Եթե առաջ ԱԺ-ում բերում էին պատգամավոր դարձնում հանցագործների, որոնք պիտի պաշտպանեին իրենց, ապա այսօր ում ասես բերել լցրել են: Ստեղծվել է մի խավ, որ սկզբունքորեն չի կարող հասկանալ ԱԺ ասվածի նշանակությունն ու իմաստը և բնականաբար նրանցից պետք չէ սպասել որևէ պետականամետ գործունեություն:
Հակոբ Մովսես
1inAM-ի հյուրն է բանաստեղծ, թարգմանիչ, մշակույթի նախկին նախարար, ՀՌՀ անդամ Հակոբ Մովսեսը:
Զրույցի ընթացքում անդրադարձ է կատարվել ՀՀ ներքին դրությանը: Շոշափվել է այս օրերին ՀՀ ԱԱԾ նախկին պետ Արթուր Վանեցյանի կողմից Ազատության հրապարակում կազմակերպված բողոքի ցույցերը: Ինչպես պնդում են ակցիայի մասնակիցները, դա արվում է հանուն Արցախի, որ Արցախը մնա հայկական:
Հակոբ Մովսեսը հարց տվեց, թե ինչպես կարող է նախկին ԱԱԾ-ականների խումբը խոսել անկախության կամ ինքնիշխանության, կամ նման որևէ հարցի մասին, երբ նախկինում իրենք են ամեն կերպ օժանդակել ու նպաստել նախկին ռեժիմների պետականաքանդ երևույթներին:
Հակոբ Մովսեսը ասաց, որ այն ընդդիմությունը, որ հիմա ունենք ԱԺ-ում, ոչ թե ընդդիմություն է այլ նախկին նախագահ Ռոբերտ Քոչարյանի «ախրանա»՝ թիկնազոր: Նաև խորհուրդ տվեց, որ ամեն անգամ նրանց ԱԺ մուտք գործելիս, նրանց բոլորին ուշադիր զննեն, քանի որ շատ հավանական է, որ նրանք իրենց հետ զենք ունենան:
Հակոբ Մովսեսը հիշեցրեց, որ եթե առաջ ԱԺ-ում բերում էին պատգամավոր դարձնում հանցագործների, որոնք պիտի պաշտպանեին իրենց, ապա այսօր ում ասես բերել լցրել են: Ստեղծվել է մի խավ, որ սկզբունքորեն չի կարող հասկանալ ԱԺ ասվածի նշանակությունն ու իմաստը և բնականաբար նրանցից պետք չէ սպասել որևէ պետականամետ գործունեություն:
Հակոբ Մովսեսը անդրադարձավ այն բանին, որ երկրում տիրող այս խառը մթնոլորտի օրերին երկրորդ հոկտեմբերի 27-ի վտանգ կա, քանի որ ներկայիս ընդդիմություն կոչվածի ղեկավարությունը մեկ անգամ արդեն արել է նման բան(խոսքը գնում է 1999թ. հոկտեմբերի 27-ի մասին, երբ մի խումբ զինված անձինք մուտք գործեցին ԱԺ և գնդակահարեցին մի շարք պաշտոնյաների): Իսկ դրա վտանգն իրոք կա, հաշվի առնելով, թե ովքեր են այսօր ընդդիմություն խաղում: Այդ մարդիկ փչացնում են ընդդիմություն ինստիտուտը:
Հակոբ Մովսեսը այնուհետև ասաց, որ ցանկացած ժողովուրդ ապրելու երեք սկզբունք պիտի ունենա՝ պատմական, դիվանագիտական և քաղաքական: Պատմականն այն է, որ ժողովուրդը չկտրվի իր պատմությունից, իր անցյալից և հիշի ինքն ով է, դիվանագիտական, որպեսզի չկորցնի ներկայի, իրականության զգացումը և քաղաքական, որպեսզի զգա և կարողանա հասկանալ ապագան և ապագայից չկտրվի: Եթե պատմականը շատից քչից կա, և ժողովուրդն իր էությամբ զգում ու հասկանում է, ապա մեծ բացթողումներ կան մյուս երկու սկզբուքների առումով:
Արցախի մասին Հակոբ Մովսեսն ասաց, որ ամենից կարևորն այն է, որ Արցախը հայկական մնա ժողովրդագրական առումով: Նա ափսոսանք հայտնեց, որ անցած տարիների ընթացքում այնպես չեն արել նախկին իշխանությունները, որ Արցախում 120 հազար մարդու փոխարեն գոնե չորս հարյուր հազար մարդ ապրեր: Այդ դեպքում թե՛ Արցախի ճակատագիրը, թե՛ այսօր Հայաստանի ներկան ուրիշ կլինեին:
Հակոբ Մովսեսը նաև ասաց, որ Արցախի հարցով ամեն ինչից բացի նաև կան միջազգային իրավունքի դրույթներ, որոնք պարզապես անհնար է չտեսնելը:
Մենք կարիք ունենք պատմության էության ընկալման:
Հարցազրույցն ամբողջությամբ՝