Ռուսաստանն Այլևս Բարե­կամ Երկիր Չի  Ընկալվում

Հայաստա­նի համար իրա­կան խաղա­ղությունն ու ուժը հնա­րա­վոր են միայն այն դեպքում, երբ երկի­րը կունե­նա զգա­լիո­րեն մեծ բյուջե՝ առնվազն տասնա­պա­տիկ աճով։ Աճին հասնե­լու համար անհրա­ժեշտ է զարգացնել արդյունա­բե­րությունը՝ հանքա­հումքա­յին ռեսուրսնե­րը ոչ թե հումքի տեսքով արտա­հա­նե­լով, այլ վերամշա­կե­լով տեղում։ 

Արամ Սարգսյան

ShantNews‑ը զրուցել է «Հանրա­պե­տություն» կուսակցության նախա­գահ Արամ Սարգսյա­նի հետ։ Զրույցի ընթացքում Արամ Սարգսյա­նը քննարկում է Հայաստա­նի ներքա­ղա­քա­կան լարվա­ծությունը և առա­ջի­կա ընտրություննե­րի աշխարհա­քա­ղա­քա­կան նշա­նա­կությունը։ Նա ներկա­յացնում է իր ուժի տնտե­սա­կան հավակնոտ տեսլա­կա­նը, որը հիմնված է արդյունա­բե­րա­կան թռիչքաձև աճի և միջազգա­յին ներդրումնե­րի ներգրավման վրա՝ որպես երկրի իրա­կան անվտանգության և խաղա­ղության միակ երաշխիք։ Սարգսյա­նը սուր քննա­դա­տության է ենթարկում ռուսա­կան կողմնո­րո­շում ունե­ցող գործիչնե­րին՝ պնդե­լով, որ Ռուսաստա­նի ազդե­ցությունը այլևս չի կարող կայունություն ապա­հո­վել տարա­ծաշրջա­նում։

Արամ Սարգսյա­նը նշեց, որ ներքա­ղա­քա­կան դաշտում ակտի­վությունը, որը կարե­լի է նաև լարվա­ծություն անվա­նել, բնա­կան երև­ույթ է՝ հատկա­պես ընտրություննե­րից առաջ։ Նրա դիտարկմամբ՝ այս ընտրություննե­րը բացա­ռիկ են, քանի որ որո­շե­լու են Հայաստա­նի աշխարհա­քա­ղա­քա­կան դիրքա­վո­րումն ու դերը։ Սարգսյա­նը կարծում է, որ ռուսա­կան կողմնո­րո­շում ունե­ցող ուժե­րը փորձում են 2021 թվա­կա­նից հետո գնալ ռևանշի, իսկ գործող իշխա­նությունն առաջ է քաշում հակա­ռակ թեզը։

Նա փորձեց մեկ բառով բնութագրել տարբեր ուժե­րի քարոզչությունը՝ նշե­լով, որ Նիկոլ Փաշինյա­նի մոտ այն «խաղա­ղությունն» է, Սամվել Կարա­պետյա­նի մոտ՝ «ուժը», իսկ իրենց մոտ՝ «80 միլիարդ բյուջեն»։ Արամ Սարգսյա­նը ընդգծեց, որ Հայաստա­նի համար իրա­կան խաղա­ղությունն ու ուժը հնա­րա­վոր են միայն այն դեպքում, երբ երկի­րը կունե­նա զգա­լիո­րեն մեծ բյուջե՝ առնվազն տասնա­պա­տիկ աճով։ Աճին հասնե­լու համար անհրա­ժեշտ է զարգացնել արդյունա­բե­րությունը՝ հանքա­հումքա­յին ռեսուրսնե­րը ոչ թե հումքի տեսքով արտա­հա­նե­լով, այլ վերամշա­կե­լով տեղում։ Նա նաև նշեց ջրա­յին ռեսուրսնե­րի արդյունա­վետ օգտա­գործման, էներգե­տիկ նախագծե­րի, մարտկոցնե­րի արտադրության, բազալտա­թե­լի վերա­գործարկման և բարձր տեխնո­լո­գիա­նե­րի ներգրավման կարև­ո­րությունը։ Նրա խոսքով՝ Հայաստա­նը կարող է դառնալ նաև տեղե­կատվա­կան և տեխնո­լո­գիա­կան կենտրոն։ Այս ծրագրե­րը հնա­րա­վոր են, և դրանք պոպուլիզմ չեն։ Նա ընդգծեց, որ իրենց նպա­տակն է ընտրություննե­րի միջո­ցով ստա­նալ լեգի­տի­մություն՝ այդ ծրագրե­րը կյանքի կոչե­լու համար։ Նրա համոզմամբ՝ Հայաստա­նը կարող է հինգ տարում հասնել 30 միլիարդ, իսկ տասը տարում՝ 80 միլիարդ բյուջեի։

