Իշխան Սաղա­թելյա­նը՝ Ռոբերտ Քոչարյա­նի Կրկնակ

Մարդ-կուսակցություննե­րի հետ ՀՅԴ համա­գործակցությունը վկա­յում է, որ երբեմնի հեղի­նա­կա­վոր կուսակցությունը նույնպես մաշվել եւ գրե­թե նույն վարկա­նիշն ունի, ինչ, ասենք, Վազգեն Մանուկյա­նի ԱԺՄ‑ն:

Մուղնի

Փարի­զում օրերս ավարտված «Սփյուռքի զորա­շարժի խորհրդա­ժո­ղո­վի» կազմա­կերպի­չը ՀՅԴ‑ն էր, իսկ բուն նպա­տա­կը՝ նախընտրա­կան: 

Դաշնակցությունը Հայաստա­նում հասել է վարկա­նի­շա­յին աննա­խա­դեպ անկման եւ սպա­ռել բոլոր քարոզչահնարքնե­րը, ուստի փորձում է սփյուռքյան համայնքնե­րի միջո­ցով գոնե որոշ չափով վերա­կանգնել վաղե­մի հեղի­նա­կությունը:

Բայց ինչպե՞ս: 

Վերցնենք մասնա­վոր օրի­նակ: Փարի­զում ՀՅԴ Հայաստա­նի Գերա­գույն մարմնի ներկա­յա­ցուցիչ Իշխան Սաղա­թելյա­նը համայնքի եւ եկե­ղե­ցա­կան կառույցնե­րի հետ շփումնե­րում, ինչպես վկա­յում են տարածված տեսանյութե­րը եւ լուսանկարնե­րը, ներկա­յա­ցել է Հայաստա­նի նախկին վարչա­պետներ Վազգեն Մանուկյա­նի, Խոսրով Հարությունյա­նի եւ Հրանտ Բագրատյա­նի հետ:

Դաշնակցությունը 1996թ. նախա­գա­հա­կան ընտրություննե­րում Վազգեն Մանուկյա­նի աջա­կի­ցը եւ ամե­նաուժեղ հենա­րանն է եղել: Վազգեն Մանուկյա­նը հայ ժողովրդի «համաշխարհա­յին ազգ լինե­լու» տեսության քարո­զիչ է, այդ եւ ազգա­յին գաղա­փա­րա­խո­սության այլ հարցե­րում ՀՅԴ հետ ընդհանրություններ ունի: Իսկ ի՞նչն է ՀՅԴ-ին այսօր կապում Խոսրով Հարությունյա­նի եւ Հրանտ Բագրատյա­նի հետ:

Հայաստա­նի այդ երկու նախկին վարչա­պետնե­րի դեմ մենք սկզբունքա­յին ոչինչ չունենք, նրանց պետա­կան գործունեության գնա­հա­տա­կա­նը կտա պատմությունը: Խոսքը նրանց եւ Դաշնակցության քաղա­քա­կան անհա­մա­տե­ղե­լիության, եթե ոչ հակոտնայնության մասին է: ՀՅԴ բարձրաստի­ճան գործիչնե­րից մեկի եւ նրանց համա­գործակցությունը ի՞նչ հիմքի վրա է կառուցված:

Իշխան Սաղա­թելյա­նին եթե այդ մասին հարց ուղղվի, անպատճառ կհե­տեւի պատասխան. «Նիկո­լին օր առաջ հեռացնե­լու համար պատրաստ եմ համա­գործակցել անգամ սատա­նա­յի հետ»: Ընդունենք, որ «նպա­տակն արդա­րացնում է միջո­ցը», բայց ո՞րն է Վազգեն Մանուկյա­նի, Խոսրով Հարությունյա­նի եւ Հրանտ Բագրատյա­նի «միջո­ցը», կա՞: Անկասկած՝ ոչ: Այլա­պես նրանք Նիկոլ Փաշինյա­նի դեմ մրցա­պայքա­րի կմտնեին իրենց սեփա­կան դեմքով:

Մարդ-կուսակցություննե­րի հետ ՀՅԴ համա­գործակցությունը վկա­յում է, որ երբեմնի հեղի­նա­կա­վոր կուսակցությունը նույնպես մաշվել եւ գրե­թե նույն վարկա­նիշն ունի, ինչ, ասենք, Վազգեն Մանուկյա­նի ԱԺՄ‑ն: Հակա­ռակ դեպքում Դաշնակցությունը Ռոբերտ Քոչարյա­նի «թեւի տակ չէր ծվա­րի»: Եւ չէր ստացվի այնպես, որ «Հայաստան» դաշինքի ցուցա­կում Աննա Գրի­գորյա­նը երրորդ, Արծվիկ Մինասյա­նը՝ երե­սունե­րորդ, իսկ Իշխան Սաղա­թելյա­նը՝ երկրորդ տեղում է: Երեւի նրան ոչինչ, առա­ջին հերթին ՀՅԴ հեղի­նա­կությունը, չի հուզում: Միայն թե ինքը Ռոբերտ Քոչարյա­նի կրկնա­կը լինի:

Մուղնի

Վերոնշյալ գրա­ռումը Մեր Ուղին‑ի խմբագրա­կան կազմը ստա­ցել է էլեկտրո­նա­յին հաղորդագրությամբ.