Թրամփը Կարող Է Խառնել Մոսկվա­յի Ու Փհենյա­նի Հաշվարկնե­րը

Հյուսի­սա­յին Կորեան ցանկա­նում է ստա­նալ Ռուսաստա­նի աջակցությունը՝ ժամա­նա­կա­կից տեխնո­լո­գիա­ներ ձեռք բերե­լու համար՝ բալիստիկ հրթիռներ, սուզա­նա­վեր և կործա­նիչներ զարգացնե­լու նպա­տա­կով։

Bloomberg

Կիմ Ջոն Ունգը հույսը դնում է Ռուսաստա­նի տնտե­սա­կան աջակցությա­նը։ Սակայն դա կարող է հակա­ռակ ազդե­ցություն ունե­նալ։ Եթե Դոնալդ Թրամփին հաջողվի ավարտել Ուկրաի­նա­յի հակա­մարտությունը, իրա­վի­ճա­կը կարող է փոխվել։ Այս մասին նշվում է Հարա­վա­յին Կորեա­յի կառա­վա­րության հետ կապված վերլուծա­կան կենտրո­նի հետա­զո­տության մեջ։
Այս տարի Մոսկվան դարձել է Կիմի ռեժի­մի հիմնա­կան աջա­կի­ցը, և երկու երկրնե­րը ակտի­վացրել են իրենց տնտե­սա­կան և ռազմա­կան փոխա­նա­կումնե­րը։ Վաշինգտո­նի և Սեուլի պաշտոնյա­նե­րի խոսքով՝ ռազմամթերքի մատա­կա­րա­րումնե­րից հետո վերջին շաբաթնե­րին Փհենյա­նը զորքեր է ուղարկել՝ Մոսկվա­յին աջակցե­լու համար։ Փոխա­րե­նը Ռուսաստա­նը տրա­մադրում է գումար և օգնում Հյուսի­սա­յին Կորեա­յին զարգացնել իր ռազմա­կան կարո­ղություննե­րը։ Պուտի­նի հետ դաշինքի ամրապնդումը Կիմին հնա­րա­վո­րություն է տվել ավե­լի քիչ դիմել Պեկի­նին դիվա­նա­գի­տա­կան աջակցության համար։ Սակայն Փհենյա­նը դեռևս մեծա­պես կախված է Չինաստա­նից իր տնտե­սա­կան կարիքնե­րի բավա­րարման հարցում, նշվում է Կորեա­յի Զարգացման Ինստի­տուտի ավագ գիտաշխա­տող Լի Ջոնգկյուի ղեկա­վա­րությամբ իրա­կա­նացված հետա­զո­տությունում։
«Ներկա­յիս իրա­վի­ճա­կը արդյունք է Ռուսաստա­նի և Հյուսի­սա­յին Կորեա­յի շահե­րի համընկման։ Ռուսաստա­նին անհրա­ժեշտ են սովո­րա­կան զենքեր և զորքեր, իսկ Հյուսի­սա­յին Կորեա­յին՝ սնունդ, էներգիա և արժույթ», — նշել է Լին KDI‑ի (Korea Development Institute) ամսա­կան հրա­պա­րակման մեջ՝ ավե­լացնե­լով, որ այս հարա­բե­րություննե­րը կուժե­ղա­նան, «քանի դեռ պատե­րազմը շարունակվում է»։ «Եթե պատե­րազմը ավարտվի ցանկա­ցած ձևով, ինչպես խոստա­ցել է Թրամփը, երկու կողմե­րի փոխա­դարձ կարիքնե­րը կարող են փոխվել», — եզրա­փա­կել է հեղի­նա­կը։
▪️Նրա խոսքով՝ Հյուսի­սա­յին Կորեա­յի ռազմա­կան արդյունա­բե­րությունը դեռ կարող է օգտվել Ռուսաստա­նի հետ համա­գործակցությունից, սակայն այդ ոլորտը սահմա­նա­փակ ազդե­ցություն ունի ընդհա­նուր տնտե­սության վրա և նույնիսկ կարող է խոչընդո­տել մյուս ոլորտնե­րի աճին։ «Հյուսի­սա­յին Կորեա­յի տնտե­սության՝ ամբողջությամբ Ռուսաստա­նին ուղղված մոտե­ցումը, կարծես, ունի բարձր այլընտրանքա­յին ծախսեր ոչ միայն քանա­կա­կան, այլև որա­կա­կան առումով», — ասել է նա։ Հյուսի­սա­յին Կորեա­յի իրա­կան մտադրություննե­րը Ռուսաստա­նի նկատմամբ կարող են ավե­լի շատ լինել ռազմա­կան, քան տնտե­սա­կան։
Կուկմին համալսա­րա­նի պրոֆե­սոր Լի Սան Ջունի խոսքով՝ Հյուսի­սա­յին Կորեան ցանկա­նում է ստա­նալ Ռուսաստա­նի աջակցությունը՝ ժամա­նա­կա­կից տեխնո­լո­գիա­ներ ձեռք բերե­լու համար՝ բալիստիկ հրթիռներ, սուզա­նա­վեր և կործա­նիչներ զարգացնե­լու նպա­տա­կով։
Սա նշա­նա­կում է, որ եթե Թրամփի ջանքե­րը՝ հակա­մարտությունը դադա­րեցնե­լու ուղղությամբ, ձգձգվեն, Կիմը բավա­կա­նա­չափ ժամա­նակ կշա­հի Հյուսի­սա­յին Կորեա­յի զենքե­րի արդյունա­բե­րությունը արդիա­կա­նացնե­լու համար, իսկ նրա զորքե­րը զգա­լի ռազմա­կան փորձա­ռություն ձեռք կբե­րեն Ուկրաի­նա­յում։ Միևնույն ժամա­նակ, Ռուսաստա­նը կարող է ավե­լացնել Հյուսի­սա­յին Կորեա­յի աշխա­տողնե­րի թիվը՝ աշխա­տուժի պակա­սը մեղմե­լու համար, նշում են հետա­զո­տության հեղի­նակնե­րը։

Աղբյուրը՝ Bloomberg

Թարգմա­նեց՝
Արա­յիկ Մկրտումյա­նը