Խոսե­լով անվտանգության և խաղա­ղության թեմա­յից՝ Սարգսյա­նը նշեց, որ ներկա­յիս խաղա­ղությունը փխրուն է։ Նա քննա­դա­տեց այն մոտե­ցումը, ըստ որի՝ Ռուսաստա­նը կարող է ապա­հո­վել կայուն խաղա­ղություն տարա­ծաշրջա­նում։ Նրա դիտարկմամբ՝ Ռուսաստա­նը ոչ միայն չի կարո­ղա­նում լուծել նման խնդիրներ, այլ նաև ինքն է ստեղծել բազմա­թիվ հակա­մարտություններ։

Արամ Սարգսյա­նը պնդեց, որ Ռուսաստա­նում բիզնես ունե­ցող քաղա­քա­կան գործիչնե­րը խոցե­լի են և կախվա­ծություն ունեն այդ երկրից։ Նրա կարծի­քով՝ նման պայմաննե­րում անկախ քաղա­քա­կա­նություն վարե­լը գրե­թե անհնար է։ Նա նաև ընդգծեց, որ ռուսա­կան ազդե­ցության տակ գտնվող ուժե­րը իրա­կա­նում ինքնուրույն չեն։

Անդրա­դառնա­լով ներքա­ղա­քա­կան հարա­բե­րություննե­րին՝ Սարգսյա­նը հայտա­րա­րեց, որ քաղա­քա­կա­նության մեջ «գրազ գալը» անլուրջ է և չի համա­պա­տասխա­նում քաղա­քա­կան մշա­կույթին։ Նա շեշտեց, որ քաղա­քա­կան դիրքո­րո­շումնե­րը պետք է լինեն հստակ՝ «այո»-ն՝ այո, «ոչ»-ը՝ ոչ։Սարգսյանը նաև քննա­դա­տեց որոշ ուժե­րի քարոզչա­կան մեթոդնե­րը՝ նշե­լով, որ դրանք հաճախ չեն համա­պա­տասխա­նում հայկա­կան հասա­րա­կության մտա­ծո­ղությա­նը։ Նրա խոսքով՝ նման սխալնե­րը ցույց են տալիս, որ այդ թիմե­րը լավ չեն հասկա­նում տեղա­կան մտա­ծո­ղությունը և ունեն ցածր արդյունա­վե­տություն։

Խոսե­լով համա­գործակցություննե­րի մասին՝ Հանրա­պե­տություն կուսակցության նախա­գա­հը նշեց, որ իրենք գաղա­փա­րա­կան տարա­ձայնություններ չունեն գործընկերնե­րի հետ։ Նա ընդգծեց, որ Հայաստա­նում հասա­րա­կա­կան տրա­մադրություննե­րը վերջին տարի­նե­րին զգա­լիո­րեն փոխվել են, և Ռուսաստա­նը այլևս չի ընկալվում որպես նախկի­նի նման բարե­կամ երկիր։Արամ Սարգսյա­նը կարծում է, որ շատ քաղա­քա­կան գործիչներ վերա­նա­յել են իրենց մոտե­ցումնե­րը և այժմ ավե­լի շատ հակված են արևմտյան արժեքնե­րին։ Նրա խոսքով՝ այդ փոփո­խություննե­րը հատկա­պես արա­գա­ցել են 2020 թվա­կա­նից հետո։ 

Անդրա­դառնա­լով տարա­ծաշրջա­նա­յին զարգա­ցումնե­րին՝ Սարգսյա­նը նշեց, որ Իրա­նի շուրջ իրա­վի­ճա­կը մտա­հո­գիչ է, սակայն չի կարծում, որ Հայաստա­նին անմի­ջա­կան վտանգ է սպառնում։ Նա ընդգծեց, որ Իրա­նի քաղա­քա­կա­նությունը հաճախ հակա­սում է ժողովրդա­վա­րա­կան արժեքնե­րին։ Նրա կարծի­քով՝ տարա­ծաշրջա­նում ուժե­րի բալանսը փոխվում է, և Միացյալ Նահանգնե­րը ավե­լի ակտիվ դեր է ստանձնում։ Սարգսյա­նը համոզված է, որ Հայաստա­նի զարգացման ուղին կապված է արևմտյան աշխարհի, մասնա­վո­րա­պես Եվրո­պա­կան միության հետ։

Վերջում Արամ Սարգսյա­նը նշեց, որ Հայաստա­նը պետք է հնա­րա­վո­րինս համա­պա­տասխա­նեցնի իր չափա­նիշնե­րը եվրո­պա­կան արժեքնե­րին՝ ապա­հո­վե­լով ժողովրդա­վա­րության զարգա­ցումը և քաղա­քա­ցի­նե­րի ազատ տեղա­շարժը դեպի Եվրո­պա։

Հարցազրույցն ամբողջությամբ՝