Իշխա­նության Նպա­տա­կը Խաղա­ղության Պահպա­նումն Է, Իսկ Ընդդի­մությունը Պատե­րազմ Է Բերե­լու

Հայաստա­նը չպետք է իրեն համե­մա­տի այլ հետխորհրդա­յին երկրնե­րի սցե­նարնե­րի հետ։ Ցանկա­ցած երկիր կարող է կիրա­ռել ազդե­ցության լծակներ, և կարև­որն այն է, թե Հայաստա­նը հետա­գա­յում ինչ հարա­բե­րություններ է կառուցե­լու տարբեր դերա­կա­տարնե­րի հետ։ 

Մարիա Կարա­պետյան

Հայաստա­նի Հանրա­յին Ռադիոն զրուցել է ԱԺ ՔՊ խմբակցության պատգա­մա­վոր Մարիա Կարա­պետյա­նի հետ։ Զրույցի ընթացքում քննարկվում է Հայաստա­նի ներքա­ղա­քա­կան գործընթացներն և արտա­քին մարտահրավերները,իշխող կուսակցության ներքին ժողովրդա­վա­րա­կան մեխա­նիզմնե­րը։ Կարա­պետյա­նը հակա­դարձում է ընդդի­մա­դիր քննա­դա­տությա­նը և պնդում, որ թափանցիկ ընտրա­ցուցակնե­րի կազմումը վկա­յում է առողջ մրցակցության մասին։ Շեշտվում է բազմա­վեկտոր և հավա­սա­րակշռված արտա­քին քաղա­քա­կա­նության անհրա­ժեշտությունը, որի նպա­տակն է խուսա­փել աշխարհա­քա­ղա­քա­կան բախումնե­րից և ապա­հո­վել տևա­կան խաղա­ղություն տարա­ծաշրջա­նում։

Մարիա Կարա­պետյա­նը նշեց, որ կուսակցության ներկուսակցա­կան ընտրություննե­րը դեռ ավարտված չեն․առաջին 50 տեղե­րը զբա­ղեցրած թեկնա­ծունե­րը ևս մեկ փուլով քարո­զարշավ են իրա­կա­նացնե­լու, ապա ավե­լի քան հազար պատվի­րակ կրկին քվեարկե­լու է  վարկա­նի­շա­յին տրա­մա­բա­նությամբ։ Գործընթա­ցը բաց ու կազմա­կերպված էր, և հենց այդ հրա­պա­րա­կայնությունը խոսուն ապա­ցույց է առողջ մրցակցության մասին։

Քաղա­քա­կան գործի­չը կարծում է՝ հակա­սա­կան են այն քննա­դա­տություննե­րը, թե ամեն ինչ որո­շում է մեկ անձը, բայց միա­ժա­մա­նակ նույն մարդիկ պնդում են, որ այդ անձը նույնիսկ կուսակցության ներսում հեղի­նա­կություն չունի։ Նրա խոսքով՝ իրա­կա­նությունն այն է, որ ցուցա­կը ձևա­վորվում է համա­ժո­ղո­վի կողմից, ինչը նաև օրենքով նախա­տեսված մեխա­նիզմ է, և կուսակցության ներսում առկա է իրա­կան մրցակցություն։ 

Անդրա­դառնա­լով քաղա­քա­կան մրցակցությա­նը՝ Մարիա Կարա­պետյա­նը ասաց, որ իրենք մրցա­կիցներ չեն ընտրում․ներկայացնում են իրենց ծրագրերն ու արժեքնե­րը՝ խաղա­ղություն, ժողովրդա­վա­րություն և պետա­կան զարգացում։Ըստ նրա՝ թիրա­խա­վորվում են միայն այն ուժե­րը, որոնք հակադրվում են այդ օրա­կարգին։

Պատգա­մա­վո­րը նշեց, որ Հայաստա­նի նախկին իշխա­նություննե­րի ժամա­նակ ձևա­վորված համա­կարգը միայն ուղղա­հա­յաց իշխա­նություն չէր, այլ նաև փոխկախված տնտե­սա­կան-քաղա­քա­կան հարա­բե­րություննե­րի ցանց, որտեղ տնտե­սա­կան դերա­կա­տարնե­րը ապա­հո­վում էին քաղա­քա­կան աջակցություն։ Նրա դիտարկմամբ՝ այսօր քաղա­քա­կան դաշտում ի հայտ եկող որոշ «նոր» դեմքեր իրա­կա­նում այդ համա­կարգից են գալիս, իսկ ռուսա­կան կապի­տա­լի գործո­նը կարև­որ դեր է ունե­ցել նախկին իշխա­նություննե­րի վրա ազդե­ցություն պահպա­նե­լու հարցում։ Կարա­պետյա­նը պնդում է, որ այդ փոխկա­պակցվա­ծության վերջին շերտե­րից մեկը նաև եկե­ղե­ցու թեմա­յի քաղա­քա­կա­նա­ցումն է, որը նախկի­նում օգտա­գործվել է հասա­րա­կա­կան ազդե­ցության համար։ Եկե­ղե­ցու շուրջ մեղադրանքնե­րը կորցնում են ուժը, երբ պարզվում է՝ արժեքնե­րի պահպա­նումը հաճախ չի համա­պա­տասխա­նել դրանց իրա­կան կիրառմա­նը, և այդ թեմա­նե­րը երկար ժամա­նակ ծառա­յել են քաղա­քա­կան նպա­տակնե­րի։

