Հունիսյան Քաղա­քակրթա­կան Ընտրություննե­րը

Երկրի զարգացման ընթացքը կախված է քաղա­քա­ցի­նե­րի ընտրությունից և վստա­հություն հայտնեց, որ հասա­րա­կությունը կկա­տա­րի այնպի­սի ընտրություն, որը կապա­հո­վի պետության շարունա­կա­կան զարգա­ցումը։ 

Արսեն Թորոսյան

1inTV‑ն զրուցել է Աշխա­տանքի և սոցիա­լա­կան ապա­հո­վության նախա­րար, Քաղա­քա­ցիա­կան պայմա­նա­գիր կուսակցության վարչության անդամ, թեկնա­ծու Արսեն Թորոսյա­նի հետ։ Զրույցի ընթացքում քննարկվել են Հայաստա­նի համար կարև­որ նշա­նա­կություն ունե­ցող ընտրա­կան փուլը և երկրի քաղա­քակրթա­կան կողմնո­րո­շումը։ Զրույցի առանցքում ինքնիշխան պետա­կա­նության պահպանման և ժողովրդա­վա­րա­կան արժեքնե­րի ամրապնդման հարցերն են՝ հակադրվե­լով արտա­քին ու ներքին հիբրի­դա­յին սպառնա­լիքնե­րին ու ընտրա­կա­շառքի համա­կարգա­յին փորձե­րին։ Թորոսյանն ընդգծում է քաղա­քա­ցու գիտակցված որոշման վճռո­րոշ դերը պատե­րազմի և խաղա­ղության միջև ընթա­ցող այս պատմա­կան ջրբա­ժա­նում։ Միևնույն ժամա­նակ, կարև­որվում է Եվրո­պա­կան միության հետ խորա­ցող գործակցությունը և սպասվող բարձր մակարդա­կի գագաթնա­ժո­ղովնե­րը, որոնք դիտարկվում են որպես Հայաստա­նի զարգացման «ճիշտ ռելսե­րի» և անվտանգա­յին նոր միջա­վայրի երաշխիք։

Արսեն Թորոսյա­նը նշեց, որ առա­ջի­կա ընտրություննե­րը սովո­րա­կան չեն և ունեն գոյա­բա­նա­կան նշա­նա­կություն։ Նա ընդգծեց, որ սա, իր համոզմամբ, պետության և պետա­կա­նության համար «լինել-չլի­նե­լու» ընտրություն է։ Թորոսյա­նը կարծում է, որ այս գնա­հա­տա­կա­նը ոչ թե իշխա­նություննե­րի կողմից պարտադրված է, այլ գալիս է հենց քաղա­քա­ցի­նե­րից․ ըստ նրա՝քաղաքացիներն են իրենց փոխանցում այդ մտա­հո­գությունը, որ սխալ ընտրության դեպքում կարող են վտանգվել ինքնիշխա­նությունն ու անկա­խությունը։

Նախա­րա­րը դիտարկեց, որ խաղա­ղությունը չի կարող լինել պայմա­նա­կան կամ ածա­կաննե­րով ծանրա­բեռնված հասկա­ցություն, այլ կամ կա, կամ չկա։ Նրա խոսքով՝ հակա­ռակ քաղա­քա­կան բևե­ռի առա­ջարկնե­րը, որոնք խոսում են «երաշխա­վորված» կամ «ուժեղ» խաղա­ղության մասին, իրա­կա­նում վտանգում են հենց խաղա­ղության բովանդա­կությունը և կարող են հանգեցնել նոր ռազմա­կան էսկա­լա­ցիա­յի։

Արսեն Թորոսյա­նը նաև ասաց, որ հասա­րա­կության ներսում արդեն ձևա­վորվել է որո­շում՝ պահպա­նել պետա­կա­նությունն ու զարգացնել ինքնիշխա­նությունը։ Նա նշեց, որ ժողո­վուրդը, իր համոզմամբ, այլևս չի ցանկա­նում վերա­դառնալ այն իրա­վի­ճա­կին, երբ իրեն դիտարկում էին որպես «օբյեկտ», և կարև­ո­րում է իր որո­շումնե­րի դերը իշխա­նության ձևա­վորման մեջ։

