Ղարա­բա­ղը Հանձնվել Է» Նախա­գա­հա­կան Վերջին Ընտրություննե­րի Ապա­լե­գի­տացմամբ

Չճա­նաչված երկրի համար դա ներքին համա­կարգի փլուզվա­ծության հրա­պա­րա­կայնա­ցում էր, որից նրա թշնա­մի­նե­րը չօգտվել չէին կարող։«Ղարաբաղը հանձնվել է» նախա­գա­հա­կան վերջին ընտրություննե­րի ապա­լե­գի­տացմամբ։

Վահրամ Աթա­նեսյան

«Ազգա­յին անվտանգության վարչության նախկին պետ Դավիթ Շահնա­զարյա­նը «Նոյան տապա­նին» հարցազրույցում ասել է, որ Ռուսաստա­նը «հանձնել է Ղարա­բա­ղը, աջակցել էթնիկ զտումնե­րին» եւ ունի «Սյունի­քը Հայաստա­նից օտա­րե­լու խարդախ ծրա­գիր, որ արդեն իրա­կան սպառնա­լիք է»։

Կուզե­նա­յի նրան հիշեցնել ավե­լի քան վեցամյա վաղե­մություն մի դեպք։

ԼՂՀ նախա­գա­հի ընտրություննե­րի քարո­զարշա­վի օրե­րից մեկն էր, ամսա­թի­վը կոնկրետ չեմ հիշում։ Երեւա­նից նախկին պաշտոնյա­ներ էին Ստե­փա­նա­կերտ այցե­լում։ Իմա­ցա, որ Դավիթ Շահնա­զարյա­նը, ինչպես ստե­փա­նա­կերտցի­ներն են ասում՝ «քաղա­քում է»։

Զանգե­ցի եւ խնդրե­ցի, որ Սերժ Սարգսյա­նին փոխանցի խնդրանքս․ հաշվի առնել առկա ծանրա­գույն իրա­վի­ճա­կը եւ չաջակցել Վիտա­լի Բալա­սանյա­նին, որպեսզի Արա­յիկ Հարությունյա­նը մեկ փուլի քվեարկությամբ հաղթի եւ կարո­ղա­նա ուժեղ կառա­վա­րություն ձեւա­վո­րել։

Նա ինձ ուշա­դիր լսեց, բայց պատասխա­նեց, որ իմ «փոստա­տա­րը չէ»։

Նրա իրա­վունքն էր՝ դեմ լինել Նիկոլ Փաշինյա­նին։ Բայց որպես իրա­զեկված եւ վերլուծա­բա­նի տաղանդ ունե­ցող անձ, պետք է իմա­նար, որ «Ղարա­բա­ղի հանձնումը սկսված է» եւ եթե կանխե­լու որեւէ հնա­րա­վո­րություն կա, ապա մեկն է՝ միջազգա­յին հանրությա­նը հզոր ազդակ հղել, որ Ստե­փա­նա­կերտում կա պատասխա­նա­տու էլի­տա։

Արա­յիկ Հարությունյա­նը, ինչ խոսք, այդ դերի լավա­գույն թեկնա­ծուն չէ, բայց այդ պահին միակն էր, որ կարող էր հանրա­յին համախմբում ապա­հո­վել։

Ցավոք, այդ ռեսուրսը մսխվեց, երբ փաստա­ցի հիսուն հազար ընտրող ունե­ցող ԼՂՀ-ում քվեարկվեց նախա­գա­հի ավե­լի քան տասը թեկնա­ծու։ 

Չճա­նաչված երկրի համար դա ներքին համա­կարգի փլուզվա­ծության հրա­պա­րա­կայնա­ցում էր, որից նրա թշնա­մի­նե­րը չօգտվել չէին կարող։

«Ղարա­բա­ղը հանձնվել է» նախա­գա­հա­կան վերջին ընտրություննե­րի ապա­լե­գի­տացմամբ։

Վահրամ Աթա­նեսյան