Չկա հասարակական լայն աջակցություն և չի էլ կարող լինել, քանի որ հասարակությունն ինքն էլ լավ է հասկանում, թե ով ով է, ինչը ինչ համար է կատարվում:
Հովսեփ Խուրշուդյան
1inAM-ի հյուրն է «Ազատ քաղաքացի» ՀԿ նախագահ Հովսեփ Խուրշուդյանը:
Հաղորդման սկզբում անդրադարձ արվեց այն բանին, թե ինչ է ընդհանրապես կատարվում ՀՀ ներքաղաքական դաշտում և ինչ ակնկալել ընդդիմության պահվածքից:
Հովսեփ Խուրշուդյանն ընդահնուր առմամաբ նշեց, որ այն ինչ ցանկանում են ընդդիմության գլխավոր, իրական ներկայացուցիչները, կարելի է համարել ՀՀ պետականության ավերումը, քանի որ նրանք գիտեն, որ ուրիշ ճանապարհով երբեք չեն կարող իշխանության հասնել: Այդ իսկ պատճառով էլ ամեն կերպ փորձում են որևէ սադրանքներ հրահրել:, Արցախի դրոշն են հանում կախում ուր պատահի: Արցախի դրոշը պետք էր կախել Շուշիում, ոչ թե ԱԺ-ում կամ այլ պետական հաստատությունների պատերից: ՀՀ-ն ունի իր դրոշը և որևէ փոխարինիչի անհրաժեշտություն այդ առումով չկա: Նրանք պարզապես փորձում են Արցախի անունով առաջ գալ և հանդես գալ որ պես ռուսական գուբեռնիայի(նահանգ) կառավարիչներ:
Հովսեփ Խուրշուդյանը նշեց, որ այս պահին չկա հասարակական լայն աջակցություն և չի էլ կարող լինել, քանի որ հասարակությունն ինքն էլ լավ է հասկանում, թե ով ով է, ինչը ինչ համար է կատարվում:
Ինչ վերաբերում է ոստիկանության պահվածքին, ապա Հովսեփ Խուրշուդյանն ասաց, որ նրանք, ու իրավապահ համակարգն ընդհանրապես պիտի բավական աչալուրջ լինի ու որևէ սադրանքների չտրվի, քանի որ դա հենց ընդդիմության ուզածն է, բայց և չպիտի միայն դիտողի դերում հանդես գա և անհրաժեշտության դեպքում պիտի համաչափ պատասխան տա այն ամենին, ինչ կատարվում է:
Նրանք իհարկե փորձում են ամեն կերպ իրավիճակը սրել, քանի որ գիտեն, որ իրենց պատվիրատուների մոտ այդ ամենի տապալման հետևանքով իրենց էլ չեն խնայելու: Իրենք պատասխան են տալու ամեն ինչի համար և հավանական է, որ պատասխան տան նաև իրենց կյանքով:
Ընդիմությունը չունի և չի էլ կարող ունենալ այնքան լեգիտիմություն, ինչքան Նիկոլ Փաշինյանը, նշեց Հովսեփ Խուրշուդյանը՝ հավելելով, որ անկախ նրանից, թե ինչպես են վերաբերվում նրան: Ժողովուրդն է նրան ընտրել և Արցախի հարցում նա ունի այն իրավունքները, ինչը, որ չունեն հենց ընդդիմության ներկայացուցիչները, հենց նրանք, ովքեր որ իրենք են Արցախի հարցում ամեն ինչ բերել հասցրել այդ վիճակին:
Հովսեփ Խուրշուդյանը հավաստիացրեց, որ ընդդիմությունը Արցախի հարցով չի կարող և չի էլ պատրաստվում որևէ բան անել: Նրանց միակ ուզածն այն է, որ թիկունքից հարվածեն հայոց պետականությանը, այստեղ բերեն հաստատեն արտաքին կառավարում և իրենք էլ փոխարքայի կարգավիճակ ունենան:
Հովսեփ Խուրշուդյանն ավելացրեց նաև, որ ընդդիմության ներսում ևս կան տարաձայնություններ, մասնավորապես Սերժ Սարգսյանի և Ռոբերտ Քոչարյանի միջև՝ ինքնիշխանության հարցով:
Ամբողջական հարցազրույցը՝