Կալլասը նշել է, որ «հստակ է՝ Ռուսաստանը խաղաղություն չի ուզում» և պետք է պատասխանատվություն կրի իր «բացահայտ ապօրինի» ագրեսիայի համար։ «Ռուսաստանը դաժան է, ագրեսիվ և վտանգ է ներկայացնում բոլորիս համար», — հավելել է նա։
Politico
Politico. ԵՄ-ն հայտարարում է Ռուսաստանի նկատմամբ խիստ պատժամիջոցների մասին՝ ուղղված էներգետիկայի և բանկային համակարգի դեմ։
«Մեր ուղերձը հստակ է. այս պատերազմը պետք է ավարտվի», — հայտարարել է ԵՄ հանձնաժողովի նախագահ Ուրսուլա ֆոն դեր Լայենը։
Եվրոպական հանձնաժողովը հայտարարեց Ռուսաստանի դեմ պատժամիջոցների նոր փաթեթի մասին։ Սահմանափակումները ուղղված են էներգետիկ արտահանմանը, կենսական ենթակառուցվածքներին և ֆինանսական հատվածին, այդ թվում՝ այն հիմնարկներին, որոնք աջակցում են Կրեմլի ռազմական գործողություններին։ Առաջարկների թվում է՝ ռուսական նավթի առավելագույն գնի նվազեցումը՝ մեկ բարելի դիմաց 60-ից մինչև 45 դոլար, ինչպես նաև «Հյուսիսային հոսք» գազատարների օգտագործման արգելքը՝ Ռուսաստանից Գերմանիա գազ մատակարարելու նպատակով։ Բացի այդ, ևս 22 ռուսական բանկ կբացառվի SWIFT համակարգից։ ՌԴ ֆինանսական հաստատությունների հետ գործարքների մասնակի արգելքը նախատեսվում է ընդլայնել մինչև «լիարժեք գործարքների արգելք», հայտարարել է Ուրսուլա ֆոն դեր Լայենը։
Ֆոն դեր Լայենը, պատժամիջոցները անվանելով «խիստ» և «հաստատակամ», ընդգծել է, որ ռուսական տնտեսությունն արդեն ճնշման տակ է՝ նախորդ պատժամիջոցների պատճառով, իսկ նոր փաթեթը «նրան ավելի հզոր հարված կհասցնի»։
«Ռուսաստանը շարունակում է մահ և ավերածություն սփռել Ուկրաինայում։ Մեր ուղերձը հստակ է՝ այս պատերազմը պետք է ավարտվի», — ասել է նա՝ ԵՄ արտաքին քաղաքականության ղեկավար ԿայաԿալլասի հետ համատեղ մամուլի ասուլիսիժամանակ։
Իր հերթին Կալլասը նշել է, որ «հստակ է՝ Ռուսաստանը խաղաղություն չի ուզում» և պետք է պատասխանատվություն կրի իր «բացահայտ ապօրինի» ագրեսիայի համար։ «Ռուսաստանը դաժան է, ագրեսիվ և վտանգ է ներկայացնում բոլորիս համար», — հավելել է նա։
Բրյուսելը հույս ունի Վաշինգտոնի աջակցությանը՝ նոր պատժամիջոցային փաթեթը առաջ մղելու հարցում, որը պետք է համաձայնեցվի մինչև այս շաբաթ Կանադայի Ալբերտա քաղաքում կայանալիք Մեծ յոթնյակի (G7) գագաթնաժողովը։ Ուկրաինան հրավիրվել է մասնակցելու գագաթնաժողովին։ Քննարկման հիմնական թեմաներից մեկն է՝ նավթի գնի առավելագույն շեմի նվազեցումը։ Սակայն ԵՄ-ն չի կարող այդպիսի որոշում ընդունել միակողմանիորեն՝ անհրաժեշտ է միջազգային համակարգում։
Ակնկալվում է, որ ԵՄ անդամ պետությունները կսատարեն հանձնաժողովի առաջարկները, իսկ վերջնական համաձայնությունն կձևավորվի մինչև ամսվա ավարտ։
«Այս երեկո ԵՄ երկրների դեսպանների (Coreper) առաջին քննարկումն ու կարծիքների փոխանակումը տեղի կունենա», — հայտարարել է Լեհաստանի եվրոպական հարցերով պետքարտուղար և վեցամսյա նախագահող երկրի համակարգող Իգնացի Նեմչիցկին։ «Ես լավատես եմ, որ հաջողության կհասնենք», — հավելել է նա։
Ֆոն դեր Լայենի խոսքով՝ ռուսական նավթի ներկրման արգելքը կթարմացվի՝ ընդգրկելով նաև այն նավթամթերքները, որոնք արտադրվել են երրորդ երկրներում այդ նավթից։ Սա, ըստ նրա, թույլ կտա խուսափել շրջանցման սխեմաներից։
Նաև քննարկվում է ևս 77 նավ ներառել պատժամիջոցների ցանկում՝ Ռուսաստանի այսպես կոչված «ստվերային նավատորմից», որոնց արգելվելու է մուտքը ԵՄ նավահանգիստներ։
Հանձնաժողովը առաջարկում է պատժամիջոցներ կիրառել նաև Ռուսաստանի ուղղակի ներդրումների. ֆոնդի դեմ՝ որը, ըստ ֆոն դեր Լայենի, օգտագործվում է տնտեսության արդիականացման և պատժամիջոցների շրջանցման նպատակով։
2,5 միլիարդ եվրոյի ծավալով արտահանման արգելքը կներառի արդյունաբերական սարքավորումներ, մետաղներ, պլաստմասսա, քիմիական նյութեր, ինչպես նաև երկակի նշանակության տեխնոլոգիաներ, որոնք օգտագործվում են դրոնների, հրթիռների և այլպսպառազինության արտադրության համար։ «Մենք պետք է երաշխավորենք, որ Ռուսաստանը չկարողանա արդիականացնել իր զինանոցը՝ օգտագործելով եվրոպական տեխնոլոգիաներ», — ընդգծել է նա։
Պատասխանելով պատժամիջոցների արդյունավետության մասին հարցին՝ ԵՄ նախագահը հիշեցրել է, որ 2022թ. փետրվարին՝ լայնամասշտաբ ներխուժումից առաջ, Ռուսաստանը վաստակում էր մոտ 12 միլիարդ եվրո՝ ԵՄ-ին էներգակիրների արտահանումից։ Այժմ այդ թիվը կրճատվել է մինչև 1.8 միլիարդ եվրո։ Ֆոն դեր Լայենը հավելել է, որ 18-րդ պատժամիջոցային փաթեթը կհամաձայնեցվի ԱՄՆ-ում քննարկվող լրացուցիչ միջոցառումների հետ։
Մասնավորապես, սենատոր Լինդսի Գրեհեմը վերջերս առաջարկել է սահմանել 500 տոկոս մաքսատուրք ռուսական հանքային վառելանյութերի ներկրման վրա։ Թեև Սպիտակ տունը դեռ չի արտահայտել պաշտոնական աջակցություն այս նախաձեռնությանը, այն ակտիվորեն քննարկվում է Եվրոպայում։
Աղբյուրը՝