Սպասվում Է Թույլ Ու Պառակտված ԱԺ

Եթե նրանք հինգ տարվա ընթացքում ակտիվ մասնակցեին խորհրդա­րա­նա­կան աշխա­տանքին, ներկա­յացնեին բովանդա­կա­յին առա­ջարկներ և մշտա­պես աշխա­տեին ընտրողնե­րի հետ, ապա կարող էին զգա­լիո­րեն ավե­լի բարձր արդյունք գրանցել ընտրություննե­րում։ 

Գեղամ Նազարյան

Պետրոս Ղազարյա­նը զրուցել է ԱԺ անկախ պատգա­մա­վոր Գեղամ Նազարյա­նի հետ։ Զրույցի ընթացքում Գեղամ Նազարյանն ամփո­փում է խորհրդա­րա­նի անցած ուղին և քննա­դա­տա­կան հայացք նետում քաղա­քա­կան նոր իրո­ղություննե­րին: Նա բացա­սա­կան կանխա­տե­սումներ է անում ապա­գա օրենսդիր մարմնի որա­կի վերա­բերյալ՝ շեշտե­լով, որ ընդդի­մա­դիր դաշտի թուլությունն ու ինտե­լեկտուալ ցածր մակարդա­կը ողջ պատասխա­նատվությունը թողնե­լու են կառա­վա­րող ուժի ուսե­րին: Նազարյա­նըխստո­րեն դատա­պարտում է ընդդի­մա­դիրնե­րի պոպուլիստա­կան վարքա­գիծն ու կեղծ հայրե­նա­սի­րությունը, պնդե­լով, որ նրանք իրա­կա­նում խուսա­փում են աշխա­տանքից, սակայն կառչած են մնում պատգա­մա­վո­րա­կան մանդատնե­րից ու արտո­նություննե­րից: Զրույցի առանցքա­յին միտքը պետա­կա­նության ամրապնդման և միջազգայնո­րեն ճանաչված սահմաննե­րի հետ հաշտվե­լու անհրա­ժեշտությունն է՝ որպես ապա­գա զարգացման միակ իրա­տե­սա­կան ճանա­պարհ:

Գեղամ Նազարյա­նը գնա­հա­տեց ավարտվող խորհրդա­րա­նի աշխա­տանքը՝ նշե­լով, որ ընդհա­նուր առմամբ այն արժա­նի է 17 միա­վո­րի։ Նա ասաց, որ գնա­հա­տա­կա­նը տրվում է հաշվի առնե­լով այն չափա­զանց բարդ պայմաննե­րը, որոնցում գործել է խորհրդա­րա­նը՝ Հայաստա­նի սահմաննե­րի նկատմամբ պարբե­րա­կան հարձա­կումնե­րը, Արցա­խի կորուստը, ներքա­ղա­քա­կան լարվա­ծությունը և անվտանգության խնդիրնե­րը։ Միա­ժա­մա­նակ նշեց, որ միա­վորներ է հանել այն պատգա­մա­վորնե­րի և խմբակցություննե­րի պատճա­ռով, որոնք, իր խոսքով, չեն կատա­րել իրենց աշխա­տանքը, չեն մասնակցել նիստե­րին, սակայն շարունա­կել են աշխա­տա­վարձ ստա­նալ։

Գեղամ Նազարյա­նի կարծի­քով՝ հաջորդ խորհրդա­րա­նը լինե­լու է ավե­լի թույլ, քան գործո­ղը։ Նա դիտարկեց, որ ընդդի­մա­դիր ուժե­րի ներկա­յիս կազմն ու որա­կը թույլ են տալիս ենթադրել, որ խորհրդա­րա­նա­կան աշխա­տանքի հիմնա­կան ծանրա­բեռնվա­ծությունը մնա­լու է իշխա­նա­կան մեծա­մասնության վրա։ Նազարյա­նը նշեց, որ որոշ ընդդի­մա­դիր ուժեր վատնել են իրենց քաղա­քա­կան ռեսուրսը՝ հինգ տարվա ընթացքում չկա­րո­ղա­նա­լով արդյունա­վետ աշխա­տել և համո­զել ընտրողնե­րին։

