ՀՅԴ‑ն Քիուեսթյան «Նախագծի» Պատասխա­նա­տունե­րից Է

Այդքա­նից հետո միանշա­նակ պնդել, որ Դաշնակցությունը կարող է «արտո­նել», որպեսզի քիուեսթյան «նոր ձեւա­վորվող փաթեթն» իրա­կա­նացվի, նշա­նա­կում է կուսակցության մարմիննե­րին ծանուցել, որ Բյուրոն կարգա­վորման այդ տարբե­րա­կին արդեն իսկ համա­ձայնություն է տվել։

Վահրամ Աթա­նեսյան

Մաս 27

«Մենք ի վիճա­կի ենք թե՛ թույլատրե­լու, եւ թե՛ խանգա­րե­լու հարցի կարգա­վորման այս (քիուեսթյան) տարբե­րա­կը, սակայն պահի թելադրանքն է՝ լինել աչա­լուրջ, քանզի բոլոր պարա­գա­նե­րում մենք պատասխա­նա­տու ենք երկրի եւ ժողովրդի վաղվա համար»,- 2001 թվա­կա­նի ապրի­լի  16‑ի դրությամբ, երբ կուսակցության մարմիննե­րին էր ներկա­յացնում իր Շրջա­բե­րա­կա­նը, իրա­վի­ճակն այսպես է ներկա­յացրել ՀՅԴ Բյուրոն: 

«Երկրի եւ ժողովրդի վաղվա համար պատասխա­նատվությունը» եւ «պահի թելադրանքն է՝ լինել աչա­լուրջ» ձեւա­կերպումնե­րը տվյալ դեպքում կարե­լի է համա­րել «ուղեկցող»: Դաշնակցության Բյուրո­յի հիմնա­կան ասե­լի­քը չափա­զանց հստակ եւ, դրա­նով հանդերձ, խիստ պատասխա­նա­տու է. «Մենք ի վիճա­կի ենք թե թույլատրե­լու եւ թե խանգա­րե­լու հարցի կարգա­վորման այս տարբե­րա­կը»: 

Մինչ այդ Շրջա­բե­րա­կա­նի հեղի­նակնե­րը մի քանի անգամ «թեա­կան» հարցադրումներ են արել, թե արժե՞ աջակցություն հայտնել ղարա­բաղյան կարգա­վորման քիուեսթյան «նոր ձեւա­վորվող փաթե­թին», երբեմն տատամսկել են, թե արդյոք աջակցությունը չի՞ բերի Դաշնակցության վարկա­նի­շա­յին կորուստնե­րի, որոշ դեպքե­րում ակնարկել են, թե չեն կարող գործող իշխա­նություննե­րին ընդդի­մա­նալ այնպես, ինչպես վարվում էին Տեր-Պետրոսյա­նի դեմ քարոզչություն եւ բողո­քի զանգվա­ծա­յին ցույցեր կազմա­կերպե­լիս: 

Այդքա­նից հետո միանշա­նակ պնդել, որ Դաշնակցությունը կարող է «արտո­նել», որպեսզի քիուեսթյան «նոր ձեւա­վորվող փաթեթն» իրա­կա­նացվի, նշա­նա­կում է կուսակցության մարմիննե­րին ծանուցել, որ Բյուրոն կարգա­վորման այդ տարբե­րա­կին արդեն իսկ համա­ձայնություն է տվել եւ Հայաստա­նի իշխա­նություննե­րին լիո­վին վստա­հեցրել, որ նույնիսկ հակա­քա­րոզչություն չի իրա­կա­նացնե­լու: 

Բայց ու՞մ անունից է ՀՅԴ‑ն Բյուրոն «արտո­նել», որ Լեռնա­յին Ղարա­բա­ղի խնդի­րը կարգա­վորվի քիուեսթյան «նոր ձեւա­վորվող փաթե­թի» հիման վրա: Կուսակցա­կան շարքե­րը տեղյա՞կ էին քիուեսթյան բանակցություննե­րին, Դաշնակցության կոմի­տեություննե­րը խնդի­րը քննարկե՞լ էին: Որքա­նով հայտնի է, քիուեսթյան «փաթե­թը» Դաշնակցության մարմիննե­րի կողմից քննության է առնվել Բյուրո­յի խնդրո առարկա Շրջա­բե­րա­կա­նի տարա­ծումից հետո: 

Տվյալ դեպքում ակնա­ռու է մի հանգա­մանք. ՀՅԴ Բյուրոն, կարծես, կուսակցության մարմիննե­րին իրա­զե­կում է սկզբունքո­րեն նոր իրա­վի­ճա­կի մասին, որտեղ կարեւո­րը Դաշնակցության դիրքո­րո­շումն է: Դաշնակցությունը կարող է «արտո­նել», այսինքն՝ թույլ տալ, որ իշխա­նություննե­րը քիուեսթյան «նոր ձեւա­վորվող փաթե­թի» հիման վրա գնան ղարա­բաղյան հակա­մարտության կարգա­վորման: Ո՞րն է այս չափա­զանց հավակնոտ կեցվածքի աղբյուրը: 

Վահրամ Աթա­նեսյան

(Շարունա­կե­լի)