Անդրա­դառնա­լով հիբրի­դա­յին պատե­րազմին՝ Թորոսյա­նը նշեց, որ այն ուղղված է քաղա­քա­ցի­նե­րի վստա­հությունը խաթա­րե­լուն և մշտա­կան խուճա­պի մթնո­լորտ ստեղծե­լուն։ Նա կարծում է, որ այդ ազդե­ցությա­նը դիմա­կա­յե­լու հիմնա­կան միջո­ցը եղել է իշխա­նություննե­րի և քաղա­քա­ցի­նե­րի միջև ուղիղ և անկեղծ հաղորդակցությունը։ Նրա խոսքով՝ կեղծ տեղե­կություննե­րը հաճախ չեն հասնում իրենց նպա­տա­կին, քանի որ մարդիկ իրա­կան շփման մեջ տեսնում են իրա­կա­նությունը և հակադրում այն տարածվող լուրե­րին։

Նախա­րարն ընդգծեց, որ Հայաստա­նի հասա­րա­կությունն արդեն որո­շա­կի «իմունի­տետ» ունի նման տեղե­կատվա­կան ազդե­ցություննե­րի նկատմամբ, քանի որ տարի­ներ շարունակ ենթարկվել է դրանց։ Նա նշեց, որ նույնիսկ կեղծ լուրե­րի աճի պայմաննե­րում քաղա­քա­ցի­նե­րի մեծ մասը դրանք ընդունում է քննա­դա­տա­բար կամ հեգնանքով։

Արսեն Թորոսյա­նը նաև անդրա­դարձավ ընտրա­կա­շառքի դեպքե­րին՝ նշե­լով, որ դրանք ակնհայտո­րեն համա­կարգված բնույթ ունեն, թեև իրա­վա­կան առումով դա դեռ պետք է ապա­ցուցվի։ Նրա խոսքով՝ անհնար է, որ առանձին անձինք ինքնուրույն կազմա­կերպեն նման գործընթացներ առանց վերա­դաս կառույցնե­րի։ Միա­ժա­մա­նակ նա շեշտեց, որ իրա­վա­պահ մարմիննե­րը պարտա­վոր են գործել ապա­ցույցնե­րի հիման վրա, և արդեն իսկ կան որոշ բացա­հայտումներ, որոնք նախկի­նում դժվար կլի­նեին իրա­կա­նացնել։  Նա գնա­հա­տեց իրա­վա­պահ մարմիննե­րի կարո­ղություննե­րը որպես զարգա­ցող՝ նշե­լով, որ թե՛ մասնա­գի­տա­կան, թե՛ տեխնի­կա­կան առումով առա­ջընթաց կա, հատկա­պես հակա­կո­ռուպցիոն ոլորտում։ Թորոսյա­նը նշեց, որ ընտրա­կան խախտումնե­րի մասշտա­բայնության դեպքում օրենսդրությունը նախա­տե­սում է համա­պա­տասխան մեխա­նիզմներ, և անհրա­ժեշտության դեպքում կարող են կայացվել նաև աննա­խա­դեպ որո­շումներ։

Անդրա­դառնա­լով արտա­քին քաղա­քա­կա­նությա­նը՝ Արսեն Թորոսյա­նը դիտարկեց, որ Հայաստա­նը վերջին տարի­նե­րին տեսել է, թե որ ուժերն են իրա­կա­նում աջակցում իր տարածքա­յին ամբողջա­կա­նությա­նը։ Նա կարև­ո­րեց եվրո­պա­կան ուղղությամբ զարգա­ցումնե­րը, մասնա­վո­րա­պես՝ Երև­ա­նում սպասվող բարձր մակարդա­կի միջազգա­յին հանդի­պումնե­րը՝ դրանք դիտարկե­լով որպես Հայաստա­նի միջազգա­յին դերա­կա­տա­րության աճի ցուցիչ։ Նրա գնա­հատմամբ՝ Եվրո­պա­կան միության հետ հարա­բե­րություննե­րի խորա­ցումը արդեն տալիս է կոնկրետ արդյունքներ՝ սկսած ներդրումնե­րից մինչև քաղա­քա­կան աջակցություն։ Թորոսյա­նը նշեց, որ Հայաստա­նը շարժվում է եվրո­պա­կան ստանդարտնե­րին համա­պա­տասխա­նե­լու ուղղությամբ՝ ընդգծե­լով ժողովրդա­վա­րության, օրենքի գերա­կա­յության և տնտե­սա­կան զարգացման կարև­ո­րությունը։

Վերջում նա ընդգծեց, որ երկրի զարգացման ընթացքը կախված է քաղա­քա­ցի­նե­րի ընտրությունից և վստա­հություն հայտնեց, որ հասա­րա­կությունը կկա­տա­րի այնպի­սի ընտրություն, որը կապա­հո­վի պետության շարունա­կա­կան զարգա­ցումը։

Հարցազրույցն ամբողջությամբ՝