Եվրոպացի դիվանագետների տվյալներով՝ Ուկրաինան մերժել է ԱՄՆ-ի առաջարկը։ Մեծ Բրիտանիայի, Ֆրանսիայի և Գերմանիայի հետ միասին, ուկրաինական կողմը ներկայացրել է այլընտրանքային պլան, որն փոխանցվել է Թրամփի հատուկ դեսպան Քիթ Քելլոգի միջոցով։
Axios-ը տեղեկացնում է, որ ուրբաթ օրը Սպիտակ տան հատուկ ներկայացուցիչ Սթիվ Ուիթքոֆը հանդիպում է ունեցել Ռուսաստանի նախագահ Վլադիմիր Պուտինի հետ Կրեմլում։
Սա արդեն Ուիթքոֆի և Պուտինի չորրորդ հանդիպումն է։ Այն տեղի է ունեցել ընդամենը մեկ օր անց այն բանից հետո, երբ Դոնալդ Թրամփը հրապարակայնորեն պահանջեց Ռուսաստանից դադարեցնել հրթիռային և անօդաչու հարվածները Ուկրաինայի վրա և կենտրոնանալ խաղաղ համաձայնագրի շուրջ բանակցությունների վրա։
«Վլադիմիր, ԲԱՎԱԿԱՆ Է։ Եկեք ԱՎԱՐՏԵՆՔ խաղաղ համաձայնագիրը», – հինգշաբթի գրել է Թրամփը իր Truth Social հարթակում։
Հանդիպմանը ներկա են եղել նաև Պուտինի խորհրդականները՝ Յուրի Ուշակովը և Կիրիլ Դմիտրիևը։ Թրամփը Ռուսաստանին և Ուկրաինային ներկայացրել է «վերջնական առաջարկ»՝ ռազմական հակամարտությունը ավարտելու վերաբերյալ։ Առաջարկը ներառում է ԱՄՆ-ի կողմից Ղրիմի թերակղզու՝ որպես Ռուսաստանի մաս ճանաչում և ոչ պաշտոնական ճանաչում Ռուսաստանի վերահսկողության՝ 2022 թ․ ներխուժումից հետո գրաված գրեթե բոլոր տարածքների նկատմամբ։
Եվրոպացի դիվանագետների տվյալներով՝ Ուկրաինան մերժել է ԱՄՆ-ի առաջարկը։ Մեծ Բրիտանիայի, Ֆրանսիայի և Գերմանիայի հետ միասին, ուկրաինական կողմը ներկայացրել է այլընտրանքային պլան, որն փոխանցվել է Թրամփի հատուկ դեսպան Քիթ Քելլոգի միջոցով։
TIME ամսագրին տված հարցազրույցում, որը հրապարակվել է ուրբաթ օրը, Թրամփը նշել է, որ, իր կարծիքով, Պուտինը կցանկանար գրավել ամբողջ Ուկրաինան, սակայն հենց իր դիվանագիտական ճնշումն է ստիպել Ռուսաստանի նախագահին վերադառնալ բանակցություններին։ Նա նաև պնդել է, որ Ուկրաինայի նախագահ Վլադիմիր Զելենսկին ցանկանում է կնքել խաղաղ համաձայնագիր.
«Մենք շատ մոտ ենք գործարքին», – հայտարարել է Թրամփը։
Հարցին՝ ինչպես է մեկնաբանում իր նախընտրական խոստումը՝ առաջին իսկ օրը դադարեցնել Ուկրաինայում պատերազմը, Թրամփը պատասխանել է. «Ես դա ասել եմ փոխաբերական իմաստով… որպես չափազանցություն՝ շեշտելու համար գաղափարը»։
Նա նաև հավելել է, որ Ուկրաինան «երբեք չի կարող անդամակցել ՆԱՏՕ-ին» և պնդել է, որ հենց ՆԱՏՕ-ին անդամակցելու խոսակցություններն են «պատերազմի մեկնարկի պատճառը»։ Բացի այդ, Թրամփը ընդգծել է. «Ղրիմը կմնա Ռուսաստանի կազմում։ Եվ, որքան հասկանում եմ, Զելենսկին էլ դա գիտակցում է»։
Գործնականում պայմանավորվածությունը դեռևս շատ հեռու է ավարտից՝ չնայած Թրամփի հայտարարություններին։
Զելենսկին վճռականորեն մերժել է Թրամփի առաջարկի հիմնական կետերը, ներառյալ Ղրիմի՝ որպես Ռուսաստանի մաս ճանաչումը։ Միևնույն ժամանակ, Ռուսաստանի ԱԳ նախարար Սերգեյ Լավրովը հայտարարել է, որ Մոսկվան պատրաստ է համաձայնագրի կնքմանը, եթե առանձին տարրեր «վերամշակվեն»։
Աղբյուրը՝
https://www.axios.com/2025/04/24/trump-putin-stop-attack-kiev