Արտա­քին քաղա­քա­կա­նության մասին խոսե­լիս պատգա­մա­վոր Կարա­պետյա­նը նշեց, որ Հայաստա­նը չպետք է իրեն համե­մա­տի այլ հետխորհրդա­յին երկրնե­րի սցե­նարնե­րի հետ։ Նրա համոզմամբ՝ ցանկա­ցած երկիր կարող է կիրա­ռե­լազդե­ցության լծակներ, և կարև­որն այն է, թե Հայաստա­նը հետա­գա­յում ինչ հարա­բե­րություններ է կառուցե­լու տարբեր դերա­կա­տարնե­րի հետ։ Նա ընդգծեց, որ պարտա­դիր չէ արձա­գանքել բոլոր մարտահրա­վերնե­րին, այլ պետք է հասկա­նալ՝ որ ուղղությամբ է պետք շարժվել։

Մարիա Կարա­պետյա­նը կարծում է, որ հակա­մարտության տրա­մա­բա­նության վերա­կենդա­նա­ցումը կարող է հանգեցնել պատե­րազմի, ուստի իրենց քաղա­քա­կան դիրքո­րո­շումը խաղա­ղության պահպա­նումն է։ Նրա գնա­հատմամբ՝ որոշ ուժեր փորձում են կասկա­ծի տակ դնել արդեն ձեռք բերված պայմա­նա­վորվա­ծություննե­րը և ներգրա­վել նոր դերա­կա­տարնե­րի, ինչը կարող է տարա­ծաշրջա­նը կրկին տանել ռազմա­կան բախման։ Պատգա­մա­վո­րը համոզված է, որ խաղա­ղության պայմա­նագրի ստո­րագրումը հնա­րա­վոր է տարբեր հանգա­մանքնե­րի ձևա­վորման դեպքում։ Նա նշեց, որ Ադրբե­ջա­նի խոսույթում վերջին շրջա­նում նկատվում են փոփո­խություններ և որոշ հարցե­րում ավե­լի հաճախ են կրկնվում փոխա­դարձ համա­ձայնեցված ձևա­կերպումներ, ինչը դրա­կան է գնա­հա­տում։

Կարա­պետյա­նը դիտարկում է, որ արտա­քին քաղա­քա­կա­նությունը պետք է լինի շարունա­կա­կան բալանսա­վո­րում․ աշխարհը մշտա­պես փոխվում է, և պետությունը պետք է ամեն օր վերագնա­հա­տի իր հարա­բե­րություննե­րը տարբեր գործընկերնե­րի հետ։ Նրա խոսքով՝ նպա­տա­կը որևէ երկրի դուրս մղե­լը չէ, այլ փոխշա­հա­վետ առա­ջարկնե­րի քննարկումը բոլոր ուղղություննե­րով։

Նա նաև ընդգծեց, որ Հայաստա­նը պետք է իր ամե­նազգա­յուն թեմա­նե­րը պահի սեփա­կան օրա­կարգում, որպեսզի դրանք չդառնան այլ երկրնե­րի ներքա­ղա­քա­կան պայքա­րի գործիք։

Տրանսպորտա­յին և տնտե­սա­կան հաղորդուղի­նե­րի թեմա­յով Մարիա Կարա­պետյա­նը նշեց, որ կան կառուցո­ղա­կան ազդակներ տարբեր կողմե­րից, այդ թվում՝ երկա­թուղա­յին կապե­րի վերա­կանգնման վերա­բերյալ, սակայն վերջնա­կան գնա­հա­տա­կա­նը պետք է տան գործա­դիր իշխա­նության ներկա­յա­ցուցիչնե­րը։ Նրա համոզմամբ՝ Հայաստա­նը պատրաստ է քննարկել բոլոր առա­ջարկնե­րը և ընտրել այն տարբե­րակնե­րը, որոնք փոխշա­հա­վետ են երկրի համար։

Ամփո­փե­լով՝ Կարա­պետյա­նը ասաց, որ պետա­կան քաղա­քա­կա­նության նպա­տա­կը խաղա­ղության ապա­հո­վումն ու գործընկերնե­րի հետ հավա­սա­րակշռված հարա­բե­րություննե­րի պահպա­նումն է, և այդ գործընթա­ցը պետք է շարունա­կա­կան լինի։

Հարցազրույցն ամբողջությամբ՝