կա­լը քննա­դա­տեց նաև տարբեր սոցիո­լո­գիա­կան հարցումնե­րի և ընդդի­մա­դիր կանխա­տե­սումնե­րի հեղի­նակնե­րին՝ նշե­լով, որ վերջին տարի­նե­րին նրանք բազմիցս սխալվել են իրենց կանխա­տե­սումնե­րում։ Նա կարծիք հայտնեց, որ հասա­րա­կությունը պետք է արդեն տարբե­րի իրա­կան վերլուծությունն ու քաղա­քա­կան քարոզչությունը։

Անդրա­դառնա­լով ընտրություննե­րի արդյունքնե­րի վաղ հրա­պա­րակմա­նը՝ Ռուբինյա­նը նշեց, որ այդ պահին բոլոր քաղա­քա­կան ուժերն արդեն ունե­ցել են իրենց վստահված անձանցից ստացված տվյալնե­րը, որոնց հիման վրա պարզ էր դարձել ընդհա­նուր պատկե­րը։ Նա ընդգծեց, որ նման գործե­լաո­ճը ընդունված է բազմա­թիվ երկրնե­րում և որևէ ճնշում չի պարունա­կում ընտրա­կան մարմիննե­րի նկատմամբ։

Խոսե­լով Երև­ա­նի ընտրա­կան արդյունքնե­րի մասին՝ Ռուբինյա­նը դրանք կապեց իշխա­նության իրա­կա­նացրած աշխա­տանքի հետ։ Նրա գնա­հատմամբ՝ մայրա­քա­ղա­քի բնա­կիչնե­րը տեսել են հանրա­յին տրանսպորտի, ենթա­կա­ռուցվածքնե­րի և այլ ոլորտնե­րում կատարված փոփո­խություննե­րը, ինչպես նաև քաղա­քա­կան մակարդա­կում ավե­լի շատ քաղա­քա­ցի­ներ են համոզվել կառա­վա­րության առա­ջարկած քաղա­քա­կա­նության արդյունա­վե­տության մեջ։

Նա նշեց, որ հասա­րա­կությունը բավա­կա­նա­չափ կրթված և տեղե­կացված է՝ տարբե­րե­լու իրա­կան փաստե­րը քարոզչությունից։ Ռուբինյա­նի խոսքով՝ բազմա­թիվ աղմկա­հա­րույց կանխա­տե­սումներ, որոնք արվել էին ընդդի­մության կողմից, չեն իրա­կա­նա­ցել, և քաղա­քա­ցի­նե­րը համա­պա­տասխան քաղա­քա­կան գնա­հա­տա­կան են տվել այդ հայտա­րա­րություննե­րին։

Ռուբինյա­նը շնորհա­վո­րեց քաղա­քա­ցի­նե­րին հերթա­կան ազատ և արդար ընտրություննե­րի անցկացման կապակցությամբ։ Նա նաև նշեց, որ ընտրություննե­րի արդյունքնե­րով, իր համոզմամբ, պաշտպանվել են Հայաստա­նի խաղա­ղությունը, անկա­խությունը և ինքնիշխա­նությունը։

Վերջում Ռուբինյա­նը կարծիք հայտնեց, որ այն քաղա­քա­կան գործիչներն ու ուժե­րը, որոնք, իր բնո­րոշմամբ, իրենց գործունեությունը կապել էին օլի­գարխիկ շրջա­նակնե­րի հետ, բնա­կա­նո­րեն արժա­նա­ցել են ընտրողնե­րի բացա­սա­կան գնա­հա­տա­կա­նին։

Հարցազրույցն ամբողջությամբ‘