Թրամփը Թուլացնում Է Իր Աջակցությունը Կիև­ին

Սա արդեն երկրորդ դեպքն է, երբ Թրամփի վարչա­կազմը Ուկրաի­նա­յի համար նախա­տեսված զենքը վերաուղղում է ամե­րիկյան զինված ուժե­րին։ 

The Wall Street Journal

The Wall Street Journal‑ը գրում է այն մասին, որԱՄՆ‑ն կասեցնում է Ուկրաի­նա­յին հիմնա­կան զենքի մատա­կա­րա­րումնե­րը՝ Կիև­ին աջակցության թուլացման նոր նշաններ ցույց տալով

ԱՄՆ‑ի որո­շումը՝ կասեցնել Ուկրաի­նա­յին նախա­տեսված զենքի մատա­կա­րա­րումնե­րը, արտա­ցո­լում է Թրամփի վարչա­կազմի կողմից Կիև­ին Ռուսաստա­նի դեմ պաշտպանվե­լու հարցում աջակցության հանձնա­ռության թուլա­ցումը։ Վարչա­կազմի ներկա­յա­ցուցիչնե­րը ընդգծել են անհրա­ժեշտությունը՝ կենտրո­նա­նա­լու Չինաստա­նի կողմից երկա­րա­ժամկետ սպառնա­լիքնե­րի վրա, իսկ ավե­լի կարճա­ժամկետ հեռանկա­րում՝ Մերձա­վոր Արև­ելքի ռազմա­կան կարիքնե­րի վրա։

Սպի­տակ տան մամուլի քարտուղար Աննա Քելլին հայտա­րա­րել է, որ «այս որո­շումը կայացվել է Ամե­րի­կա­յի շահե­րից ելնե­լով»՝ Պենտա­գո­նի կողմից ԱՄՆ ռազմա­կան օգնության վերա­նայման արդյունքում։ Երբ ընդունվել է կասեցման որո­շումը, զենքի խմբա­քա­նակնե­րը գտնվել են Լեհաստա­նում և ներա­ռել են «Patriot» զենի­թահրթի­ռա­յին համա­կարգի հրթիռներ, «օդ-օդ», «օդ-երկիր» (Hellfire) և «երկիր-երկիր» հրթիռներ, հրե­տա­նա­յին արկեր և «Stinger» տեսա­կի «երկիր-օդ» հրթիռներ։

Պենտա­գո­նի քաղա­քա­կա­նության հարցե­րով փոխնա­խա­րար Էլբրիջ Քոլբին հրա­ժարվել է մեկնա­բա­նել զենքի մատա­կա­րա­րումնե­րի կասեցման որո­շումը, սակայն նշել է, որ Պենտա­գո­նը նախա­գահ Թրամփին տարբե­րակներ կներկա­յացնի Ուկրաի­նա­յին ռազմա­կան աջակցության շարունակման համար, որոնք «համա­պա­տասխա­նում են այս ողբերգա­կան պատե­րազմը ավարտե­լու նրա նպա­տա­կին»։

«Նախա­րա­րությունը մանրակրկիտ վերլուծում է և հարմա­րեցնում իր մոտե­ցումը այդ նպա­տա­կի իրա­գործման համար՝ միևնույն ժամա­նակ պահե­լով ԱՄՆ զինված ուժե­րի մարտա­կան պատրաստվա­ծությունը՝ վարչա­կազմի պաշտպա­նության առաջնա­հերթ խնդիրնե­րը լուծե­լու համար», — ասել է նա։

Սպի­տակ տան քայլե­րը շփո­թեցրել են որոշ վերլուծա­բաննե­րի, որոնք նշել են, որ ՆԱՏՕ‑ի գագաթնա­ժո­ղո­վի ընթացքում անցած շաբաթ Թրամփը հայտա­րա­րել էր, թե դիտարկում է Կիև­ին «Patriot» հրթիռնե­րի վաճառքի հնա­րա­վո­րությունը։ Սա արդեն երկրորդ դեպքն է, երբ Թրամփի վարչա­կազմը Ուկրաի­նա­յի համար նախա­տեսված զենքը վերաուղղում է ամե­րիկյան զինված ուժե­րին։ Թրամփի վարչա­կազմը ժառանգել է իրա­վա­սություն՝ Պենտա­գո­նի պաշարնե­րից Ուկրաի­նա­յին մատա­կա­րա­րել մինչև 3.85 միլիարդ դոլա­րի զենք, սակայն առայժմ զերծ է մնում դրա­նից։ Վարչա­կազմը նաև չի դիմել Կոնգրե­սին լրա­ցուցիչ ֆինանսա­վո­րում ստա­նա­լու՝ «Ուկրաի­նա­յի անվտանգության աջակցության նախա­ձեռնություն» ծրագրի համար, որի միջո­ցով Կիևը զենք է գնում ամե­րիկյան ռազմա­կան կապա­լա­ռունե­րից։

Թրամփի վարչա­կազմում Պենտա­գո­նի նախկին ներկա­յա­ցուցիչ Դեն Քոլդուե­լը ողջունել է մատա­կա­րա­րումնե­րի կասեցման որո­շումը։ «Նախա­գահ Թրամփը և նախա­րար Հեգսե­թը ճիշտ որո­շում են ընդունում՝ առաջնա­հերթություն տալով մեր մարտունա­կությա­նը և պաշտպա­նությա­նը՝ Ուկրաի­նա­յին մատա­կա­րա­րումնե­րի փոխա­րեն, մի պատե­րազմում, որտեղ ԱՄՆ‑ի կենսա­կան շահե­րը չեն ներգրավված», — ասել է նա։

Աղբյուրը՝

Հետև­եք նաև Մեր Ուղի­նի ֆեյսբուքյան էջին ՝