Պատգա­մա­վո­րը անդրա­դարձավ նաև իր՝ ընդդի­մությունից հեռա­նա­լու վերա­բերյալ քննա­դա­տություննե­րին։ Նրա խոսքով՝ ինքն է իր աշխա­տանքը կատա­րել, մինչդեռ նախկին գործընկերներն են հրա­ժարվել իրենց պարտա­կա­նություննե­րից։ Նա հիշեցրեց, որ նախկի­նում պահանջվում էր վարչա­պե­տի հրա­ժա­րա­կա­նը, սակայն, ըստ նրա, այդ պահանջնե­րի արդյունքը չի արդա­րացրել սպա­սումնե­րը։ 

Պատգա­մա­վո­րը կասկա­ծի տակ դրեց ընտրություննե­րի կեղծման մասին հայտա­րա­րություննե­րը։ Գեղամ Նազարյա­նը նշեց, որ ընդդի­մա­դիր շրջա­նակնե­րը նույնիսկ կառա­վա­րության սոցիա­լա­կան ծրագրե­րը, կենսա­թո­շակնե­րի բարձրա­ցումը, դպրոցնե­րի և հիվանդա­նոցնե­րի կառուցումը, առողջա­պա­հա­կան ծրագրե­րը կամ խաղա­ղության օրա­կարգը ներկա­յացնում են որպես ընտրա­կա­շառք։ Նրա կարծի­քով՝ նման մոտե­ցումնե­րը քաղա­քա­կան լուրջ վերլուծության չեն դիմա­նում։

Նազարյա­նը հիշեցրեց նաև սահմա­նա­մերձ բնա­կա­վայրե­րի բնա­կա­րա­նա­շի­նության ծրագրի մասին՝ նշե­լով, որ այդ ծրագրի հեղի­նակնե­րից մեկն ինքն է եղել դեռևս այն ժամա­նակ, երբ ընդդի­մա­դիր պատգա­մա­վոր էր։ Նրա խոսքով՝ ծրա­գի­րը ներկա­յացվել է կառա­վա­րությա­նը ոչ թե քաղա­քա­կան հաշվարկնե­րով, այլ երկրի զարգացման նպա­տա­կով, և կառա­վա­րությունը այն ընդունել է՝ գնա­հա­տե­լով դրա օգտա­կա­րությունը։

Անդրա­դառնա­լով նախկին ընդդի­մա­դիր գործընկերնե­րի գործունեությա­նը՝ Գեղամ Նազարյա­նը նշեց, որ եթե նրանք հինգ տարվա ընթացքում ակտիվ մասնակցեին խորհրդա­րա­նա­կան աշխա­տանքին, ներկա­յացնեին բովանդա­կա­յին առա­ջարկներ և մշտա­պես աշխա­տեին ընտրողնե­րի հետ, ապա կարող էին զգա­լիո­րեն ավե­լի բարձր արդյունք գրանցել ընտրություննե­րում։ Նրա գնա­հատմամբ՝ հասա­րա­կության մի մասի մոտ ձևա­վորվել էր տպա­վո­րություն, թե այդ ուժե­րը չեն համա­կերպվում խաղա­ղության օրա­կարգի հետ և մշտա­պես պահպա­նում են լարվա­ծության մթնո­լորտը։

Նազարյա­նը ուշադրություն հրա­վի­րեց այն հանգա­մանքի վրա, որ ընտրարշա­վի ընթացքում գրե­թե ոչ մի քաղա­քա­կան ուժ չի խոսել Արցա­խի կարգա­վի­ճա­կի մասին։ Նրա խոսքով՝ քննարկվել է միայն վերա­դարձի հարցը, այն էլ՝ բավա­կա­նին անո­րոշ ձևա­կերպումնե­րով։

Խոսե­լով Արցա­խի խորհրդա­նիշնե­րի օգտա­գործման մասին՝ պատգա­մա­վո­րը նշեց, որ անձամբ իրեն ավե­լի մեծ բարո­յա­կան իրա­վունք է վերա­պա­հում այդ դրո­շը բարձրացնե­լու համար, քանի որ իր որդին զոհվել է Արցա­խի Հանրա­պե­տությունում։ Միա­ժա­մա­նակ նա քննա­դա­տեց այն քաղա­քա­կան գործիչնե­րին, որոնք, իր կարծի­քով, օգտա­գործում են Արցա­խի թեման՝ քաղա­քա­կան նպա­տակնե­րով և ցավ պատճա­ռում տեղա­հանված մարդկանց՝ առանց իրա­կան լուծումներ առա­ջարկե­լու։

