Կիմ Ջոն Ունգը Օգնո՞ւմ Է Թրամփին

Բալիստիկ Հրթի­ռի արձա­կումը, որը առա­ջինն է Հյուսի­սի համար վերջին 10 ամիսնե­րի ընթացքում, միայն կօգնի նրան, ով ժամա­նա­կին նրա նամա­կագրա­կան ընկերն էր եղել։

The Wall Street Journal․ Հյուսի­սա­յին Կորեան մի քանի օր առաջ ԱՄՆ‑ի ընտրություննե­րից արձա­կել է մայրցա­մա­քա­յին բալիստիկ հրթիռ

ԱՄՆ‑ի նախա­գա­հա­կան ընտրություննե­րից մի քանի օր առաջ Հյուսի­սա­յին Կորեան արձա­կել է մայրցա­մա­քա­յին բալիստիկ հրթիռ, որը մնա­ցել է օդում ավե­լի երկար, քան նախկի­նում արձակված որևէ հրթիռ Կիմ Ջոն Ունգի ռեժի­մի կողմից։ Փհենյա­նը ավանդա­բար զենքի փորձարկումներ կամ սադրանքներ է իրա­կա­նացնում՝ համա­ժա­մա­նա­կացնե­լով դրանք ԱՄՆ‑ի կարև­որ քաղա­քա­կան իրա­դարձություննե­րի կամ տոնե­րի հետ։ Անվտանգության փորձա­գետնե­րի կարծի­քով՝ այս կերպ նա փորձում է գրա­վել Վաշինգտո­նի ուշադրությունը։

Ավե­լի վաղ Հյուսի­սա­յին Կորեան արդեն ցուցադրել է հեռա­հար հրթիռներ, որոնք կարող են հասնել ԱՄՆ‑ի մայրցա­մա­քա­յին հատվա­ծին։ Այսօր արձակված ենթադրյալ ՄԲՀ‑ն թռել է ավե­լի քան 85 րոպե, ըստ Ճապո­նիա­յի պաշտպա­նության նախա­րա­րության։ Սա գերա­զանցել է Հյուսի­սա­յին Կորեա­յի նախորդ ռեկորդը՝ 74 րոպե։ Թռիչքի երկա­րությունը ցույց է տալիս ոչ միայն մեծ հեռա­վո­րություններ անցնե­լու, այլև մեծ բեռնա­տա­րո­ղությամբ թռչե­լու կարո­ղություն։ Կիմի զենքե­րի ռազմա­վա­րության հիմնա­կան նպա­տակնե­րից մեկն այն է, որ ունե­նա այնպի­սի հեռա­հար հրթիռ, որը կարող է կրել մի քանի միջուկա­յին մարտագլխիկներ։ Սա զգա­լիո­րեն կմե­ծացնի մեկ մարտագլխի­կի պատճա­ռած վնա­սը։

ԱՄՆ‑ի ընտրություննե­րի արդյունքը, որը տեղի կունե­նա երեքշաբթի, կարող է փոխել Վաշինգտո­նի քաղա­քա­կա­նությունը Կիմի ռեժի­մի հանդեպ, եթե հաղթի Դոնալդ Թրամփը։ Փհենյա­նը չի ընդունել Բայդե­նի վարչա­կազմի առա­ջարկնե­րը՝ հանդի­պե­լու առանց նախա­պայմաննե­րի, և Հյուսի­սա­յին Կորեա­յի բարձրաստի­ճան պաշտոնյա­նե­րը կասկա­ծում են, որ բանակցություննե­րը կբե­րեն նշա­նա­կա­լի արդյունքնե­րի։ Փոխնա­խա­գահ Քամա­լա Հարի­սը ակնարկել է, որ կշա­րունա­կի նմա­նա­տիպ մոտե­ցում։

Մինչդեռ Թրամփը՝ միակ ԱՄՆ գործող նախա­գա­հը, որը երբևէ հանդի­պել է Հյուսի­սա­յին Կորեա­յի առաջնորդի հետ, պարծե­ցել է իր սերտ հարա­բե­րություննե­րով Կիմի հետ, որոնք ներա­ռում էին հաճա­խա­կի նամա­կագրություն։ Հուլի­սին Հանրա­պե­տա­կան ազգա­յին կոնգրե­սում Թրամփը ասել էր իր կապի մասին 40-ամյա դիկտա­տո­րի հետ․ «Հիմա Հյուսի­սա­յին Կորեան նորից ոչ պատշաճ վարք է դրսև­ո­րում, բայց երբ մենք վերա­դառնանք, ես կլուծեմ հարցե­րը նրա հետ… Նա նույնպես կուզե­նա ինձ կրկին տեսնել։ Կարծում եմ, որ նա կարո­տում է ինձ»։

Վիդրո Վիլսո­նի միջազգա­յին գիտա­կան կենտրո­նի հետա­զո­տող Լի Սուն Յունի խոսքով՝ ՄԲՀ‑ի արձա­կումը կարող է օգնել Թրամփին ապա­ցուցել, որ ինքը լավա­գույն թեկնա­ծուն է նման ավտոկրատնե­րին զսպե­լու համար՝ մատնանշե­լով, որ Հյուսի­սա­յին Կորեան զերծ է մնա­ցել հրթի­ռա­յին փորձարկումնե­րից նրա պաշտո­նա­վարման զգա­լի հատվա­ծում։

«Կիմ Ջոն Ունգի կողմից անպա­տասխա­նա­տու քայլ կլի­ներ՝ առանց մեծ սադրանքի դիմե­լը ԱՄՆ ընտրություննե­րից առաջ… ՄԲՀ‑ի արձա­կումը, որը առա­ջինն է Հյուսի­սի համար վերջին 10 ամիսնե­րի ընթացքում, միայն կօգնի նրան, ով ժամա­նա­կին նրա նամա­կագրա­կան ընկերն էր եղել», — ասել է Լին։

Ռիսկը, որ Ռուսաստա­նը կարող է օգնել Հյուսի­սա­յին Կորեա­յին զենքե­րի, այդ թվում՝ ՄԲՀ‑ի տեխնո­լո­գիա­նե­րով, քննարկվել է ԱՄՆ պաշտպա­նության նախա­րար Լլոյդ Օսթի­նի և Հարա­վա­յին Կորեա­յի պաշտպա­նության նախա­րար Կիմ Են Հենի համա­տեղ մամուլի ասուլի­սի ժամա­նակ Վաշինգտո­նում։

Աղբյուրը‘ The Wall Street Journal

Թարգմա­նեց‘

Արա­յիկ Մկրտումյա­նը