PRO ARMENIA-ն հասարակական կազմակերպութիւն է:

Նկատի ունենալով Հայաստանի ռւ հայութեան դիմագրաւած բազում մարտահրաւէրները, ինչպէս նաեւ գրեթէ բոլոր ոլորտներուն մէջ աշխատանքի դաշտ ունենալու հնարաւորութիւնները, PRO ARMENIA-ն հանդէս կուգայ այս էջով իր կատարելիք աշխատանքներուն իրազեկ դարձնելու հայ հասարակութիւնը:
Անոր աշխատանքային ծիրը պիտի ընդգրկէ մասնաւորաբար Հայաստանի գիւղերու զարգացումը, ինչպէս դպրոցներու, մշակոյթի տուներու վերանորոգում, գիւղացիներուն անմիջական օժանդակութիւն անոնց կենսամակարդակը բարելաւելու, ի խնդիր գիւղերու զարգացման, որ հիմնաքարը կրնայ հանդիսանալ պետութեան հզօրացման: Մեր գերխնդիրը պիտի ըլլայ որ հայ մարդը իր արդար աշխատանքը ունենայ եւ այդ աշխատանքի արդիւնքը հաւասարապէս ծառայէ թէ իր եւ թէ հասարակութեան բարօրութեան:
Այս աշխատանքներուն զուգահեռ աշխատանք պիտի տարուի թէ գիւղերու եւ թէ քաղաքներու մէջ հասարակութեան դաստիարակման, զարգացման գծով եւ գիտակից ու գործունեայ քաղաքացի պատրաստութեան, առանց տարիքի եւ սեռի խտրութեան, մասնաւորաբար կեդրոնանալով կանանց եւ ուսանողութեան վրայ:
Պատրաստ ենք եւ պիտի համագործակցինք այլ հասարակական կազմակերպութիւններու հետ, որոնք աշխատանքային նմանօրինակ ծրագիրներ ունին:
Ինչպէս նշեցինք, այս էջով շարունակաբար պիտի տեղեկացնենք կատարելիք եւ կատարուած մեր գործունէութեան մասին, ըլլալով առաւելագոյն չափով թափանցիկ եւ հաշուետուութեան գիտակցութեամբ ներկայանալու մեր հայրենակիցներուն:
Սիրով պատրաստ ենք լսելու Ձեր առաջարկները եւ նկատողութիւնները եւ մեր կարելին պիտի ընենք կատարեալին հասնելու, ի շահ մեր հայրենիքի հզօրացման եւ մեր ժողովուրդի բարօրութեան:

Գրառումը՝ PRO ARMENIA-ի ֆեյսբուքյան էջից։