Գեղամ Նազարյա­նը շեշտեց, որ Հայաստա­նի առջև ծառա­ցած հիմնա­կան խնդի­րը գործող պետության ամրապնդումն է։ Նա նշեց, որ իր պայքա­րի նպա­տակն այն Հայաստանն է, որտեղ տարի­ներ անց հերոսնե­րի ծնողնե­րը կկա­րո­ղա­նան ասել, որ իրենց երե­խա­նե­րի զոհո­ղությունն իմաստա­վորվել է ուժեղ ու զարգա­ցած պետության ստեղծմամբ։

Ազգա­յին ժողո­վի պատգա­մա­վո­րը նաև քննա­դա­տեց արտերկրից քաղա­քա­կան դաշտ մտնող գործիչնե­րին՝ նշե­լով, որ Հայաստա­նի քաղա­քա­կան առաջնորդ լինե­լու համար անհրա­ժեշտ է լավ ճանա­չել երկի­րը, հասա­րա­կությունը և լեզուն։ Նրա կարծի­քով՝ ընտրողնե­րը վերջի­վերջո նախընտրե­ցին իրենց համար ավե­լի հասկա­նա­լի և սոցիա­լա­պես մոտ մարդկանց։

Գեղամ Նազարյա­նը վստա­հություն հայտնեց, որ ընդդի­մա­դիր ուժե­րը, որոնք այժմ կոշտ հայտա­րա­րություններ են անում, ի վերջո կընդունեն իրենց մանդատնե­րը և կմտնեն խորհրդա­րան։ Նրա գնա­հատմամբ՝ նրանք տարբեր հիմնա­վո­րումներ կներկա­յացնեն այդ որոշման համար, սակայն վերջնա­կան արդյունքում կօգտվեն պատգա­մա­վո­րա­կան լիա­զո­րություննե­րից։

Անդրա­դառնա­լով ընդդի­մության միա­վորման մասին հայտա­րա­րություննե­րին՝ Նազարյա­նը նշեց, որ իրա­կան միա­վո­րում դեռևս չի տեսնում։ Նրա խոսքով՝ միա­վորման մասին կարե­լի է խոսել միայն այն դեպքում, երբ ուժե­րը հանդես գան միասնա­կան քաղա­քա­կան կառույցով և ունե­նան ընդհա­նուր առաջնորդություն ու հստակ քաղա­քա­կան պատասխա­նատվություն։

Գեղամ Նազարյա­նը խոսեց նաև Լևոն Զուրաբյա­նի և այլ քաղա­քա­կան գործիչնե­րի մասին՝ նշե­լով, որ ընտրություննե­րի արդյունքնե­րը ցույց տվե­ցին հասա­րա­կության վերա­բերմունքը նրանց նկատմամբ։ Նա ընդգծեց, որ ընտրող քաղա­քա­ցին ինքնուրույն է գնա­հա­տում քաղա­քա­կան ուժե­րի վարքա­գիծն ու գործունեությունը և համա­պա­տասխան որո­շում կայացնում ընտրա­տե­ղա­մա­սում։

Ամփո­փե­լով՝ պատգա­մա­վո­րը նշեց, որ Հայաստա­նի ապա­գա­յի վերա­բերյալ իր պատկե­րա­ցումնե­րում ներկա­յիս ընդդի­մա­դիր մի շարք ուժեր էական ազդե­ցություն չեն ունե­նա­լու և մնա­լու են քաղա­քա­կան լուսանցքում։ Նրա կարծի­քով՝ հասա­րա­կությունն ավե­լի ու ավե­լի է գնա­հա­տում ոչ թե աղմկոտ հայտա­րա­րություննե­րը, այլ իրա­կան աշխա­տանքն ու կոնկրետ արդյունքնե­րը։

Հարցազրույցն ամբողջությամբ՝