Եվրո­պան Սպառնում Է Նոր, Ծանր Պատժա­մի­ջոցնե­րով

Ֆրանսիա­յի, Գերմա­նիա­յի և Լեհաստա­նի առաջնորդնե­րը շաբաթ օրը սպառնա­ցել էին պատժա­մի­ջոցնե­րով, եթե Ռուսաստա­նը հրա­ժարվի «ամբողջա­կան և անվե­րա­պահ հրա­դա­դա­րից»։

Politico

Եվրո­պա­ցի առաջնորդնե­րը ցանկա­նում են ուժե­ղացնել ճնշումը Պուտի­նի վրա՝ Թուրքիա­յում բանակցություննե­րի խափանման ֆոնին։

Ուկրաի­նա­յի եվրո­պա­ցի կողմնա­կիցնե­րը պատրաստվում են նոր պատժա­մի­ջոցներ կիրա­ռել Ռուսաստա­նի նախա­գահ Վլա­դի­միր Պուտի­նի դեմ, այն բանից հետո, երբ վերջինս չմասնակցեցԹուրքիա­յում կայա­նա­լիք՝ Կիևի և Մոսկվա­յի միջև երկար սպասված բանակցություննե­րին։

Մեծ Բրի­տա­նիա­յի Քիր Սթարմե­րը, Ֆրանսիա­յի նախա­գահ Էմա­նուել Մակրո­նը, Գերմա­նիա­յի կանցլեր Ֆրիդրիխ Մերցը, Ուկրաի­նա­յի նախա­գահ Վլա­դի­միր Զելենսկին և Թուրքիա­յի նախա­գահ Ռեջեփ Էրդո­ղա­նը հանդի­պում են Ալբա­նիա­յի մայրա­քա­ղաք Տիրա­նա­յում՝ ուրբաթ օրը, Ուկրաի­նա­յում ռազմա­կան գործո­ղություննե­րը դադա­րեցնե­լու ուղի­ներ քննարկե­լու համար։

Չորս եվրո­պա­ցի պաշտոնյա­ներ հայտնել են, որ Տիրա­նա­յում անցկացվող Եվրո­պա­կան քաղա­քա­կան համայնքի գագաթնա­ժո­ղո­վում, որը հանդի­սա­նում է մայրցա­մա­քի առաջնորդնե­րի ոչ պաշտո­նա­կան հանդի­պում, ուշադրության կենտրո­նում կլի­նի Մոսկվա­յի դեմ պատժա­մի­ջոցնե­րի կտրուկ խստա­ցումը։

Երկու եվրո­պա­ցի պաշտոնյա­ներ նշել են, որ քննարկվում է ռուսա­կան ներմուծման նկատմամբ պատժո­ղա­կան սակագնե­րի սահմա­նումը։ ԵՄ‑ն զգա­լի պատժա­մի­ջոցներ է կիրա­ռել Մոսկվա­յի դեմ 2022 թ․ սկսված ներխուժումից հետո, սակայն մինչև այժմ զերծ է մնա­ցել Ռուսաստա­նի դեմ լիա­կա­տար առևտրա­յին էմբարգոից։ ԵՄ մաքսա­տուրքե­րի կիրա­ռումը նախկի­նում դիտարկվել է որպես Հունգա­րիա­յի հակա­սանկցիոն դիրքո­րո­շումը շրջանցե­լու մեխա­նիզմ։

Չորեքշաբթի օրը ԵՄ դեսպաննե­րը համա­ձայնեցրել են Ռուսաստա­նի դեմ 17-րդ պատժա­մի­ջո­ցա­յին փաթե­թը, որը ներա­ռում է գրե­թե 200 նավի նկատմամբ սահմա­նա­փա­կումներ․ այսպես կոչված «ստվե­րա­յին նավա­տորմը» օգտա­գործվում է նավթի և գազի արտա­հանման պատժա­մի­ջոցնե­րը շրջանցե­լու համար։

Կիևի և Մոսկվա­յի միջև ուղղա­կի բանակցություննե­րը՝ առա­ջինն իրենց տեսա­կով 2022‑ի լայնա­ծա­վալ ներխուժումից ի վեր, սկսվել են անո­րո­շությամբ՝ կապված այն հարցի հետ, թե ովքեր են մասնակցե­լու և արդյոք հանդի­պումը իրա­կա­նում կայա­նա­լու է։ Զելենսկին ժամա­նել է Թուրքիա՝ պատրաստ բանակցություննե­րի, սակայն Պուտի­նը հրա­ժարվել է մասնակցել՝ փոխա­րե­նը ուղարկե­լով ավե­լի ցածր մակարդա­կի պատվի­րա­կություն։ Դոնալդ Թրամփը ակնարկել է, որ պատրաստ է միա­նալ Թուրքիա­յում բարձր մակարդա­կի բանակցություննե­րին, սակայն բացա­ռել է առա­ջընթա­ցի հնա­րա­վո­րությունը՝ Պուտի­նի բացա­կա­յությունը հաստատվե­լուց հետո։ «Լսեք, ոչինչ տեղի չի ունե­նա, քանի դեռ ես և Պուտի­նը չենք հանդի­պել», – ասել է նա «Air Force One»-ում։

Բանակցություննե­րից առաջ Մեծ Բրի­տա­նիա­յի բարձրաստի­ճան մի պաշտոնյա նախազգուշացրել է, որ դրանց ձախողման դեպքում քննարկումնե­րը, ամե­նայն հավա­նա­կա­նությամբ, «կսպա­սարկեն պատժա­մի­ջոցնե­րի թեման և այն, թե ինչպես կարող ենք համախմբել երկրնե­րը՝ առա­վել կոշտ պատժա­մի­ջոցներ կիրա­ռե­լու շուրջ, ինչի մասին խոսվեց շաբաթ օրը Կիև­ում»։ Ֆրանսիա­յի, Գերմա­նիա­յի և Լեհաստա­նի առաջնորդնե­րը շաբաթ օրը սպառնա­ցել էին պատժա­մի­ջոցնե­րով, եթե Ռուսաստա­նը հրա­ժարվի «ամբողջա­կան և անվե­րա­պահ հրա­դա­դա­րից»։

Ֆրանսիա­յի արտգործնա­խա­րար Ժան-Նուել Բարրոն հայտա­րա­րել է, որ եվրո­պա­ցի­ներն ու ամե­րի­կա­ցի­նե­րը պետք է «հեռուն գնան» և «խեղդեն» ռուսա­կան տնտե­սությունը՝ ստի­պե­լով Պուտի­նին դադա­րեցնել պատե­րազմը Ուկրաի­նա­յում։ «Մենք պետք է պատրաստ լինենք կիրա­ռել կործա­նա­րար պատժա­մի­ջոցներ, որոնք կարող են մեկ անգամ ընդմիշտ խեղդել ռուսա­կան տնտե­սությունը», – ասել է նա։

ԵՄ պաշտոնյա­նե­րից մեկի խոսքով՝ նոր պատժա­մի­ջոցնե­րի նախա­ձեռնությունը բխում է ԱՄՆ սենա­տոր Լինդսի Գրե­հե­մից, ով առա­ջարկել է սահմա­նել 500 տոկո­սի մաքսա­տուրք ռուսա­կան արտա­հանման վրա, եթե Պուտի­նը չդա­դա­րեցնի հարձա­կումնե­րը Ուկրաի­նա­յի վրա։ «Մենք ոգեշնչվել ենք նրա առա­ջարկի մասշտա­բայնությունից», – նշել է պաշտոնյան։

Աղբյուրը՝